Mareko 15
15
1Pani merea omoro amua a’a mai‐oro kiripai, kikiria a’a ane, sunederi a’a uriria ane, voa ipinave, oro Iesu pirinave, Pilato ai oravaka’?-?enanave ane.
2Pilato erau voa veve’enave, Ni Isaraela a’a anu Amua ana? Iesu erau voa kurunave, Lia.
3Omoro amua onai‐awka?-?nave uku awku aila eiai: U voa peo.
4Pilato erau voa moawku veve’enave, Ni voa peana? Akoi’i, voa aila oro ionelimakina Ni eiai.
5Iesu voa eria kurunave; Pilato varua’anave.
6Purai pani ai Pilato onu opara piria a’a monou ururuai, kurua vaki a’a aruru umu‐awkanave.
7Piria vaki monou, nawi Baraba oroiakei’inave, u oro kiripai piriakei’inave, oro a’a aruru iara‐ekavaka, e‐avaka ane.
8A’a aruru voa araro laeali’inave uku una opara liai orau u panipani ai liaka oro eiai.
9Pilato erau voa veve’einave, Noro amalaikora’i nai Isaraela a’a anu Amua ururuai noro eiai?
10Uku u inamu‐oinave omoro amua Iesu piriaka uku omo namani eiai.
11Omoro amua a’a aruru ekinave Pilato nawki‐awkavai Baraba ururuai oro eiai.
12Pilato erau voa moawku veve’einave, Noro oiamalaikora’i, nai oiamalimau ei a’a eiai noro Isaraela a’a anu Amua oroina?
13Oro voa araro erau voa moawku laeali’inave, Iri keoa upa mere a’ane.
14Pilato erau voa veve’einave, Uku oiana, oi lipi ana U liane euna? Voa araro oro erau voa laeali’inave, Iri keoa upa mere a’ane.
15Uku Pilato a’a aruru kopai‐ekavai umuli’inave, oro eiai u Baraba ururunave, u Iesu vaki‐awmiaka’ane, iri keoa upa mere avai u Iesu ekunave.
16Aiau Iesu marea anu mako, nawi Peratoria, ora’?-?anave; aiau kaupu iki kaupukiai oro laeali’inave.
17Aro a’a kape oro luki‐awmi’inave, aimu kiku awku oro vei’inave, Una uku upa mere ai’inave ane,
18Kepoia voa oro erau voa laeali’inave, Rokoa‐ene, Isaraela a’a anu Amua e!
19Una uku upa mere oro ini vaki‐awmi’inave, kaunere kai’inave ane U upa mere are epo aimakei’inave oro avioinave ane.
20Oro makiri‐awkavaka’ane, aro a’a kape U mere oro uninave, iri keoa upa mere avai oro eleaka‐ora’anave.
21A’a nawi Simona, Kurene a’a, awpemakei’inave, avari mere u anemakei’inave, Alesana, Rupu ane enu mekai u kei’inave; Iesu unu iri keoa vakaruai oro awkinave.
22Golagota ai oro arekanave, kurua nawi inu miki, La’aro Epamu mako.
23Iri uru ika, iara muramura kiripai apaueakei’inave, oro awkunave U na’ane‐iai: U a‐na’anavea.
24Oro iri keoa upa mere avaka’ane, Una a’a kape oro kokoranave, oro voa ipinave ane uku a’a kape aua a’a kavakava miane.
25Lare uku ai oro iri keoa upa mere a’anave.
26Voa Una mua eiai Una uku upa mere erau voa kikiriakei’inave, Isaraela a’a anu Amua.
27U kiripai avapu a’a rere oro iri keoa upa mere e‐a’anave; a’a monou Una eve miki mekai, a’a mo Una eve keau mekai.
28(Iaa revareva evere’eakei’inave, erau voa kuruakeina, Namea a’a kiripai U akoakei’inave.)
29A’a epemakei’inave a’?-?ika’a’ika erau voa kurumakei’inave, Nio, Ni omoro marea oa’anave, lare rere kaiane marea nawawrea Ni la‐okana.
30Ni nane Ni inikane, iri keoa mere liline ane.
31Omoro amua a’a, kikiria a’a ane, keke‐awkama?-?kei’inave, erau voa ekinamakei’inave, A’a e U iekanave, Una nane U iawkavai liapea.
32Keriso, Isaraela a’a anu Amua, iri keoa mere lilinamoki, enei inamu‐oiane iai, pirimaroakoane‐iai ane. Orere awku U kiripai iri keoa upa mere e‐avakei’inave, orere anakaia voa kurunave.
33Lare iki pani aneaka’ane, pani va’au iki muru kei’inave anea’anea pukurua pani arekamu ai.
34Pukurua pani ai Iesu voa araro erau voa laeali’inave, Eloi, Eloi, lama sabachthani? kurua voa anu miki, Na Eloi e, Na Eloi e, uku oiana Ni ave’i’iane euna?
35A’a varomo arekamu ai oimakei’inave, oro ei laea voa viriaka’ane, oro erau voa kurunave, Akoi’i, U Elia laea‐ulauna.
36A’a monou area‐enanave, mauakapu iri uru unu ika iara evoponave, mauakapu ini paikinave, pirinave ane, U navai awkunave ane, erau voa kurumakei’inave, Keinamoki; enei inamu‐oinamaki Elia anea’ane naea, iri keoa mere ururuai.
37Iesu voa araro vikirinave, imunave ane.
38Omoro marea anu mai‐kapua koravakei’inave upa mere arau ai.
39Aiau unu marevaki Iesu unu paku ai oimakei’inave, u inamu‐oiaka’ane Iesu imuakei’inave, u erau voa kurunave, Ei a’a Eloi inu Mere kapoi.
40A’ero awku ama mere inamu‐ekimakei’inave: oro kiripai Maria Magadala i?-?pokoinave, Maria ane Iakobo Mau’u vaki inu mei, Iose, Salome ane enu mei;
41(U Galilaia ai rokoamakei’inave oro e’e’okanave, paiokanave ane; ) a’ero mo aila oro U kiripai Ierusalema ai anenave.
42Lare eua pani aneaka’ane uku purai pei evere’ea lare eire, lare Sabati lare paku ai,
43Iosepa Arimatea a’a, Sunederi uru ima a’a, u awku Eloi inu eiei aioiaka‐pokoinave, u i‐anenave, Pilato onu paku ai u iviri ikirinave, Iesu unu kape miai u nawki‐awkanave.
44Pilato pauapaua kei’inave U imuakei’inave: aiau unu marevaki u ai aneai laeali’inave, u voa veve’enave uku Iesu unu imua pani eiai.
45U marevaki inu voa viriaka’ane, Iesu unu kape u Iosepa awkunave.
46Kapua urupu u inaeali’inave, kape iri keoa mere u uninave kapua pirinave ane, lauoi laru ai i’inave ane; kurua lauoi rawre ovara ai koravakei’inave, lauoi inu kikau ai u rawre pa‐okanave.
47Maria Magadala, Maria Iose enu mei ane, orere lauoi inamu‐oinave iou ai U i’iakei’inave.
Currently Selected:
Mareko 15: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
