Mareko 14

1Pasova purai inu pani paku ai lare rere kei’inave, veila ika eria pu purai ane: omoro amua a’a, kikiria a’a ane, oro voa ipimakei’inave opara eiai oro Iesu piriane‐iai, a’ane‐iai ane.

2Oro erau voa kurunave, Purai lare ai enei pa piriai a’a aruru rawre‐li’?-?inavaia.

3U Betania ai pokoinave ane Simona apa auma a’a anu marea ai, U pei na’amakei’inave pakara ai, a’e U ai anenave alabata maua mi‐anenave ane, kavani ovara mera muri muramura maua laru ai kei’inave; u maua koranave muramura Una uku upa mere orekanave ane.

4A’a varomo i‐pokoinave erau voa ia’ia‐ekinamakei’?-?inave, Uku oiana ei muramura kaipui‐kaipuiliakeia’?-?ane euna?

5Ei muramura inaealia?-?keiaka livilia moni 300 seleni eiai, moni keia’ane euna uku rurupu a’a ekuai. Oro voa momou‐momou kurunave ei a’e eiai.

6Iesu erau voa kuruenave, A’e keinamoki; uku oiana noro kukupuna‐awkana? veruku opara u liane euna uku Nai eiai.

7Uku rurupu a’a noro kiripai noro panipani ai e?-?mi’ina, panipani ai noro umu?-?liane noro paiekavai li’ina: a noro i‐miape panipani ai.

8Orau u liai li’inave u liane euna: Na kape u muramura oreka’ane euna Na i’ia pani eiai.

9Nai kurunaina kapoi, Mako‐mako ai ei iva voa omoro kuruakeiakana pani va’au iki ai, ei opara u liane euna upurukiakeiakana uku ei a’e enu uru keia’ane‐iai.

10Iuda Isakariota, aivara 12 inu kaupu a’a monou, omoro amua a’a anu paku ai enanave, u Iesu anai‐aviane‐iai.

11Una voa oro viriaka’ane oro kopaili’inave, u kiripai moni kavani eiai oro kuruei voa kurunave oro awkuakana. Uku Iesu piriai pani ima eiai u aioiaka‐pokoinave.

12Veila ika eria pu purai inu pinai lare ai, oro mamoe mere avaka’ane, Una aivara erau voa veve’enave, Enei eka’ama‐enamau purai pei eveai Ni pasova purai na’ane‐iai?

13Una aivara rere U ekaivirinave, erau voa ekinave ane, Pai’iri ikirira, norere a’a i‐au‐awkuakana ere vana vakarumakeiakana: e’e’okane.

14Marea ane u ikiriakana norere ikiriakana, marea anu mai‐vaki norere erau voa veve’eakana, Amua voa eire, Na lalava ekeiana Na aivara kiripai Nai pasova purai i‐navakana?

15U verukua lalava ovara ipanakiakana marea upa mere, lalava aru mi’ina, evere’eakeina ane; pei i‐evera enei eiai.

16Aivara orere elenave, pai’iri ikirimanenave ane, orau U kurueaka orere awku auinave: pasova purai pei orere evenave.

17Lare eua pani ai aivara 12 kiripai U i‐anenave.

18Oro pakara ai i‐papa’amakei’inave, pei na’amakei’inave ane, Iesu erau voa kurunave, Nai kurunaina kapoi, Nomo a’a monou Nai kiripai pei na’amakina u anai‐avi’iakana.

19Oro kukupuna evopoakei’inave, a’a monou monou erau voa veve’enave, Nai ana?

20U erau voa kuruenave, U ane u aivara 12 inu a’a una eve Nai kiripai pei ainau mere mi’ina.

21A’a anu Mere enanavailia, orau voa kikiriakeina U eiai: umu e, kurua a’a eiai uku u A’a anu Mere anai?-?aviakeina! ima kapoi kurua vaki eiai u kiniakeiape keia’ane.

22Oro pei na’amakei’inave, Iesu pu mi’inave, nawki‐awkanave, pu vepenave, la’a ekunave ane, erau voa kuruenave ane, Mi’ine, Na kape eire.

23Koiri awku U mi’inave, U nawki‐awkavaka’ane, U ekunave: oro uriria koiri mere na’anave.

24U erau voa kuruenave, Na aro eire orekavakeina a’a aila eiai, ei aro Kuruei voa nawawrea evere’ena.

25Nai kurunaina kapoi, Iri uru unu ika Nai moawku na’apea anea’anea iri uru ika nawawrea Nai nava’ane Eloi inu eiei laru ai.

26Oro awni awkavaka’?-?ane, oro elenave Oliveta akapu ai.

27Iesu erau voa kuruenave, Noro uriria aua’avai, aravai awkamakina, uku ei voa kikiriakeina, Mamoe oiviria a’a Nai avakana mamoe laeiakeiakana ane.

28A neko mere ai Nai imua mere la’ava’ane, noro paku ai Nai enavakana Galilaia ai.

29Petero erau voa kurunave, A’a uriria aua’avakeia’ane, nai aua’avakeiapea.

30Iesu erau voa kurunave, Nai kurunina kapoi, ei lare, lia, ei kipere pani ai, kokora viki pani paku ai, pani rere kaiane ni lari‐ikavakana.

31Voa araro Petero erau voa kurunave, Ni kiripai nai imuane, nai lari‐nikava?-?pea kapoi. Oro uriria orau kurunave.

32Oro anenave, mako nawi Getesamane oriakei’?-?inave: Una aivara U erau voa ekinave, Eu ai papa’ane anea’anea Nai nawki‐awkava’ane.

33Petero, Iakobo ane; Ioane ane, U kiripai U era’anave, U varua’anave, kukupuna evopoakei’inave ane;

34U erau voa kuruenave, Na umu kukunu oiniakeina imua arekamu ai, eu ai pokoina, rokoa‐oivirine ane.

35Paku ai mau’u U enanave, are epo ai’inave, nawki‐awkanave ane, uku uakeia’ane naea, ei pani awpea?-?ne‐iai.

36U erau voa kurunave, Aba, Mai e, awku uriria Ni liai li’ina; ei koiri iou‐mi’ine Nai mere: a Ni e, Ni lai Ni evere’ene, Na lai peo.

37U vairunave, oro awaw?-?keimakei’inave U auienave, U Petero erau voa veve’enave, Simona e, ni awaw ana? pani eiei monou rokoa oiviriai ni liapeana?

38Rokoa‐oivirine, nawki‐awkane ane, noro ailia uai aranavaia. Avaea iviri miki keina, a kape eapa keina.

39U moawku elenave, nawki‐awkanave ane, pinai nawki voa U moawku kurunave ane.

40U vairuaka’ane, oro awawkeimakei’inave U moawku auienave, (uku omo inamu mu’u kei’inave,) uku voa kuruai oro pauapaua kei’inave.

41Pani rere kaiane U anenave, erau voa kuruenave ane, Eai awaw pokoine, lai?-?kaine ane: Oaio! pani ei‐anena; A’a anu Mere namea a’a anu eve mokono ai anai’?-?aviakeina.

42Lala’ane, enei enanamaki; akoi’i, kurua vaki anai?-?avi’ina u arekamu ai anena.

43U voa kurumakei’inave ane, Iuda aivara 12 inu a’a emoki anenave, u kiripai a’a aruru ovara omo kaia rawve, iri kavai ane, omoro amua a’a, kikiria a’a, mai‐oro mere, anenave.

44Anai‐avia vaki a’a aruru vupu ekunave, u erau voa kuruenave, Kurua a’a nai epo‐awmiakana, U ioure, pirine, oravaka‐enara ane.

45U paiaka’ane Iesu ai u emoki enanave, erau voa kurunave ane, Amua e, Amua e, epo‐awmi’inave ane.

46Oro a’akinave, oravaka‐enanave ane.

47A’a monou i‐oimakei’inave una rawve a’akinave, omoro amua a’a anu aivara vakinave, una keporo ei’inave ane.

48Iesu erau voa veve’einave, Avapu a’a orau piriai, rawve, iri kavai ane, noro ipiriai ama’ane’i?

49Lare kavakava noro kiripai omoro marea laru ai Nai ipawkimakei’inave, noro a‐ipirinavea: a iaa revareva evere’eai limakina.

50Oro uriria ave’enave, area‐enanave ane.

51Roropaea monou e e’e’okanave, una kape eme e piriakei’inave; a’a aruru unu roropaea oro a’akinave:

52Una eme omo eve mokono ai ave’emakei’inave, oro mere irikaiva u area‐enanave.

53Omoro amua a’a anu paku ai oro Iesu oravaka?-?enanave: omoro amua a’a uriria, mai‐oro ane, kikiria a’a ane, i‐kaupukiakei’inave.

54Iesu ama mere Petero e’e’okanave omoro amua anu marea ai: aivara oro kiripai iau paku ai u pa’anave, una kape iva awkanave.

55Omoro amua a’a, Sunederi a’a uriria ane, ione voa voromakei’inave oro Iesu a’ane‐iai, ione voa eria oro auinave.

56A’a aila avia voa kurunave, a omo voa ipi’ipia’a‐kei’inavea.

57A’a varomo lala’anave, avia voa erau voa kurunave uku U eiai,

58Enei viriane euna U erau voa kurunave, Ei omoro marea a’a anu eve la‐okavakeina, Nai oavakana, lare rere kaiane enu pani ai eve eria marea mo Nai la‐okavakana.

59Ei a’a anu ione voa ipi’ipia’a‐kei’inavea.

60Omoro amua oinave, oro awkono avao ai ikirimakei’inave, u Iesu erau voa veve’enave, Ni voa eria ana? Oi voa ana ei ione a’a kuruna Ni eiai?

61U eiekavakei’inave, voa eria kurunave ane. Omoro amua moawku erau voa veve’enave, Ni Keriso ana, Iehova anu Mere ana?

62Iesu erau voa kurunave, Lia: A’a anu Mere iva anu eve miki mekai pa’amakina noro inamu‐oiakana, kaia anu awporo mokono ai anemakeiakana.

63Omoro amua una a’a kape kokoranave, erau voa veve’einave ane, Uku oiana enei ione a’a mo mi’ina?

64Ei mai‐voa noro viriane euna: noro oiamalaikora’i? Uku avai oro uriria mua‐awkanave.

65A’a varomo kaunere kai’inave, una inamu kapua pirinave, vakiawmi’inave ane, erau voa kurunave ane, Laikorava a’a anu voa kurune: aiau marevaki a’a awku omo eve kavai vaki‐awmi’inave.

66Petero marea anu mapu arau ai pokoinave, omoro amua anu aivara paka monou u ai anenave:

67U Petero inamu‐oimakei’inave iau paku ai una kape iva awkamakei’inave, u inamu‐ekinave, erau voa kurunave ane, Ni awku Iesu Nasarene a’a kiripai uarokoanave.

68U erau voa kurunave, Ai! ni voa anu miki nai ipapeo. U elenave ainamere ai: kokora‐vaki vikirinave ane.

69Kurua paka moawku inamu‐oinave, a’a arekamu ai oimakei’inave, u erau voa kuruenave, Ei vaki ei kaupu unu a’a keina.

70Ou voa u moawku lari‐awkanave. Maura pani ai, oro i‐oimakei’inave Petero moawku erau voa kurunave, Ni ei kaupu unu a’a kapoi: uku ni voa ipawkina ni Galilaia a’a keina.

71Anakaia voa u erau voa kurunave, Ei a’a eiai noro kuruna nai ipa‐ulaupeo.

72Kokora‐vaki pani rere vikirinave. Kurua voa Iesu kurunave Petero laikorakinave, Kokora‐vaki pani rere enu viki paku ai, pani rere kaiane ni lari‐ikavakana. U ou voa laikorakiaka’ane, u vikirinave.

Currently Selected:

Mareko 14: IAR1920

Highlight

Copy