Luka 1
1
1Uku a’a aila ipia‐miane euna uru voa kikiriai awku‐oro eiai enei awkono avao ai pirimaroakoakeina,
2Orau awku‐oro akuakei’?-?inave, enei ione a’a pinai pani mere kei’inave, Iva voa anu omoro a’a ane;
3Nai ei awku‐oro kevere?-?kevere ipiaka’ane omo pinai pani mere, nai laikoranave opara ima nai awku ei uru voa kikiriai ni eiai Teopilo mai‐vaki e,
4Uku ni voa miki ipaliane‐iai awku‐oro eiai ni a’a anu ane epo mere ipanikiakeia’?-?ane euna.
5Heroda Iudea amua anu pani ai omoro a’a monou, nawi Sakaria, uarokoanave, u Abia anu kaupu a’a kei’inave: una a’e Arona anu kiri a’e kei’inave, a’e enu nawi Elisabeta.
6Orere opara anana kei’inave Eloi inu paku ai, Eloi inu vupu, ipawkia voa uriria ane, orere kamaia‐ekanave.
7Orere ukua‐mere eria miaka, uku Elisabeta kono?-?kei’inave, orere mai‐vaki kei’inave.
8Omoro a’a anu opara orau una pani aneaka omoro a’a anu iaki liai Eloi inu paku ai,
9U omoro marea ikiriaka’ane una iaki mera muri pei iau ruawkavai.
10A’a aruru ei pani ai awru iki ai nawki‐awkamakei’inave.
11U paku ai Eloi inu aivara‐avaea erenave mera muri kokai eve miki mekai oimakei’inave.
12Sakaria inamu‐oiaka’ane u varuavakei’inave, kore kei’inave ane.
13Aivara‐avaea erau voa kurunave, Sakaria e, kore pa liai: ni nawki viriakeina; ni a’e Elisabeta mere kiniakana ni eiai, ni nawi Ioane oroiakana.
14Kopai ovara‐mai ni kopailiakana; a’a aila kopailiakana u kiniakeia’ane.
15Uku u amua vaki keiakana Eloi inu paku ai, iri uru unu ika, ere ailo ane, u navapea; Avaea Iaa u evopoakeiakana una kinia pani mere.
16Isaraela a’a aila u urue?-?kavakana Amua omo Eloi inu paku ai.
17Elia anu avaea, iva ane, Una paku ai u enavakana, mekai inu umu uruekavai ukua‐mere i, inakalia a’a anu lai uruekavai opara anana a’a anu lai evera i; a’a aruru anana evere’eiai Amua eiai.
18Sakaria aivara‐avaea erau voa veve’enave, Nai eka’ama‐ipalimau ei awku evere’eakeina? uku nai, na a’e ane, enere mai‐vaki keina.
19Aivara‐avaea erau voa kurunave, Nai Gabariela, u ane u Eloi inu paku ai oina; uku kuruniai nai ikaiviriakeina, ei awku ipanikiai ane.
20Akoi’i, ni momoakeia?-?kana, voa kuruai aina’aina keiakana, anea’anea ei awku evere’eakeia’ane, uku na voa ni pirimaroakoapea, ei voa pani miki evere’eiakeiakana.
21A’a aruru aioiaka‐pokoinave Sakaria eiai, oro varua’anave u pani va’au awru laru ai pokoinave.
22U elemaneaka’ane voa kurueai u aina’aina kei’inave: u avaea inamu‐oiaka awru laru ai oro inamu‐oinave: uku voa eria una eve u ekinave u momoakei’inave.
23Una iaki omoro marea ai oailiaka’ane, una marea ai u vairunave.
24Neko mere ai una a’e Elisabeta ia evere’enave, ia 5 u vauakinave, erau voa kurumakei’inave,
25Orau Eloi ilauane euna, na makiri U iou miane euna ane.
26Ia 6 pani ai aivara‐avaea Gabariela okaiviriakei’inave Eloi mere Galilaia anu pai’iri ai, pai’iri nawi Nasareta oroiakei’inave.
27A’e paka ai u enanave, ei paka awkoiaka‐rokoakei’inave, una vaki nawi Iosepa oroiakei’inave, u Davida anu kiri a’a; a’e paka nawi Maria oroiakei’inave.
28Aivara‐avaea u ai anenave, erau voa kurunave ane, Kopaili’ine naumuki a’e e! Amua ni kiripai pokoina.
29Uku una voa eiai u varuavakei’inave, una lai laru ai u ipimakei’inave ei kepoia voa anu miki eiai.
30Aivara‐avaea erau voa kurunave, Kore pa liai Maria e: uku ni naumuki keina Eloi inu paku ai.
31Ni ia evere’eakana, mere kiniakana ane, Una nawi Iesu ni oroiakana.
32U amua keiakana, Eloi inu Mere oroiakeiakana ane: Amua Eloi Una mai Davida anu amua pakara awkuakana.
33Iakobo onu kiri a’a U amua‐ekavakana opai keiakana; Una amua‐eiei periapea.
34Maria aivara‐avaea erau voa veve’enave, Ei awku eka’ama‐evere’emau, uku nai vaki ipape?
35Aivara‐avaea erau voa kurunave, Avaea Iaa ni ai aneakana, Eloi inu iva ni?-?muruakana: ou uku eiai ei iaa mere kiniakeiakana ni mere U Eloi inu Mere oroiakeiakana.
36Akoi’i, ni a’elai Elisabeta, una mai‐vaki inu pani ai u ia‐evere’eane euna: ia 6 eire u nemo keia’ane euna, u ane u kono a’e oroiakei’inave.
37Uku awku kavakava evere’eai Eloi liai li’ina.
38Maria erau voa kurunave, Nai Amua anu aivara‐paka keina; ni voa orau evere’enamiki. Aivara‐avaea ave’enave.
39Neko mere ai Maria Iuda pai’iri akapu ai ema inanave;
40Sakaria anu marea u ikirinave, Elisabeta kepoinave ane.
41Elisabeta Maria anu kepoia voa viriaka’ane, upi una ivei laru ai ru’unave; Elisabeta Avaea Iaa evopoakei’inave:
42Voa araro u erau voa kurunave, A’ero awkono avao ai ni kopainikavakeina, ni ivei inu mere ane kopai‐awkavakeina.
43Uku oiana nai avi’i’iakeina, na Amua anu mei nai ai anena?
44Uku emoki nai ni voa viriaka’ane, upi kopai eiai na ivei laru ai ru’unave.
45A’e ane u pirimaroakoane euna u kopai‐awkavakeina: uku voa Eloi mere awkiakei’inave ou voa evere’eakeiakana.
46Maria erau voa kurunave, Na imunu Amua kepoina,
47Uku Eloi na Iawka na avaea piame’ena.
48Uku U urukiape Una aivara‐paka mere uku una rurupu eiai: Uku ei pani mere a’a kiri uriria kopai?-?awkavakeia a’e oro iroia?-?kana.
49Uku iva Uku awku ovara liane euna nai eiai, Una nawi Iaa keina!
50Una umu uakeina, kiri, kiri mo eiai, Oro eiai oro avioina.
51Una iva re U ipawkiane euna. Oro awku omo umu laru ai oro kauakaua kei’inave omo lai evera eiai U laeiane euna.
52Amua a’a omo amua pakara mere U kaieane euna, Rurupu a’a U are’eiane euna.
53Navai‐navailia a’a pei ima U lai aukinave; Aru‐mia a’a aru kape U laeiane euna.
54Una aivara Isaraela U paioka’ane euna, Una umu laikora‐awkimakina;
55Una kuruei voa ene mai‐oro eiai, Uku Aberahamo, una kiri a’a ane, opai keiakana.
56Maria Elisabeta kiripai ia rere kaiane pokoinave, neko mere ai u vairunave una pai’iri ai.
57Pani miki aneaka’ane Elisabeta mere kininave.
58Una avai a’a, ovaki airavaki ane, oro uru virinave Amua umu‐awkavaka; u kiripai oro kopaili’inave.
59Lare 8 pani ai upi momoa‐eiai oro anenave; una mekai inu nawi Sakaria oro oroinave.
60Una mei erau voa kurunave, Ai, u nawi Ioane oroiakeiakana.
61Oro erau voa kurunave, Ni avai a’a kapeo kurua nawi oroiakeina.
62Una mekai eve veia oro veve’enave uku nawi u umuli’ina upi oroiakeiakana.
63Kikiria rawre, peni ane, mi‐aneai u ekinave, erau voa u kikirinave, Una nawi Ioane: oro uriria varua’anave.
64Una ane emoki aika?-?vakei’inave, una anai ururuakei’inave ane, u voa kurunave, Eloi avioinave ane.
65A’a uriria arekamu ai rokoamakei’inave oro kore evopoakei’inave: Iudea anu akapu eiei iki ei voa upurukiakei’inave.
66A’a uriria ei voa virinave omo umu laru ai ei voa oro eivirinave, erau voa kurumakei’inave, Ei upi oiama‐limau? Uku Amua anu eve U kiripai kei’inave.
67Una mekai Sakaria Avaea Iaa evopoakei’inave, kepoia voa erau voa kurunave,
68Isaraela anu Amua Eloi kopai‐awkavakeina; uku Una a’a U aikavape, iawkava U evere’eane euna oro eiai,
69Enei eiai iviri Iawka U la‐oka’ane euna Davida Una aivara anu marea ai.
70Orau U kuruane euna Una iaa laikorava a’a anu ane epo mere pinai pani mere.
71Enei iakavai ene mani a’a mere, oro awku mere oro vai’i‐akana.
72Ene mai‐oro U veruku umu‐ekanave, Una iaa kuruei voa U laikora‐awkinave,
73Kuruei voa ene mai‐vaki Aberahamo U kurunave,
74Ene mani inu iva mere enei iakavakeia’ane‐iai, Enei kore eria avioiane‐iai.
75Enei iaa, opara anana ane, keia’ane‐iai U paku ai ene rokoa pani iki ai.
76Ni upi e, Amua Epe’epe enu laikorava a’a niroiakeiakana: Uku Amua anu paku ai ni enavakana Una kapea evere’eiai;
77Una a’a aruru lai evera ekuai iawka eiai i namea anu paue’emia eiai,
78I ene Eloi inu veruku umu; I U mere pani merea mukua mere aneakana enei ai.
79Pamea ekuai oro muru ai, imua anu ivawvoa’a ai, papa’amakina, Ene are airu unu kapea ai eravai.
80Upi la’anave, lai iviri evere’enave ane, kekepere ai uapokoinave anea’anea pani miki u Isaraela a’a anu paku ai ereane.
Currently Selected:
Luka 1: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
