Luka 4
4
1Iesu Avaea Iaa evopoakei’inave Ioridana mere vairunave, i Avaea U oravakei’inave kekepere ai,
2Lare 40 i diabolo U ailiakei’inave. Ailia pani ai U pei eria na’anave: pei lari pani periakei’inave, U pei navai‐navaili’inave.
3Diabolo erau voa kurunave, Ni Eloi inu Mere keia’ane, ei rawre pu evere’eai Ni awkine.
4Iesu erau voa kurunave, Ei voa kikiriakeina, Uku pu e a’a rokoapea.
5Diabolo Iesu mukua mako ai ora’anave, pani va’au unu eiei uriria ipawkinave ane.
6Diabolo erau voa kurunave, Ei eiei uriria anu iva, evao’evao ane, nai nikuakana: uku ei awku ikuakeia’ane euna, nai awkua kana orau nai umuliakana.
7Ni avi’i’iane, ei awku uriria Ni miakana.
8Iesu erau voa kurunave, Ei voa kikiriakeina, Amua ni Eloi ni avioiakana, U e ni kamaia‐awkavakana.
9U Iesu Ierusalema ai arekanave, omoro marea anu i’i upa mere ai’inave ane; u erau voa kurunave, Ni Eloi inu Mere keia’ane, ei mako mere arane:
10Uku ei voa kikiriakeina, Una aivara‐avaea niviriai U ekiakana:
11Omo eve mokono ai oro vakaruniakana Ni are rawre ai Ni vakinavaia.
12Iesu erau voa kurunave, Ei voa kuruakeina, Amua ni Eloi ni pa ailiai.
13Diabolo ailia uriria oailiaka’ane, ou pani eiai u Iesu ave’enave.
14Avaea anu iva Iesu Galilaia eiei ai vairunave: Una uru upurukiakei’inave eiei iki ai.
15Omo omoro marea laru ai U ipawkinave, i a’a uriria U kepoiakei’inave.
16Nasareta pai’iri ai U anenave, kurua pai’iri ai U rokoaka: Una opara orau Sabati lare omoro marea U ikirinave, buka oraiai U oinave ane.
17Isaia laikorava a’a anu buka U awkuakei’inave. U buka lai‐awkavaka’ane, aua auinave ane voa orau kikiriakei’inave,
18Iehova anu Avaea Nai upa mere keina, Uku U iaa?-?ika’ane euna Iva voa omoro kuruai rurupu a’a eiai; U ikaiviriane euna ururua voa omoro kuruai piriakeia a’a eiai, inamu unu emai inamu‐apua a’a eiai: mani inu oiniakeia a’a ururueai,
19Omoro kuruai ane uku Iehova anu veruku aumeia eiai.
20U buka pamu‐awka?-?nave, omoro marea aivara U buka awkunave, U pa’anave. A’a uriria omoro marea laru ai inamu‐ekiawkanave.
21U erau voa kuruenave, Ei lare ei iaa revareva evere’eakeina orau noro viriane euna.
22Oro uriria kepoia voa kurunave U eiai, varuamakei’inave umu voa eiai Una ane epo mere elemanemakei’inave. Oro erau voa veve’einave, U Iosepa anu mere peana?
23U erau voa kuruenave, Ei lai evera voa noro kuruiakana naea, Menamena a’a e, aukarinikine: uru enei viriane euna uku awku ni li’inave Kaperanauma ai, kurua awku li’ine eu ai Ni eiei ai.
24U erau voa kuruenave, Nai kurunaina kapoi, Laikorava a’a kapeo umu‐aia?-?keina una pani va’au ai.
25Nai kurunaina kapoi, Elia anu pani ai a’e kepea aila Isaraela ai rokoanave, aumeia rere kaiane, ia 6 ane, eorari pani kei’inave, pani va’au iki pei oea ovara kei’inave;
26A’e kepea monou e ai Elia okaiviriakei’inave, Karepeta pai’iri ai, Sidona anu eiei ai.
27Elisa laikorava a’a anu pani ai apa auma a’a aila Isaraela ai rokoanave; ei a’a kaupu unu a’a monou e urupu aukarikavakei’inave, Namana Suria eiei inu a’a.
28Oro uriria omoro marea laru ai ei voa virimakei’inave, oro ia’ia evopoakei’inave,
29Oro lala’anave, pai’iri iki ai rokoroko ora’anave, akapu unu muku ai arekanave omo pai’iri mako ai, oro ai’inore ai kaiane‐iai
30Oro awkono avao ai U awpemakei’inave Una aki U enanave.
31Kaperanauma ai U ve’enave, Galilaia eiei inu pai’iri ai, sabati lare U ipekinave.
32Oro varuavakei’inave Una ipawkia voa eiai: uku Una voa iva miaka
33Omoro marea laru ai a’a monou kei’inave u upu avaea miaka, erau voa araro u laeali’inave,
34Ni oiamali’i enei eiai, Iesu Nasarene a’a e? Enei a’avai Ni ama’ane’i? Nai ipanilauna, Ni Eloi inu Iaa a’a.
35Iesu upu avaea anu voa ei’inave, erau voa kurunave ane, Eiekane, a’a mere elemanene ane. Upu avaea a’a kaiaka’ane oro awkono avao ai, u elemanenave, a’a ku?-?kunu‐a‐li’inavea.
36Oro uriria varuavakei’inave, erau voa ekinamakei’inave ane, oi voa ana eire? amua anu voa, iva voa miki ane, U avaea ekina, oro elemanena.
37Epo voa U eiai eiei iki ai upurukiakei’inave.
38U la’avaka’ane, omoro marea ave’eaka’ane, Simona anu marea ai U enanave. Simona anu ono‐a’e fiva maia ovara kei’inave, aukarikavai, oro nawki‐awkanave.
39A’e upa mere U oimakei’inave, U fiva maia ei’inave; a’e emoki la’anave, pei ekunave ane.
40Lare eua pani ai maia?-?mia a’a uriria omo maia a’a U ai mi‐anenave, maia a’a monou monou upa mere Una eve U ai’inave, aukariekanave ane.
41Avaea lipi awku a’a aila mere elemanenave, erau voa araro laealimakei’inave, Ni Eloi inu Mere keina. Omo voa U ei’inave, voa pa kuruai U ekinave, uku U Keriso kei’inave oro ipali’inave.
42Namai lare, merea pani ai, U pai‐iri ave’enave, kekepere ai U elenave: a’a aruru voronave, U ai anenave, U kiripai pokoinave, U oro mere enanavaia.
43U erau voa kuruenave, Iva voa Nai omoro kuruai limakina Eloi inu eiei eiai pai’iri pai’iri ai: ou uku eiai Nai ikaiviriakei’inave.
44Galilaia eiei inu omoro marea laru ai U omoro kurunave.
Currently Selected:
Luka 4: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
