Luka 5
5
1A’a aruru kouakoua avikimakei’inave Eloi inu voa viriai, U Genesareta Ururu unu miri ai oimakei’inave,
2Mapea rere miri ai lakiakei’inave U inamu‐ei’inave: mapea a’a enavaka, omo keve oro ere kikirimakei’inave.
3Mapea monou, Simona anu mapea, U lakenave, miri mau’u mere awpi‐enavai U Simona nawki‐awkanave. U pa’anave, mapea mere U a’a aruru ipekinave.
4U omoro voa oailiaka’ane, U Simona erau voa awkinave, Ere eporo ai awpi?-?enara, nava rokoa‐miai ni keve ururura.
5Simona erau voa kurunave, Amua e, kipere iki enei iaki liane euna, nava eria miane euna: a Ni voa kamaialiai nai keve ururuakana.
6Oro keve ururuaka’ane emeiki aila oro avikinave: keve eikinave.
7Omo a’a mapea e i?-?pokoinave oro eve‐ane ekinave oro aneai, paieka’ane?-?iai ane. Oro anenave, mapea rere emeiki evoponave, mapea orere ve’ekiai awkamakei’inave.
8Simona Petero ei awku inamu‐oimakei’inave, Iesu unu are epo ai u are epo ai’inave, erau voa nawki‐awkanave ane, Amua e, Ave’i’ine; uku nai namea a’a keina.
9Uku u, a’a uriria ane u kiripai kei’inave, oro varuavakei’inave, uku emeiki aila oro miaka:
10Iakobo, Ioane ane, Sebede enu mere, Simona anu paioka a’a, orere awku varuavakei’inave. Iesu Simona erau voa kurunave, Kore pa liai; ei pani mere ni a’a mia‐rokoakana.
11Omo mapea miri ai oro awpi‐mi‐aneaka’ane, oro mapea ave’einave, e’e’okanave ane.
12Pani mo, Iesu pai’iri monou ai pokoimakei’inave, apa auma a’a i‐pokoinave una kape iki apa auma kei’inave: u Iesu inamu‐oimakei’inave, Iesu unu paku ai u are epo ai’inave, erau voa nawki‐awkanave ane, Amua e, Ni umuliane, Ni urupu‐i’iai li’ina.
13Iesu Una eve oiokanave, nekemakei’inave ane, erau voa kurunave, Nai umuli’ina: urupu evere’ene. Apa auma kurua a’a emoki ave’enave.
14A’a e pa awkiai Iesu awkinave: Iesu erau voa kurunave, Mose enu vupu orau ione eiai a’a anu paku ai, ni enara, ni kape omoro a’a ipawkira, ni urupu eiai epie pei awkura.
15Una uru amai upurukiakei’inave: a’a aruru ovara Una voa viriai, omo maia aukarikavakeia’ane‐iai, U ai anenave.
16Kekepere ai U elenave, iou ai nawki‐awkanave ane.
17Lare monou U ipekimakei’inave, Parisea a’a, vupu unu ipawkia a’a ane, i‐papa’amakei’inave; Galilaia anu pai’iri kavakava mere, Iudea eiei mere, Ierusalema mere, oro aneaka: Amua anu iva U laru ai kei’inave U a’a aukariekava’ane‐iai.
18Varuvaru maia a’a kile upa mere U ai oro mi‐anenave: marea laru ai mi‐aneai, Iesu unu paku aiai, oro ipia‐mi’inave.
19Uku a’a aruru kikau ai kei’inave oro kapea eria miaka; marea anu i’i upa mere oro inanave, i’i inu vapai mere maia a’a una kile upa mere oro ururunave Iesu unu paku ai.
20Iesu omo pirimaroakoa inamu‐oiaka’ane, U maia a’a erau voa kurunave, Mere e, ni namea paue‐emiakeina.
21Kikiria a’a, Parisea a’a ane, voa e kevakeva erau voa kurumakei’inave, Ei a’a koana U mai‐voa kuruna? Eloi e namea paue’emi’ina, koana e namea paue’emiai li’ina?
22Iesu omo lai ipalimakei’inave, U erau voa veve’einave, Nomo lai laru ai noro oiamalaikora’i?
23Ekara voa paraka ana kuruai, Ni namea paue’emiakeina naea, La’ane, are rokone naea?
24Noro ipaliane‐iai A’a anu Mere iva mi’ina pani va’au ai namea paue’emiai, (varuvaru maia a’a U erau voa awkinave,) Nai nikina, La’ane, ni kile uakine, ni marea ai enara.
25Omo paku ai u emoki la’anave, una kile uakinave, Eloi avioimakei’inave una marea ai u enanave.
26Oro uriria varuavakei’inave, Eloi avioinave ane, oro kore evopoakei’inave, erau voa kurumakei’inave, Momo’ore awku ei lare enei inamu‐eiane euna.
27Neko mere ai U elenave, moni akoa a’a nawi Levi oroiakei’inave U inamu‐oinave, moni akoa mako ai pa’amakei’inave: U erau voa kurunave, E’e’ikane.
28Una awku uriria U ave’enave, la’anave, e’e’okanave ane.
29Una marea ai Levi purai ovara karikinave U eiai: moni akoa a’a aila, a’a mo ane aila, oro kiripai pei navai papa’anave.
30Ei a’a anu Parisea a’a, kikiria a’a ane, Una aivara voa momou‐kuruenave, oro erau voa veve’einave, Uku oiana noro moni akoa a’a, namea a’a ane, kiripai pei na’ana?
31Iesu erau voa kuruenave, Kape venea a’a lapu a’a oea‐rokoape, maia a’a lapu a’a oea‐rokona.
32Nai aneape opara anana a’a laea‐elauai, a namea a’a lai urukiai Nai anena.
33Oro erau voa veve’enave, Uku oiana Ioane enu aivara pani aila pei larili’ina, Parisea a’a anu aivara ane, a Ni aivara pei lari‐a‐li’inakea?
34U erau voa veve’einave, Vaki nawawrea anu ovaki airavaki pei lari amali’i vaki nawawrea oro kiripai pokoiane?
35Lare aneliviai anelia vaki nawawrea oro mere iou‐miakeiakana, ou pani ai oro lariliakana.
36Aipo voa awku U erau voa kuruenave; A’a kapeo kapua la’a a’a kape nawawrea mere korana uku araupu a’a kape ekoroai: u orau liane u a’a kape nawawrea rurupu‐li’ina, kapua la’a a’a kape nawawrea mere araupu a’a kape enu kapua ipi’ipiapea.
37A’a kapeo iri uru unu ika nawawrea umu maina laru ai orekana; iri uru unu ika nawawrea maina koravakana, iri uru ika upuakeia?-?kana maina awku oavakeiakana.
38Iri uru unu ika nawawrea maina nawawrea laru ai orekavai limakina;
39A’a kapeo iri uru unu ika umu nava’ane euna, iri uru unu ika nawawrea emoki umuli’ina: uku u erau voa kuruna, Iri uru unu umu ika ima miki keina.
Currently Selected:
Luka 5: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
