Luka 3
3
1Tiberio Kaisara anu amua pani aumeia 15 Ponitio Pilato Iudea ai kavana kei’inave, Heroda Galilaia eiei inu tetarake kei’inave, una ovaki Pilipo Iturea, Tarakoniti ane, enu tetarake kei’inave, Lisania Abilene enu tetarake kei’inave,
2Ana, Kaiapa ane, orere omoro amua a’a kei’inave, Eloi inu iva voa Ioane ai, kekepere ai, anenave; Ioane Sakaria anu mere kei’inave.
3Ioridana anu eiei iki Ioane keke‐manenave, lai urukia anu bapatiso omoro kurumakei’inave namea anu paue‐emia eiai;
4Voa orau Isaia laikorava a’a anu buka laru ai kikiriakeina, A’a monou unu voa araro laealimakina kekepere ai, Iehova anu aki‐kapea pono‐li’ine, Una are‐rokoa kapea anana‐ene ane.
5Vea kavakava evopoakeiakana, Akapu kavakava vaparia‐awkavakeiakana; Kukia mako kapea anana evere’eakeiakana, Pawru kapea pono‐liakeiakana;
6A’a uriria Eloi inu iawka inamu‐oiakana.
7A’a aruru u ai anenave bapatiso ekavakeiai u erau voa kuruenave, Paiko onu kiri a’a e, koama‐naki’e aneliviai anelia iara mere area‐enavai?
8Lai urukia anu uru merine; erau voa pa kurunaiai, Aberahamo ene mai‐vaki enei mi’ina: nai kurunaina kapoi, Eloi iva mi’ina ei rawre mere kiri a’a la‐ekavai Aberahamo eiai.
9Ira‐mai eai iri inu neva ai aiakeina: iri kavakava uru ima meriapea u areakeina, iau laru ai kaiakeina ane.
10A’a aruru erau voa veve’enave, Enei oiamalimau?
11U erau voa kuruenave, A’a piliue rere mi’ina u piliue monou piliue eria a’a awkunamoki; a’a pei mi’ina u pei eria a’a awkunamoki.
12Moni akoa a’a awku bapatiso‐ekavakeiai u ai anenave, erau voa veve’enave ane, Amua e, enei oiamalimau?
13U erau voa kuruenave, Moni miki e noro roikine.
14Aiau awku erau voa veve’enave, Enei oiamalimau? U erau voa kuruenave, A’a mani pa awkavai, a’a pa aviai; nomo kavani eiai kopaili’ine.
15A’a aruru lai iakarikei’inave, oro uriria omo lai laru ai erau voa ekinamakei’inave, u Ioane naea, u Keriso naea;
16Ioane oro uriria erau voa kuruenave, Ere nai bapatiso‐nakana kapoi; a U ane U aneliviai anelia U iva‐mai keina, a nai eapa keina, nai ima peo Una rawre are uniai: Avaea Iaa, iau ane, U bapatiso‐nakavakana:
17Una pure Una eve mokono ai keina, Una karara U ima lauakana, uru miki Una marea ai U roikiakana; a mami U ruawkavakana iau opai laru ai.
18Voa aila mo u omoro kuruenave a’a aruru eiai.
19A Heroda tetarake i Ioane pani aila voakiakei’?-?inave uku una opara una ovaki Pilipo onu a’e kiripai, opara lipi uriria eiai awku u liaka,
20Ei opara lipi mo u akonave, Ioane kipura marea laru ai u pirinave.
21A’a uriria bapatiso‐ekavakei’inave ane, Iesu awku bapatiso‐awkavakeia?-?ka, U nawki‐awkamakei’inave, kaia koravakei’inave.
22Avaea Iaa naku orau lilimakei’inave U upa mere, voa pani muku mere erau voa kurunave, Ni Na naumuki Mere keina; Ni eiai Nai kopaili’ina.
23Iesu Una omoro iaki pinai‐liaka’ane, Una kinia pani mere U aumeia 30 rokoaka, a’a laikoramakei’inave U Iosepa anu mere, Iosepa Heli inu mere,
24Heli Matata anu mere, Matata Levi inu mere, Levi Meleki inu mere, Meleki Iana anu mere, Iana Iosepa anu mere,
25Iosepa Matatia anu mere, Matatia Amosa anu mere, Amosa Naumu unu mere, Naumu Esili inu mere, Esili Naki inu mere,
26Naki Maata anu mere, Maata Matatia anu mere. Matatia Semei inu mere, Semei Iosepa anu mere, Iosepa Iuda anu mere,
27Iuda Ioana anu mere, Ioana Resa anu mere, Resa Sorobabela anu mere, Sorobabela Salatiela anu mere, Salatiela Neri inu mere,
28Neri Meleki inu mere, Meleki Adi inu mere, Adi Kosama anu mere, Kosama Elemodama anu mere, Elemodama Ere enu mere,
29Ere Iose enu mere, Iose Eliesera anu mere, Eliesera Iorima anu mere, Iorima Matata anu mere, Matata Levi inu mere,
30Levi Simeona anu mere, Simeona Iuda anu mere, Iuda Iosepa anu mere, Iosepa Ionana anu mere, Ionana Eliakima anu mere,
31Eliakima Melea anu mere, Melea Menana anu mere, Menana Natana anu mere, Natana Davida anu mere,
32Davida Iese enu mere, Iese Obeda anu mere, Obeda Boasi inu mere, Boasi Salamona anu mere, Salamona Nasona anu mere,
33Nasona Aminadaba anu mere, Aminadaba Arama anu mere, Arama Eseroma anu mere, Eseroma Pare enu mere, Pare Iuda anu mere,
34Iuda Iakobo onu mere, Iakobo Isako onu mere, Isako Aberahamo onu mere, Aberahamo Tera anu mere, Tera Nakora anu mere,
35Nakora Saruka anu mere, Saruka Rakau unu mere, Rakau Pale enu mere, Pale Hebera anu mere, Hebera Sala anu mere,
36Sala Kainana anu mere, Kainana Arapasa anu mere, Arapasa Sema anu mere, Sema Noa anu mere, Noa Lameka anu mere,
37Lameka Matatusala anu mere, Matatusala Enoka anu mere, Enoka Iareda anu mere, Iareda Malalela anu mere, Malalela Kainana anu mere,
38Kainana Enosa anu mere, Enosa Seta anu mere, Seta Adamu anu mere, Adamu Iehovo anu mere.
Currently Selected:
Luka 3: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
