Ioane 5
5
1Ei awku oailiakei’inave Isaraela a’a anu purai anenave; Iesu Ierusalema ai inanave.
2Ierusalema ai, mamoe kikau arekamu ai, ururu uakei’inave, Heberu voa anu nawi Betasaida oroiakei’inave; ururu komo mako 5 mi’ina.
3Ei komo marea laru ai maia a’a aila kei’inave, inamu‐apua a’a, are eko’eko a’a ane, kape vaparia a’a ane, oro aioiaka‐pokoimakei’inave ere menono eiai.
4Uku aivara‐avaea pani varomo ururu ai kinunave, ere menono‐awkanave ane: ere menono pani ai kurua a’a ururu ai pinai ve’enave, u aukarikavakei’inave.
5A’a monou i‐pokoinave, aumeia 38 u maia miaka.
6U i‐keimakei’inave Iesu inamu‐oinave, U ipali’inave ane u pani va’au maia keiaka, U erau voa veve’enave, Kape venea ni amalaikora’i?
7Maia a’a erau voa kurunave, Amua e, ere menono?-?awkavakeia’ane, nai a’a kapeo mi’ina ivakaruai ururu laru ai: nai kinuma?-?keia’ane, a’a mo ve’ena na paku ai.
8Iesu erau voa kurunave, La’ane, ni kile uakine, are rokone ane.
9U emoki aukarikavakei’inave, una kile u uakinave, are rokoanave ane: kurua lare Sabati lare kei’inave.
10A’a aukarikavakei’inave Isaraela a’a erau voa kurunave, Sabati lare eire: ni kile ni pa vakaruai.
11U erau voa kuruenave, U ane U aukari’ikanave, U erau voa kuruinave, Ni kile uakine, are rokone ane.
12Oro erau voa veve’enave, A’a koana U erau voa kuruninave, Ni kile uakine, are rokone ane?
13A’a ane u aukarikavakeiaka u pauapaua kei’inave uku Iesu eiai: Iesu vauavaua eleaka uku a’a aruru i?-?pokoinave oro inamu‐a‐oinavea.
14Neko mere ai ei a’a Iesu auinave omoro marea laru ai, U erau voa kurunave ane, Akoi’i, ni aukarikavakeina: moawku namea pa liai, ni maia lipi lipi mi’inavaia.
15A’a elenave Isaraela a’a ekinave ane, U ane a’a aukarikavaka U Iesu kei’inave.
16Ou uku eiai Isaraela a’a Iesu mani‐awkanave, uku ei awku U li’inave Sabati lare ai.
17Iesu erau voa kuruenave, Na Mai, Nai awku, iaki lioko‐lioko.
18Uku ei voa eiai Isaraela a’a iviri kei’inave Iesu avai: uku Sabati lare enu vupu U vepeaka, uku awku U kuruaka Eloi Una Mai kei’inave, U ipawkimakei’inave U, Eloi ane, ipi’ipia kei’inave.
19Iesu erau voa kuruenave, Nai kurunaina kapoi, Mere verukua awku eria liai li’ina, U liai li’ina ou awku e U inamu‐oina Mai limakina: uku awku kavakava Mai li’ina, ei awku Mere awku li’ina.
20Uku Mai Mere umu‐awkana, awku uriria U limakina U Mere ipawkina: a ei awku anu awku re U ipawkiakana, noro varua’?-?ane‐iai.
21Uku orau Mai imua a’a la‐ekana, rokoa‐eina ane; orau Mere awku rokoa‐eina oro ane U umu‐ekana.
22Uku Mai a’a kapeo voa veve’ena, voa vevea iki U Mere awkuane euna:
23Uku a’a uriria Mere avioiane‐iai orau oro Mai avioina. A’a Mere avioiape liane, Mai awku U ane U Mere okaiviriane euna u a‐avioinakea.
24Nai kurunaina kapoi, A’a Na voa virina, pirimaroakona ane U ane U ikaivirinave, u opai rokoa mi’ina, u voa vevea miapea, imua mere rokoa ai u awpeane euna.
25Nai kurunaina kapoi, Pani aneliviai anelia, lia, eai ei‐anena, imua a’a Eloi inu Mere enu voa viriakana: viria a’a rokoakana ane.
26Uku orau Mai rokoa mi’ina U laru ai; orau U evere’eane euna Mere awku rokoa miai Una nane laru ai.
27Iva awku U Mere awkuane euna voa veve’eai, uku U A’a anu Mere keina.
28Ei voa eiai noro pa varuavai: uku pani aneliviai anelia oro uriria lauoi laru ai keina Una voa oro viriakana,
29Oro elemaneakana ane; oro ane oro opara anana liane euna oro la’avakana rokoa eiai; oro ane oro opara namea liane euna oro la’avakana voa vevea eiai.
30Nai verukua eria liai li’ina: orau Nai virina, orau Nai voa veve’ena: Na voa vevea anana keina; uku Na lai a’iravanakea, a U ikaivirinave, Una lai irana.
31Nai ione‐liane uku Na nane eiai, Na ione voa miki keiapea.
32A’a mo ione li’ina uku Nai eiai; Nai ipali’ina ione voa u ione li’ina uku Nai eiai ione voa miki keina.
33Noro Ioane ai okaivirinave, u ione a’a kei’inave voa miki eiai,
34A ione voa uku Nai eiai Nai mi’ina a’a mere aneape: ei voa Nai kuruna, noro inakavakeia’ane‐iai.
35Lamepa iau ruawka?-?makina, akuru awkamakina, orau Ioane pamea kei’inave: pani mau’u noro umuli’inave una pamea laru ai kopailiai.
36Ioane enu ione, ione ovara e ane, Nai mi’ina: uku iaki Mai ikuane euna Nai oailiane‐iai, iaki Nai li’ina ione li’ina uku Nai eiai, Mai ikaiviriane euna.
37Mai ane, U ikaivirinave, U ione liane euna uku Nai eiai. Una voa noro viriape, Una aipo noro inamu‐oiape.
38Una voa noro laru ai noro miape: uku U pirimaroakoai noro inaka‐li’ina, U ane Mai okaiviriane euna.
39Iaa revareva voa noro evorona, uku noro laikorana oro laru ai noro opai rokoa auiakana; ou iaa revareva ione li’ina uku Nai eiai.
40Nai ai aneai noro rokoa miane‐iai noro umu‐a‐li’inakea.
41Avioia a’a mere Nai a‐mi’inakea.
42Nai ipa‐nalauna, Nai ipali’ina nomo umu laru ai Eloi noro umu‐a‐awkanakea.
43Na Mai inu nawi Nai anena, noro umu‐a‐ai’inakea. A’a mo una nawi anea’ane, noro umu‐aiakana.
44Eka’amali’i noro pirimaroakoai, noro monou monou mere avioia mi’ina, ou avioia Eloi e mere noro voroape liane?
45Pa laikoravai Nai ailinaiakana Mai inu paku ai: monou uarokona ailinaina, Mose, u ane noro pirimaroakona.
46Noro Mose pirimaroakoaka livilia, noro ipirimaroakoane euna: uku u revareva kikirinave uku Nai eiai.
47Una revareva noro pirimaroakoape liane, Na voa noro eka’amapirimaroakoamau?
Currently Selected:
Ioane 5: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
