Ioane 11
11
1Betania pai’iri a’a monou, nawi Lasaro, maiakei’inave; Maria, una aro a’e ane Mareta, Betania pai’iri ai i‐pokoinave.
2(Kurua Maria mera muri muramura Amua upa mere orekanave, Una are awku una kimari u kikinave, ei a’e enu aroa a’a Lasaro maiakei’inave.)
3Ou uku eiai una aro a’e orere iva a’a okaivirinave Iesu ai, erau voa kuruai ane, Amua e, u ane Ni umu‐awkana u maia keina.
4Iesu iva voa viriaka’ane, U erau voa kurunave, Ei maia imua maia peo, a uku Eloi inu avioia eiai, uku Eloi inu Mere avioiakeia’ane‐iai.
5Mareta, una aro a’e ane, Lasaro ane, Iesu umu‐ekanave.
6U viriaka’ane Lasaro maia kei’inave, Una keia mako ai lare rere mo U i‐pokoinave.
7Neko mere ai Una aivara U erau voa kuruenave, Enei moawku enanamaki Iudea eiei ai.
8Una aivara erau voa veve’enave, Amua e, maura pani ai Isaraela a’a rawre nipakiai ipia‐mi’inave; moawku i‐enavai Ni amalaikora’i?
9Iesu erau voa veve’einave, Lare enu pani eiei 12 peana? A’a lare pani ai are rokoane u aua’avapea uku pani va’au unu pamea u inamu‐oina.
10A’a kipere pani ai are rokoane, u aua’a’ana, uku pamea eria u laru ai keina.
11Ei voa U kurunave, neko mere ai U erau voa kuruenave, Ene a’a Lasaro awawkeimakina; a epekiai Nai enana.
12Una aivara erau voa kurunave, Amua e, u awaw?-?keia’ane, u kape venea miakana.
13Iesu kuruaka uku Una imua eiai: oro laikoranave U kuruaka uku awaw kape laikaiai.
14Voa iki Iesu erau voa kuruenave, Lasaro imuakeina.
15Nai kopaili’ina ane noro eiai uku Nai a‐i‐pokoi?-?navea, uku noro pirimaroakoane‐iai; oaio, u ai enei enanamaki.
16Toma, nawi Didimo oroiakei’inave, una kaupu a’a erau voa kuruenave, Enei awku enanamaki, U kiripai enei imuane‐iai.
17Iesu paiaka’ane, U virinave Lasaro lauoi laru ai lare morere morere keiaka.
18Betania Ierusalema arekamu ai kei’inave, maili rere enu eiei naea.
19Isaraela a’a aila anenave Mareta, Maria ane, paiekavai, uku orere enu aroa a’a imuakei’inave.
20Mareta uru viriaka’ane Iesu anemakei’inave, au‐awkuai u elenave, a Maria marea laru ai pa’anave.
21Mareta Iesu erau voa kurunave, Amua e, Ni eu ai pokoiaka livilia na aroa a’a imuakape.
22A nai ipali’inake, awku kavakava Ni eai Eloi nawki‐awkana, Eloi nikuakana.
23Iesu erau voa kurunave, Ni aroa a’a moawku la’avakana.
24Mareta erau voa kurunave, Nai ipali’inake u moawku la’avakana imua mere la’ava pani ika lare ai.
25Iesu erau voa kurunave, Imua mere la’ava, rokoa ane, Nai keina: u ane u ipirimaroakona, u imuakeia’ane, u rokoakana:
26A’a kavakava Nai laru ai rokoamakina, ipirimaroakona ane, u imuapea opai keiakana. Ei voa ni ama?-?pirimaroakoa’i?
27U erau voa kurunave, Lia, Amua e, nai pirimaroakona Ni Keriso, Eloi inu Mere, U ane U pani va’au ai aneliviai anelia eni voa kurunave.
28Mareta orau kuruaka’ane, u marea ai vairunave, una aro a’e Maria u vaua?-?vaua laeali’inave, erau voa kurunave ane, Amua ei‐anena, U laea‐nilaumakina ane.
29U Mareta anu voa viriaka’ane, u emoki la’anave, Iesu ai anenave ane.
30Iesu pai’iri laru ai ikiriakape, U i‐pokoinave Mareta au‐awkuaka.
31Isaraela a’a Maria kiripai marea laru ai pokoinave, paiokanave ane, oro inamu‐oinave ane Maria emoki la’anave, elenave ane, oro e’e’okanave, erau voa kurunave ane, Lauoi ai i‐vikiriai u enamakina.
32Maria Iesu ai paiaka’ane, inamu‐oinave ane, Una are ai u are epo ai’inave, erau voa kurunave ane, Amua e, Ni eu ai pokoiaka livilia, na aroa a’a imuakape.
33U vikirimakei’inave Iesu inamu‐oiaka’ane, Isaraela a’a ane u kiripai aneaka, oro awku vikirimakei’inave, avaea laru ai U i’i‐li’?-?inave, kukupuna‐awkava?-?kei’inave ane.
34U erau voa veve’einave, Ekeiana noro i’iane euna? Oro erau voa kurunave, Amua e, anene, inamu‐oine ane.
35Iesu vikirinave.
36Isaraela a’a erau voa kurunave, Akoi’i, U awku umu‐awkanave.
37Oro varomo erau voa veve’einave, Ei a’a inamu‐apua a’a anu inamu laka’anave, U iva miaka peana ei a’a rokoa‐eai, u imunavaia?
38Iesu moawku i’i‐limakei’inave lauoi ai anenave. Lauoi ena rawre laru ai kei’inave, rawre upa mere kei’inave ane.
39Iesu erau voa ekinave, Rawre lai‐awkane. Mareta imua a’a anu aro a’e erau voa kurunave, Amua e, eai u pomoa muri li’ina: uku lare morere morere u imua keia’ane euna.
40Iesu erau voa veve’enave, Nai kurunipeana, ni pirimaroakoane Eloi inu evao’evao ni inamu‐oiakana?
41Oro rawre lai‐awkanave. Kaia i Iesu inamu‐ekinave, erau voa kurunave ane, Mai e, Nai kopai‐nikana uku Na voa Ni viriane euna.
42Nai ipali’ina panipani ai Na voa Ni virina: a uku a’a aruru eiai oro ei‐oimakina Nai orau kurunave, oro pirimaroakoane‐iai Ni ikaiviriane euna.
43U orau kuruaka’ane, U erau voa araro laeali’inave, Lasaro e, elemanene.
44Kurua a’a imuakei’inave u elemanenave, una eve, are ane, lauoi kapua piriakei’inave, una paku ane towela piriakei’inave. Iesu erau voa ekinave, Ururune, u enanamoki ane.
45Isaraela a’a aila Maria ai aneaka, oro inamu‐eiaka awku Iesu liaka, oro pirimaroakoanave.
46A omo a’a varomo Parisea a’a ai enanave, ekinave ane, uku awku Iesu liaka.
47Omoro amua a’a, Parisea a’a ane, Sunederi kaupukinave, erau voa veve’einave ane, Enei oiamalimakei’i? Ei a’a iva veia aila li’ina.
48Enei eria liane, a’a uriria pirimaroakoakana; Roma a’a aneakana, ene pai’iri, ene kaki a’a ane, enakavakana.
49Omo a’a monou, nawi Kaiapa, u omoro amua epe’epe a’a kurua aumeia pani ai, u erau voa kuruenave, Noro pauapaua keina,
50Noro a‐laikoranakea opara anana keina noro eiai a’a monou imuakana uku a’a aruru eiai, kaki iki imunavaia.
51A’a orau u a‐kurunavea: a uku u omoro amua a’a epe’epe kei’inave ou pani ai, u laikorava voa kurunave Iesu imuakana kurua kaki eiai.
52Uku kurua kaki e apea, Eloi inu keke’e ukua‐mere avai monou U roikiane‐iai.
53Ou lare mere oro voa ipimakei’inave uku Iesu avai.
54Ou uku eiai Iesu iki are‐a‐rokoanavea Isaraela a’a awkono avao ai, U i‐ave’?-?enave, Eperaima pai’iri ai enanave, kekepere arekamu ai: Una aivara kiripai U i‐pokoinave ane.
55Isaraela a’a anu Pasova purai arekamu ai kei’inave; a’a aila avari mere Ierusalema ai inanave Pasova purai pani paku ai, omo nane urupu‐eiane‐iai.
56Oro Iesu voronave, erau voa veve’eimakei’inave oro Omoro marea laru ai oimakei’inave, Noro oiama?-?laikora’i? U purai navai ama‐anemau?
57Omoro amua a’a, Parisea a’a ane, erau voa awkiaka; a’a Una keia mako ipaliane, u ekiai limakina, oro piriane‐iai.
Currently Selected:
Ioane 11: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
