Ioane 10
10
1Nai kurunaina kapoi, Kurua a’a mamoe enu vara kikau ai ikiriape liane, u vara e’ekina, u avapu a’a, no’ovea a’a ane.
2A u ane u kikau ai ikirina u mamoe enu oiviria a’a keina.
3U eiai kikau oiviria a’a kikau auna; mamoe awku una voa virina: una mamoe i omo nawi u laea‐elauna, u eravaka‐elena ane.
4Una mamoe uriria u eravaka‐eleane euane, omo paku ai u enana, mamoe e’e’okana: uku una voa oro ipali’ina.
5Kikoro a’a oro e’e’oka?-?pea, u mere oro area‐enana: uku kikoro a’a anu voa oro a‐ipali’inakea.
6Ei aipo voa Iesu kuruenave; oro pauapaua kei’inave uku awku eiai U kuruenave.
7Iesu erau voa kuruenave, Nai kurunaina kapoi, Nai mamoe enu kikau keina.
8Oro uriria Nai paku ai anea’ane euna, kurumakei’inave oro kikau kei’inave, oro avapu a’a, no’ovea a’a, kei’inave: mamoe omo voa a‐virinavea.
9Nai kikau keina: i Nai mere a’a ikiriane, u iawkavakeiakana, u ikiriakana, eleakana ane, pei auiakana ane.
10Avapu a’a anena uku avapu liai, avai ane, ena?-?kavai ane: Nai anea’ane euna oro rokoa miane‐iai, rokoa evereverea oro miane‐iai.
11Mamoe oiviria a’a ima Nai keina: mamoe oiviria a’a ima Una rokoa awkuna mamoe eiai.
12Kavani‐mia aivara vaki, mam e oiviria vaki miki peo, mamoe una mamoe peo, a’uri lekuleku vaki anemakina u inamu‐oiane, u mamoe ave’eina, area‐enana ane: a’uri lekuleku vaki mamoe a’akina, lai‐ekana ane.
13Kavani‐mia aivara vaki area‐enana, uku u kavani‐mia aivara vaki keina, u umu eria mi’ina mamoe eiai.
14Nai mamoe oiviria a’a ima keina, Na mamoe Nai ipa‐elauna ane, oro ipa‐ilauna ane.
15Orau Mai ipa‐ilauna, orau Nai awku Mai ipa‐ulauna: Na rokoa Nai awkuna mamoe eiai.
16Mamoe e awku Nai mi’ina, oro ei vara anu mamoe kaupu peo: oro awku eu ai Nai are’ekavai limakina, Na voa oro viriakana; vara‐kaupu monou keiakana, mamoe oiviria a’a monou ane.
17Ou uku eiai Na Mai umu‐ikana, uku Na rokoa Nai awkumakina, Nai moawku miane‐iai.
18A’a kapeo Na rokoa Nai mere iou‐mi’ina, Nai verukua awkuna, iva ikuakeina Na rokoa awkuai, moawku miai ane. Ei voa Na Mai mere Nai miane euna.
19Isaraela a’a voa e kevakeva kurunave, uku ei voa eiai,
20Oro aila erau voa kurunave, U diabolo mi’ina, U avuavu ane; uku oiana noro Una voa virina?
21A’a mo erau voa veve’einave, Ei voa diabolo‐mia a’a anu voa peo. Diabolo inamu‐apua a’a anu inamu ama‐laka’a’i?
22Ravi aw purai pani ai Ierusalema ai, laura anu pani ai.
23Omoro marea ai, Solomona anu mapu ai, Iesu are‐rokoanave.
24Isaraela a’a Iesu ai kaupukinave, erau voa veve’enave ane, Pani eka va’au ana ene lai Ni iakari‐ekana? Ni Keriso keia’ane, Ni akine.
25Iesu erau voa kuruenave, Nai nakiane euna, noro a‐pirimaroakoanakea: iaki Nai li’ina Na Mai inu nawi eiai, oro ioneli’ina Nai eiai.
26A noro a‐pirimaroakoanakea uku noro Na mamoe peo,
27Na mamoe Na voa virina, Nai ipa‐elauna, oro e’e’ikana ane.
28Opai rokoa Nai ekuna; oro imuapea opai keiakana, a’a kapeo Na eve mere no’?-?ovea‐emiakana.
29Awku Na Mai ikuane euna ima lipi keina awku uriria upa mere, a’a kapeo awku Na Mai inu eve mere no’ovea liai li’ina.
30Enere Mai ane monou keina.
31Uku rawre awpakiai Isaraela a’a rawre uakinave.
32Iesu erau voa kuruenave, Ima iaki aila Nai ipanakiane euna Na Mai mere; iaki ekara’ana eiai noro rawre i‐pakina?
33Isaraela a’a erau voa kurunave, Uku ima iaki eiai enei rawre nipakiapea; a uku mai‐voa eiai; uku Ni a’a, Ni auoina Ni Eloi keina.
34Iesu erau voa veve’einave, Nomo vupu laru ai voa orau kikiria‐keiapeana, Nai kurunave, Noro eloi keina?
35Oro eiai Eloi inu voa anenave, oro eloi eroiakeia’ane, iaa revareva anu voa paueai liapea;
36U ane Mai iaa‐awkava’ane euna, pani va’au ai okaiviriane euna ane, uku U eiai noro amakuru’i, Ni mai‐voa kuruna; uku Nai kurunave Nai Eloi inu Mere keina?
37Na Mai inu iaki Nai liape liane, pa‐ipirimaroa?-?koai.
38A Nai Mai inu iaki liane, noro awku ipirimaroa?-?koape liane, iaki pirimaroakone: uku noro ipaliane‐iai, pirimaroakoane‐iai ane, Mai Nai laru ai rokona, Nai awku Mai laru ai rokona.
39Ou uku eiai oro U?-?piriai moawku ipia‐mi’inave; omo iva mere U elenave.
40Ioridana anu iou anelai U enanave, iou ai Ioane pinai bapatiso li’inave; i?-?pokoinave ane.
41A’a aila U ai anenave, erau voa kurunave ane, Ioane iva veia eria li’inave: a voa uriria Ioane kurunave uku ei a’a eiai, oro voa miki kei’inave.
42A’a aila i‐pirimaroa?-?koanave.
Currently Selected:
Ioane 10: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
