Ioane 9

1Iesu awawpemakei’inave U a’a inamu‐oinave, kurua a’a una kinia pani mere inamu‐apua keiaka.

2Una aivara erau voa veve’enave, Amua e, namea koamali’e, ei a’a ana, una a’e mai ane ana, u inamu‐apua kiniakei’inave?

3Iesu erau voa kuruenave, Ei a’a, una mekai, mei ane, namea‐a‐li’inavea: u inamu‐apua kiniakei’inave uku Eloi inu umu u laru ai ipawkiakeia’ane‐iai.

4U ane U ikaivirinave Una iaki enei liai limakina lare enu pamea keia’ane: kipere aneliviai anelia a’a kapeo iaki liai li’ina.

5Nai pani va’au pokoiane, pani va’au unu pamea Nai keina.

6U orau kuruaka’ane, ka’e ai U kaunere kai’inave, ka’e, kaunere ane, U apauenave, inamu‐apua a’a anu inamu U ka’e kikinave,

7Erau voa awkinave ane, Enara, Siloama anu ururu ai ere‐kira ane, (nawi Siloama anu miki Okaiviria keina) U enanave, kape ere‐kinave, inamu‐oimakei’inave u vairunave ane.

8Una pai’iri a’a, a’a mo ane, inamu‐oiaka u inamu‐apua keiaka, oro erau voa veve’einave, Ei vaki u peana u kapea ai pa’avaka, nawki‐awkavaka ane.

9A’a varomo erau voa kurunave, Lia, ei vaki: a’a mo kurunave, Ei vaki kurua vaki mikirina: u kurunave, nai kurua vaki keina.

10Oro erau voa veve’enave, Ni inamu eka’ama?-?lakavakei’e?

11U erau voa kuruenave, A’a nawi Iesu oroiakeina ka’e karikinave, na inamu ka’e kikinave ane, erau voa ikinave ane, Enara, Siloama anu ururu ai ere‐kira: nai enanave, ere‐kinave ane, inamu emai Nai mi’inave ane.

12Oro erau voa veve’enave, U ekeiana? U kurunave, Nai ipapea.

13Oro arekanave Parisea a’a paku ai a’a inamu‐apua keiaka.

14Kurua lare Iesu ka’e karikiaka’ane, inamu‐apua a’a anu inamu lakavaka ane, Sabati lare kei’inave.

15Parisea a’a awku veve’enave eka’amali’e una inamu emai u miaka. U erau voa kuruenave, Na inamu U ka’e kikinave, nai ere‐kinave, inamu‐oinake ane.

16Ei voa eiai Parisea a’a varomo erau voa kurunave, Ei a’a Eloi mere aneape, uku Sabati lare U a‐oivirinakea. A’a mo erau voa veve’einave, A’a namea keia’ane ei iva veia u eka’amali’i? Oro lai e e kei’inave.

17Inamu‐apua a’a oro erau voa veve’enave, Uku U eiai ni oiamakuru’i, U ane ni inamu U lakava’ane euna? U erau voa kuruenave, U laikorava a’a keina.

18Isaraela a’a a‐pirimaroakoanavea u inamu‐apua keiaka, una inamu unu emai u miaka ane, anea’anea oro una mekai, mei ane, laea‐elauaka’ane.

19Oro orere erau voa veve’einave, Ei a’a norere kuruna inamu‐apua kinia?-?kei’inave, u norere enu mere ana? Eka’amali’i u eai inamu‐oina?

20Una mekai, mei ane, erau voa kuruenave, Enere ipali’ina ei a’a enere mere keina, u inamu‐apua kinia?-?kei’inave ane:

21A uku eai u inamu‐oiai li’ina enere a‐ipali’inakea; a’a ane una inamu lakava’ane euna, enere a‐ipali’inakea: u a’a keina, noro veve’ene: u verukua kuruakana.

22Orere enu voa ioure, uku orere kore kei’inave Isaraela a’a eiai, uku Isaraela a’a kuruei voa kuruaka, a’a iki‐e’eane U Keriso keina, kurua a’a omoro marea mere laoiakeiakana.

23Ou uku eiai una mekai, mei ane, erau voa kurunave, U a’a keina, noro veve’ene.

24A’a inamu‐apua keiaka oro moawku laea‐ulau’unave, erau voa kurunave ane, Ni Eloi avioine: enei ipali’ina ei a’a namea a’a keina.

25U erau voa kuruenave, U namea a’a naea, U namea a’a peo naea, nai ipapeo, awku monou nai ipali’inake, nai inamu‐apua kei’inave, eai nai inamu‐oina.

26Oro moawku erau voa veve’enave, U oiama‐nilau’e? ni inamu, U eka’ama‐la kava’e?

27U erau voa kuruenave, Nai nakiane euna, noro viriape: uku oiana moawku viriai noro umuli’ina? noro awku Una aivara evere’eai amalaikora’i?

28Anara voa oro erau voa kurunave, Ni Una aivara a’a keina; a enei Mose enu aivara a’a keina.

29Enei ipali’ina Eloi Mose voa kurunave: a uku ei vaki eiai, mako mere U anena enei a‐ipali’inakea.

30A’a erau voa kuruenave, Voa re eire, mako mere U anena noro a‐ipali’inakea, U na inamu lakava’ane euna noro ipali’ina.

31Enei ipali’inake Eloi namea a’a anu nawki viriapea: a a’a Eloi inu avioia a’a keia’ane, Eloi inu lai kamaialiane ane, una nawki U viriakana.

32Pani va’au unu pinai pani mere uru viriakeiape uku a’a inamu‐apua kiniakeia a’a anu inamu lakava’ane euna.

33Ei a’a Eloi mere aneape liane, U eria liai li’inave.

34Oro erau voa kurunave, Ni namea ia‐evere’eakei’inave, ni ama‐ipaki’i? Omoro marea mere oro laoinave.

35Iesu virinave oro laoiaka; U ei a’a auiaka’ane, U erau voa veve’enave, Eloi inu Mere ni ama‐pirimaroakoa’i?

36U erau voa veve’enave, Amua e, U koana, ikine, nai pirimaroakoane‐iai?

37Iesu erau voa kurunave, Ni inamu‐oiane euna, eai ane U kurunimakina.

38U erau voa kurunave, Amua e, nai pirimaroakona. Iesu unu paku ai u are epo ai’inave ane.

39Iesu erau voa kurunave, Ei pani va’au ai Nai anenave a’a voa veve’eiai; uku oro inamu‐apua keina oro inamu‐oiane‐iai; oro awku inamu‐oina uku oro inamu‐apua eiakeia’ane‐iai.

40Parisea a’a U kiripai kei’inave ei voa virinave, oro erau voa veve’enave, Enei awku inamu‐apua ana?

41Iesu erau voa kuruenave, Noro inamu‐apua keia’ane, noro namea eria mi’ina: a noro erau voa kauakaua kuruna, Enei inamu‐oina; ou uku eiai nomo namea uakeina.

Currently Selected:

Ioane 9: IAR1920

Highlight

Copy