Ioane 12
12
1Lare 6 periakei’inave Pasova purai pani paku ai Iesu Betania ai anenave, Lasaro i‐pokoinave, u ane Iesu imua mere la‐okavaka.
2Iesu avioiai oro purai i‐karikinave; Mareta pei kamaia li’inave: Lasaro a’a monou kei’inave Iesu kiripai pei navai pa’anave.
3Moni kavani ovara muramura pauna monou Maria mi’inave, Iesu unu are upa mere u orekanave, Iesu unu are una kimari u lavere kikinave: muramura anu muri marea evopoakei’inave.
4Una aivara monou, nawi Iuda Isakariota, Simona anu mere, u ane u neko mere ai Iesu anai‐avinave, u erau voa kurunave,
5Uku oiana ei muramura 300 seleni eiai inaealia‐a‐kei’?-?inavea, kavani moni rurupu a’a ekuakei’inave ane?
6U orau a‐kurunavea uku u rurupu a’a umu‐ekanave; a uku u avapu a’a kei’inave, uku mo ane moni maua u miaka u moni oiviriai.
7Iesu erau voa kurunave, A’e keinamoki, Na i’ia lare eiai ei muramura u oiviriane euna.
8Rurupu a’a noro kiripai noro mi’ina panipani ai; a noro i‐miape panipani ai.
9Isaraela a’a aila ipali’inave Iesu i‐pokoinave: uku Iesu e eiai oro a‐anenavea, a uku Lasaro awku inamu‐oiai oro aneaka, u ane Iesu imua mere la‐okavaka.
10Omoro amua a’a uku Lasaro avai oro voa ipinave.
11Uku u eiai Isaraela a’a aila ave’einave, Iesu pirimaroakoanave ane.
12Namai lare ai a’a aruru ovara purai eiai aneaka, oro viriaka’ane Iesu Ierusalema ai anemakei’inave,
13Oro iri aw mi’inave, au‐awkuai oro elenave ane, oro erau voa araro laeali’inave, Eloi iawkane! Isaraela a’a anu Amua kopai‐awkavakeina, U ane U Amua anu nawi aneliviai anelia.
14Iesu asini ukua auiaka’ane, una muri mere U pa’anave: voa orau kikiriakeina,
15Kore pa liai, Siona anu paka e: akoi’i, ni Amua i?-?anemakina, asini ukua upa mere pa’amakina.
16Ou pani ai ei awku unu miki Una aivara a‐ipali’inavea; neko mere ai Iesu evao’evao awkavakei’inave ane, oro laikora‐ekinave ei awku U eiai kikiriakei’inave, oro ei awku liaka ane U eiai.
17A’a aruru U kiripai i‐pokoiaka U Lasaro imua mere la‐okavaka’ane, oro ioneli’inave uku awku oro inamu‐oiaka.
18Ei uku eiai awku a’a aruru au‐awkunave, uku oro viriaka U ei iva veia liaka.
19Uku ei voa Parisea a’a erau voa ekinave, Nomo voa eria keina! akoi’i, pani va’au e’e’okana!
20A’a avioiai anenave purai pani ai oro awkono avao ai Heleni a’a varomo i‐pokoinave:
21Pilipo Betasaida a’a, Galilaia eiei inu pai’iri, u ai Heleni a’a anenave, erau voa kurunave ane, Amua e, Iesu inamu‐oiai enei umuli’ina.
22Pilipo anenave Anederea awkinave ane; Anederea, Pilipo ane, Iesu awkinave.
23Iesu erau voa kuruenave, Pani ei‐anena A’a anu Mere avioiakeiai.
24Nai kurunaina kapoi, Kawni inu uru ka’e ai aravape liane, imuape liane ane, u kawni uru monou uakeina; a u imuane, uru aila u merina.
25A’a una rokoa umu‐awkana, una rokoa u paukiakana; a’a una rokoa vai’i‐awkana ei pani va’au ai, una rokoa u oiviriakana opai keiakana.
26A’a Na aivara evere’eai umuliane, u e’e’ikanamoki; iou ai Nai pokoina, Na aivara awku i‐pokoiakana: a’a Na aivara evere’eai umu?-?liane, Na Mai avioiakana.
27Eai Na imunu kukupuna evopoakeina; Nai oiamakurumau? Mai e, ei pani mere i’ikane: a uku ei awku eiai Nai ei pani ai anea’ane euna.
28Mai e, Ni nawi avioine. Ou pani ai kaia mere voa anenave, erau voa kurunave ane, Na nawi Nai avioiane euna, Nai moawku avioiakana ane.
29A’a aruru i‐oimakei’inave voa virinave, erau voa kurunave ane, Kaia kirili’?-?ina: a’a mo erau voa kurunave, Aivara avaea voa kurunave.
30Iesu erau voa kurunave, Ei voa a‐anenavea uku Nai eiai, a uku noro eiai.
31Eai voa vevea anena ei pani va’au eiai: pani va’au unu marevaki eai laoiakeia?-?ma.
32Pani va’au mere Nai la‐ikavakeia’ane, Nai ai a’a uriria Nai lakiakana.
33U orau kurunave Una imua anu aipo ipawkiai.
34A’a aruru erau voa kurunave, Vupu voa mere enei viriane euna, Keriso pokoiakana opai keiakana: Ni eka’amakuru’i, A’a anu Mere la‐okavakeiai limakina? A’a anu Mere koana?
35Iesu erau voa kuruenave, Pani mau’u pamea noro awkono avao ai keina. Pani noro pamea miane noro are rokone, muru noro ai anenavaia; uku kurua a’a muru ai are rokona u paua?-?paua keina una kapea eiai.
36Orau noro pamea mi’ina, noro pamea pirimaroakone, pamea anu mere noro evere’eane‐iai. Ei voa Iesu kurunave, U enanave, a’a aruru mere U vauakinaveane.
37Iva veia aila omo paku ai U liaka, a oro a‐pirimaroakoanavea:
38Uku Isaia laikorava a’a anu voa evere’eakeia’ane‐iai, u erau voa kurunave, Amua e, ene omoro voa koama‐pirimaroakoa’e? Koana eiai Amua anu eve ipawkiakeia’ane euna?
39Ei uku eiai oro pirimaroakoai a‐li’inavea, uku Isaia moawku erau voa kurunave,
40Omo inamu U apua‐eiane euna, omo lai awku u kane‐eiane euna, i omo inamu oro inamu‐oinavaia, omo lai ane oro ipali’inavaia, Oro lai urukinavaia, Nai aukari‐ekanavaia.
41Ei voa Isaia kurunave, uku Una evao’evao u inamu‐oiaka’ane, U eiai u kurunave ane.
42Amua a’a aila pirimaroakoanave: uku Parisea a’a eiai oro iki‐e’eakape, oro omoro marea mere laeiakei?-?navaia:
43Uku a’a anu avioia voa oro ie’enave, Eloi inu avioia eiai oro lai eria miaka.
44Iesu erau voa araro kurunave, A’a ipirimaroakona, u a‐ipirimaroakoana?-?kea uku Nai e eiai, u U‐pirimaroakona U ane U ikaivirinave.
45U ane u inamu‐i’ina, U awku U ikaivirinave u inamu‐oina.
46Pamea orau Nai anea’ane euna pani va’au ai, a’a kavakava ipirimaroakona, u muru ai pokoinavaia.
47A’a Na voa viriane, u pirimaroakoape liane, Nai voa veve’eapea: uku Nai aneakape pani va’au voa veve’eai, a uku pani va’au iawkavai.
48A’a lari‐ikana, Na voa awku inaka‐li’ina, u voa vevea amua mi’ina: kurua voa Nai kuruane euna, ika lare ai voa veve’eakana.
49Uku Nai verukua kuruape; a Mai ikaivirinave U ikinave uku voa Nai kuruai limakina.
50Nai ipali’ina Una awkia voa opai rokoa keina: ou uku eiai voa kavakava Nai kuruna, voa orau Mai ikinave, orau Nai kuruna.
Currently Selected:
Ioane 12: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
