IVA A’A ANU IAKI 18
18
1Neko mere ai Paulo Atena ave’enave, Korinito ai anenave ane.
2Isaraela a’a nawi Akila u i‐au‐awkunave, ei a’a Ponitio ai kiniakei’inave, maura pani una a’e Pirikila kiripai Italia mere u aneaka uku Kalaudiu Isaraela a’a uriria ekiaka Roma mere eleai. Paulo orere kiripai pokoinave.
3Uku omo evepawki iaki una evepawki iaki orau kei’inave, u orere kiripai iaki li’inave: uku omo iaki komo marea kapua kikiria iaki kei’inave.
4Sabati kavakava omoro marea laru ai Paulo omoro kurunave, Isaraela a’a, Heleni a’a ane, pirimaroakoai pai‐ekavai u ipia‐mi’inave.
5Sila, Timoteo ane, Makedonia mere paiaka’ane, Paulo iviri omoro kurumakei’inave, Isaraela a’a paku ai u ionelimakei’inave Iesu U Keriso keina.
6I mai‐voa oro una voa kouaminavaka’ane, una a’a kape u kikinave, erau voa kuruenave ane, Nomo aro nomo uku upa mere keinamoki; nai urupu keina: iru pani ai lai unuku a’a ai nai enavakana.
7U ave’enave, Titio Iusutu unu marea ikirinave ane, ei a’a Eloi miki inu avioia a’a miki kei’inave. Una marea omoro marea arekamu ai kei’inave.
8Kiripu omoro marea anu mai‐vaki, una marea a’a uriria ane, Amua pirimaroakoanave; Korinito a’a aila Paulo onu omoro voa virimakei’inave, pirimaroakoanave, oro bapatiso‐ekavakei’inave ane.
9I avaea awku kipere pani ai Amua Paulo erau voa kurunave, Kore pa liai, omoro kurune, pa eiekavai:
10Uku ni kiripai Nai pokoina, a’a kapeo kuku?-?puna‐nikavakana: uku ei pai’iri ai a’a aila Nai mi’ina.
11Ia 18 Paulo i‐pokoinave, oro awkono avao ai Eloi inu Iva voa omoro kurumakei’inave.
12Galio Akaia anu kavana evere’eaka’ane, Isaraela a’a lai monou Paulo mani‐awkavai lala’anave, voa vevea marea ai arekanave ane,
13Erau voa kurumakei’inave, Ei vaki a’a aruru ailiemakina Eloi avioiai, vupu unu voa u inaka‐li’ina.
14Paulo voa kuruai awkamakei’inave ane, Galio Isaraela a’a erau voa kuruenave, Ei a’a voa vevea keia’ane opara namea eiai naea, ewaea voa eiai naea, uku uakeina nai nomo voa viriai Isaraela a’a e.
15A u voa vevea keia’ane uku omoro voa eiai, nawi awku oro eiai, uku nomo vupu voa eiai ane; noro e ei awku eiai, voa vevenaiai nai inakali’ina.
16Voa vevea marea ave’eai u ekinave.
17Sositeni omoro marea anu mai‐vaki Heleni a’a uriria a’akinave, vaki‐awmi’inave ane, voa vevea marea paku ai. Ei opara eiai Galio voa a‐kurunavea.
18Ei awku neko mere ai Paulo Korinito ai pani va’au pokoinave. Neko mere ai Paulo pirimaroakoa a’a kepoiaka’ane u ave’einave, Pirikila, Akila ane, kiripai u mapea Suria ai enanave. Uku i kuruei voa u piriakei’inave Kenekerea ai una uku kimari u eiaka.
19U Epeso ai paiaka’ane una aki a’a u i‐ave’einave: u e omoro marea ikirinave, Isaraela a’a kiripai voa e kevakeva kurunave.
20Oro nawki‐awkavaka’ane oro kiripai pani va’au u pokoiai, u a‐evere’enavea;
21U ave’eimakei’inave erau voa kuruenave, Ierusalema ai nai enavai limakina purai eiai. Eloi evere’eane nai vairuakana. Epeso mere u mapea area‐anenave.
22Kaisaria ai u piaka’ane, omoro marea ai inavaka’ane ekalesia a’a au‐ekuai, Anetioka ai u ve’enave.
23Lare varomo u Anetioka ai pokoiaka’ane, Galatia eiei, Pirikia eiei ane, u aki‐enanave; pirimaroakoa a’a uriria u iviri‐ekamakei’?-?inave ane.
24Isaraela a’a monou nawi Apolo, Alesania anu a’a, u voa iviri a’a, lai‐evera a’a kei’inave ane Iaa revareva voa eiai, u Epeso ai anenave.
25Ei a’a ipawkiakeiaka Amua anu opara eiai; uku u iviri evopoakei’inave, u omoro kurunave, voa miki awku ipawkinave uku Iesu eiai. Ioane enu bapatiso e u ipali’inave ane.
26Omoro marea laru ai u iviri omoro kurumakei’inave: Akila, Pirikila ane, una voa viriaka’ane, omo marea ai orere ora’anave, Eloi inu Iva voa orere anana ipawkinave.
27Uku u kuruaka Akaia ai enavai u laikoranave, aroa a’a revareva kikirinave Korinito pirimaroakoa a’a eiai, oro umu‐aiai oro nawki‐ekanave. U paiaka’ane oro ane i la’aruku mere oro pirimaroakoaka u pai‐ekanave;
28Isaraela a’a anu voa e kevakeva u awkoni‐awka?-?nave a’a anu paku ai, Iaa revareva voa mere u ipekinave Iesu U Keriso keina.
Currently Selected:
IVA A’A ANU IAKI 18: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
