IVA A’A ANU IAKI 17

1Amipipoli eiei, Apolonia eiei ane, oro aki‐awaw?-?peaka’ane, oro Tesalonia ai anenave, Isaraela a’a anu omoro marea iou ai uakei’inave:

2Una opara orau Paulo kurua marea ikirinave, sabati lare rere kaiane u ipekinave iaa revareva mere.

3U akere‐akere ipekinave uku uakei’inave Keriso imuai limakina, imua mere moawku la’avai limakina ane; u erau voa kurunave, Ei Iesu noro paku ai nai iki‐e’ena U Keriso keina.

4A’a varomo pirimaroakoanave, Paulo, Sila ane, kiripai oro kaupukinave ane; oro aila Eloi avioia Heleni a’a, amua a’ero aila ane.

5A Isaraela a’a a‐pirimaroakoanavea, oro nama?-?ni‐ekavakei’inave, rurupu namea‐lia a’a oro kaupukinave, pai’iri iki oro rawre?-?awkanave. Iasona anu marea oro iara ikirinave iki ai are’ekavai oro ipia‐mi’inave a’a aruru unu paku ai.

6Oro auieakape’ane, Iasona, pirimaroakoa a’a mo ane pai’iri inu mai‐oro paku ai oro are’ekanave, erau voa laealimakei’inave, A’a pani va’au eme‐awkava’ane euna oro eu ai anena ane;

7Iasona umu‐ekava’ane euna; ei a’a uriria Kaisara anu vupu inaka li’ina, oro erau voa kurumakina, Amua mo nawi Iesu uarokona.

8A’a aruru, mai‐oro ane, ei voa viriaka’ane, oro lai kukupuna‐ekavakei’inave.

9Iasona anu ane epo mere, una kaupu a’a ane, maura voa oro miaka’ane, oro pai’iri rawre‐awkavapea oro ururuenave.

10Kipere pani ai aroa a’a Paulo, Sila ane, emoki ekaivirinave Berea ai: orere i‐paiaka’ane Isaraela a’a anu omoro marea orere ikirinave.

11Berea a’a lai umu a’a kei’inave, Tesalonia rurupu a’a oro a‐mikirinavea, Iva voa viriai oro kopaili’inave, Iaa revareva lare kavakava oro evoronave oro ipaliane‐iai ei Iva voa miki keia’ane.

12Ou uku eiai oro aila pirimaroakoanave; Heleni amua a’ero, a’a ane, aila pirimaroakoanave.

13Isaraela a’a Tesalonia ai viriaka’ane Paulo Eloi inu Iva voa omoro kurumakei’inave Berea ai, oro anenave, a’a aruru iara‐ekanave ane.

14Aroa a’a Paulo miri ai emoki okaivirinave: Sila, Timoteo ane, i‐pokoinave.

15A’a ane Paulo ora’anave Atena ai oro arekanave: awkia voa Paulo mere oro miaka’ane, Sila, Timoteo ane, eiai orere u ai emoki aneai, oro vairunave.

16Paulo aieiaka‐pokoi?-?makei’inave Atena ai, u pai’iri inu imunu avioia opara inamu‐oiaka’ane, una lai iviri‐eakei’inave.

17Ou uku eiai omoro marea laru ai Isaraela a’a kiripai, avioia a’a e ane, u voa e kevakeva kurunave, pai’iri inu peipei inaea mako ai ane a’a u i‐au‐ekunave oro kiripai u voa e kevakeva kurunave.

18Epikurio lai‐evera a’a, Sitoika lai‐evera a’a ane, u kiripai voa e kevakeva kurunave. A’a varomo erau voa veve’eimakei’inave, Ei voa mako vaki oiamakuru’i? A’a mo erau voa kurunave, Ene lai una iaki kairi a’a anu eloi omoro kuruai: oro erau voa kurunave uku omo paku ai u Iesu omoro kurunave, Iesu unu imua mere la’ava ane.

19Oro eve ora’anave Areopaka ai arekanave ane, oro erau voa kurunave ane, Ei voa nawawrea ni ipawkimakina ni ama‐ipakimau?

20Uku kairi voa enei ai ni mi‐anena: ei voa anu miki ipaliai enei umuli’ina.

21(Uku Atena a’a uriria, kikoro a’a ane i‐pokoinave, omo eria pokoia pani iki oro awkunave uku voa nawawrea ipawkiai, viriai ane.)

22Paulo Areopaka vimu ai oimakei’inave, erau voa kurunave, Atena a’a e, nai inamu‐oina uku awku uriria eiai noro lai avioia keina.

23Nai awawpemakei’inave, nomo avioia awku inamu‐eimakei’inave ane, avioia pakara nai inamu‐oinave una upa mere ei revareva kikiriakei’inave, Kurua Eloi eiai a’a a‐ipa‐ulaunakea. Kurua Eloi noro pauapaua avioina, U eiai nomo paku ai nai omoro kuruna.

24Kurua Eloi U pani va’au enave, awku uriria uakeina ane, Pani Muku, pani va’au ane, enu Amua U uarokona, U a‐pokoinakea marea laru ai i a’a anu eve la’ekavakeina.

25I a’a anu eve peipei U kamaia‐awkavakeiapea, a’a orau peipei oea‐rokona, a’a uriria rokoa, ivakumu ane, peipei uriria ane, U verukua ekuna;

26Mai‐vaki monou mere kaki a’a kavakava anu a’a eiane euna oro pani va’au ai pokoiane‐iai, omo rokoa pani eiei, omo pokoia mako eiei ane, U evere’eiane euna;

27Uku oro Eloi voroane‐iai, oro auiane naea, a enei kavakava mere U amai a‐pokoinakea.

28Uku U laru ai enei rokona, awkana ane, ene nane mi’ina ane: nomo awni kikiria a’a varomo erau voa kuruane euna, Uku enei awku Una mere keina.

29A uku enei Eloi inu mere keina enei pa laikoravai Eloi moni imunu naea, rawre imunu naea, mikirina, i a’a karikiakeina.

30A’a anu pauapaua pani ai Eloi voa a‐kurunavea: a eai makomako ai a’a uriria lai urukiai U ekina:

31Uku voa vevea lare U evere’eane euna, kurua lare ai i kurua a’a U eni ie’enave pani va’au i opara anana U voa veve’eakana; ei voa anu miki a’a uriria U ipekiane euna uku kurua a’a imua mere U la‐oka’ane euna.

32Oro ei voa viriaka’ane uku imua mere la‐okava eiai, oro varomo makiri keke voa kurunave, a’a mo erau voa kurunave, Uku ei voa eiai enei moawku niviriakana.

33Paulo ave’einave.

34A omo a’a varomo Paulo onu a’a evere’enave, oro pirimaroakoanave ane; ei kaupu unu a’a monou nawi Dionikio oroiakei’inave, u Areopaka a’a kei’inave. A’e awku nawi Damario, a’a mo ane.

Currently Selected:

IVA A’A ANU IAKI 17: IAR1920

Highlight

Copy