IVA A’A ANU IAKI 19
19
1Apolo onu pokoia pani Korinito ai Paulo avari pai’iri e’epemakei’inave Epeso ai anenave: pirimaroakoa a’a varomo u i‐auienave.
2U erau voa veve’einave, Noro pirimaroakoaka’ane Avaea Iaa noro ama‐mi’e? Oro erau voa kurunave, Enei viriape Avaea Iaa uarokona.
3U erau voa veve’einave, Oi bapatiso ana noro bapatiso‐nakavakei’inave? Oro erau voa kurunave, Ioane enu bapatiso.
4Paulo erau voa kurunave, Lai urukia anu bapatiso Ioane bapatiso‐li’inave kapoi, a’a aruru ipekimakei’inave ane, Keriso Iesu aneliviai anelia oro pirimaroakoai limakina.
5Oro ei voa viriaka’ane Amua Iesu unu nawi oro bapatiso‐ekavakei’inave.
6Paulo una eve oro upa mere aiaka’ane, Avaea Iaa oro upa mere anenave; kairi voa e e oro kurunave, laikorava voa ane.
7Oro uriria a’a 12 akoakei’inave.
8Neko mere ai omoro marea u ikirinave. Ia rere kaiane iou ai u iviri omoro kuruoko, voa ipawkimakei’inave, a’a anu lai uru‐eka?-?makei’inave ane, uku Eloi inu eiei eiai.
9A a’a varomo lai kane evere’eakei’inave oro a‐pirimaroakoanavea; voa lipi oro kurunave Iva voa eiai a’a aruru unu paku ai, Paulo ave’einave, pirimaroakoa a’a u kiripai u are’ekanave, Turano onu marea laru ai lare kavakava u voa e kevakeva kurunave.
10Aumeia rere ei opara liakei’inave; orau Asia anu a’a uriria Amua Iesu unu Iva voa virinave, Isaraela a’a, Heleni a’a ane.
11Iva veia re awku i Paulo Eloi li’inave:
12Towela, eme ane, Paulo nekeaka, maia a’a ai mi‐aneakei’inave, omo maia aukari‐ekavakei’inave, avaea lipi maia a’a mere elemanenave ane.
13Isaraela keke’e a’a varomo menamena a’a kei’inave, avaea lipi maia a’a mere laoiai Amua Iesu unu nawi oro nawki‐awkanave, erau voa kurumakei’inave, I kurua Iesu Paulo omoro kuruna a’a mere elemanene enei nikina.
14Isaraela a’a nawi Sekeva, omoro amua a’a anu avai a’a, u mere 7 miaka, oro ei opara limakei’inave.
15Avaea lipi monou erau voa kurunave, Iesu nai ipali’ina, Paulo awku nai ipali’ina; a noro koana?
16Avaea lipi maia a’a area‐inanave, menamena a’a a’akinave, awkoni‐ekanave ane, marea mere kape irikaiva oro area‐elenave, kape awkoro‐ekavakei’inave ane.
17Ei awku unu uru a’a uriria virinave Epeso ai, Isaraela a’a, Heleni a’a ane; oro uriria korekei’inave, Amua Iesu unu nawi avioiakei’inave ane.
18A’a oro pirimaroakoaka oro aila anenave, opara oro liaka a’a anu paku ai oro iki‐e’enave.
19Oro aila menamena a’a keiaka omo menamena buka oro roikinave, mi‐anenave, iau laru ai ru‐ekanave a’a uriria anu paku ai. Buka anu moni inaea kavani oro akonave, urupu moni la’a 50,000 akoakei’inave.
20Orau Amua anu Iva voa la’anave, upurukinave ane.
21Ei awku oailiakeiaka’ane, una lai laru ai Paulo umuli’inave Makedonia ai, Akaia ai ane, pinai aki‐enavai, neko mere ai Ierusalema ai inavai, u erau voa kurunave, Ei aki oailiane, nai Roma inamu‐oiai limakina.
22Una paioka a’a rere, Timoteo, Eraku ane, Makedonia ai u ekaivirinave; pani mau’u Asia ai u pokoinave.
23Ei pani ai kukupuna ovara la’anave uku pirimaroakoa voa nawawrea eiai.
24Uku a’a monou nawi Demeterio, urupu moni iaki a’a, urupu moni Diana anu avioia marea anu amuka amuka u karikinave; ei iaki kavani ovara mi‐anenave una iaki aivara eiai;
25Una iaki a’a u kaupukinave, a’a e ane amuka iaki li’inave, u erau voa kuruenave, Ovaki airavaki e, noro ipali’inake ei iaki mere ene moni enei mi’ina.
26Noro inamu‐oinake, virinake ane, Epeso pai’iri e peo, Asia pani va’au iki ane, ei Paulo a’a aila ailieane euna oro pirimaroakoane‐iai ei amuka amuka eloi miki peo, oro a’a anu evepawki e keina:
27E’ei uakeina ene eve?-?pawki iaki oavakeia’ane, Diana eloi a’e epe’epe enu avioia marea awku enaka?-?vakeia’ane, una mukua mako mere u upupuakei’ane, U ane Asia pani va’au iki, Lia, Pani va’au iki ane, avioina.
28Oro ei voa viriaka’ane oro ia’ia evopoakei’inave, erau voa laeali’inave ane, Diana Epeso a’a anu eloi ovara keina.
29Pai’iri iki rawre evopoakei’inave: Gaio, Arisitako ane, Makedonia a’a orere, Paulo onu aki paioka a’a ane, pai’iri a’a a’akinave, lupa marea laru ai lakienave ane.
30Paulo lupa marea ikiriai umuli’inave a’a aruru omoro kurueai, pirimaroakoa a’a una lai a‐evere’enavea.
31Mai‐vaki varomo oro Paulo onu a’a kei’inave, iva voa u ai oro okaivirinave, nawki‐awkanave ane u lupa marea ikirinavaia.
32A’a lupa marea laru ai lai kukupuna kei’inave, voa e e oro laealimakei’inave ane; uku oro kaupukiaka omo a’a aila pauapaua kei’inave.
33Isaraela a’a Alesana a’a aruru paku ai kouakoua?-?awkanave: a’a eiekavai una eve u oiokanave, u omoro kuruai awkamakei’inave.
34Oro inamu‐oiaka’ane u Isaraela a’a kei’inave, oro uriria voa monou orau hora rere erau voa laealimakei’inave, Diana Epeso a’a anu eloi ovara keina.
35Pai’iri inu vupu kikiria vaki a’a aruru eiekavaka’ane, u erau voa kurunave, Epeso a’a e, a’a koana pauapaua keina Epeso a’a Diana anu avioia a’a keina, imunu ane Zeo mere ara’anave?
36Uku ei voa miki keina, noro eiekavai limakina, noro avuavu opara li’inavaia.
37Ei a’a eu ai noro are’ekava’ane euna, orere omoro marea anu aru avapu‐liape, mai‐voa kuruape nomo eloi a’e eiai.
38Demeterio, una iaki kaupu a’a ane, oro ia’ia keia’ane uku a’a e eiai, voa vevea marea auakeina, voa vevea amua a’a uapokoina ane, omo ia’ia uku eiai oro voa veve’enameki.
39Noro voa vevea umu?-?liane uku awku e eiai, ou awku voa veve’eakeiakana voa vevea pani ai.
40Uku ei lare enu rawre eiai enei voa veveaiakeia?-?kana naea, uku eria uakeina ei kaupukia eiai.
41U erau voa kuruaka’ane, u arere’einave.
Currently Selected:
IVA A’A ANU IAKI 19: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
