Mark 3
3
1An neteruan mun le nimwa ahwak; an ieremim ker iken nelimin ravava.
2An netakamaihmena in mama terepol ut in le nian ausim wa kapa, mama takaitat in.
3An netereni to ieremim ka nelimin ravava, moma, Armig le nelukin.
4An netereni to ilar, Rematu tokol ut nar le nian ausim wa tokol ouloul? Tokos miuh wa tukhwapnin? Mero netesaikaran.
5An neteramahmena ilar le niehma, mero in ka nekin ramahma to nekin ilar riakis, netereni to ieremim, Hwatuin nelimam; an neterhwatuin, an nelimin kenol ut.
6An Farisi min netakarier, an ihwe am netakaikar ton ilar neremim te Herod mama takatuahro.
7An Iesu netereleleg pen mun ihre ilar tan iremim min; an nahuto puk le Kalili netakairoupen, mene le Judia,
8Mene le Jerusalem mene le Idiumia mene le televinpen le Jordan, mene iken min Tair mene Saidon, nahuto puk aken, netakairou narepuk min ramol netakarua ton.
9An netereni to tan ieremim min moma bot asuas terametanin in mero in ka le nahuto moma tesarhiuapninan in.
10Mero in ka ramol ut ilar rapus, an nerem kamaros netetan netakaram pen lan mama takariap in.
11An nanumun tat min netakaihm in netakaram le nemrin, mamaisak mamani, mama, Ik Neri Wuhgin.
12An neterenhiau aken ilar moma tesaniapuan in.
13An neteret le towar neteraunin ierem min in atu rolkeikei ilar, netakarua ton.
14An neterol ilar katilum katilum mekiu, ierem min ramhin netig kam ilar moma apostelo min, moma takamairik ilar min, an moma terhailiatou ilar to netikunan,
15Mene to nosan nesanenan to hnaliatouan nanumun tat min.
16An neterol ilar katilum katilum mekiu an neterhin netig kam Saimon moma Piter,
17Mene Jems neri Sebedi mene Jon nohra Jems, an neterhin netig kam ilau moma Boanerjes, ierem kameni mok lan, Nereri Kalualua,
18Mene Andru, mene Filip, mene Bartholomiu, mene Mathiu, mene Tomas, mene Jems neri Alfias, mene Thadius, mene Saimon ierem Kenan,
19Mene Judas Iskariot, ierem ramaurai in.
20An neterua imwa. An nahuto netakarhwafugen mun, moma riakis to ilar moma takarkin bred.
21An taniel min netakairou, netakarier mama takarhiapatin in, mero in ka netakani mama rakamalmel.
22An nerem kamatikun, nerem kamasipen Jerusalem maitite marua, netakani, mama, Ramos Beelsebab, an, Le ieremera te nanumun tat min rahmaliatou manumun tat min.
23An neteraunin ilar ton, netereni to ilar le hnoa nakaran min, Setan teretua hmaliatou Setan?
24An takama niko kenotaprai atu riakis to niko ka moma terail.
25An takama nimwa kenotaprai atu riakis to nimwa ka moma terail.
26An takama Setan terepermig atu ton mepotaprai, riakis ton moma terail, mero terepuka
27Mero riakis to ieremim ker moma teruan le nimwa te ierem ausikausik mametaken tahan nauta, takama resaupanan melis ierem ausikausik, an terepoatisig metaken nimwa tahan.
28Nuparhien tiakani to kamiar moma tehwaga tat min taposita to nereri neremim mene nakartetan le Wuhgin ilar kamani;
29Mero ierem terepakar tat kam Nanumun Ausim tepesositean tehwaga tat tahan le nowa nu min, mero reknol tehwaga tat lilen.
30Mero in ka kamani, Ramos nanumun tat.
31An inen mene pian netakarua netakailil ilua mahil ruan ton mamaiunin in.
32An nahuto kamamaiwata elauelau in netakani ton, Ahm ru, inam mene piam min ilua kamaitkoigen ik.
33An neteraram to ilar meni, Pehe iama mene piak min?
34An neteramahmena nerem kamaiwata elauelau in, netereni, Aihm ru, iama mene piak min.
35Mero in ka ierem terol nowa te Wuhgin, in piak mene noinuk mene iama.
Currently Selected:
Mark 3: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
