Mark 2
2
1An nian nevin neterua muan neterua mun Kaperneam, an kamerou moma in imwa.
2An neremim ribor kamarhwafugen, moma nihmawa remuka to ilar resolan moma le nausilua mene, an neterameni nakaran to ilar.
3An netakaros marua ton iremim rakamis le palsi, neremim kuer karos.
4An riakis to ilar moma takaros marua iwaket ton, mero in ka le nahuto, netakarpigita nar le hnage nimwa, ierem ramarik lan, netakahipu, maruatevata le nihmawa ka ierem rakamis le palsi rakamel lan.
5An Iesu neterahm nuparhienan tenilar, netereni to ierem rakamis le palsi, Neruk, tehwaga tat taham kenosita.
6Mero nerem kamatikun nevin kamaiwata iken, an netakani le nekin ilar.
7Retol wus uk rameni mok lan? Ramaker tat kam Wuhgin. Pehe resanen to nositean tehwaga tat, mero in am karena, Wuhgin.
8An ihwe am Iesu neterhinatin le nanumun moma ilar kamani mok lan le nekin ilar, netereni to ilar, Retol nakamani nar uk le nekimiar?
9Irmeruk takani to ierem rakamis le palsi, Tehwaga tat taham kenosita, wa takani, Armig mosit nihmawa taham maliwak?
10Mero moma tenakarhinatin mama Neri Ieremim ramos nesanenan le ten to nositean tehwaga tat,
11Rameni to ierem rakamis le palsi, Tiakani tonik armig mosit nihmawa taham, muan le taham nimwa.
12An neterermig, an ihwe am neterosit nihmawa, neterier le nemrin ilar min. An ilar muka nanumun ilar neterakamuka ton netakamani vivi Wuhgin, mamani, Iesaihman nar ker rol mok.
13An neterier mun le nikali tehe; an nahuto min petum netakarua ton, an neterametikun ilar.
14An neterakavan neterahm Livai neri Alfias ramowata le nimwa kamos atin nar iken, an netereni ton, Aroupa io. An neterermig meroupen in.
15An neteramowata to nauganan le nimwa tahan, na nerem kamaros atin nar nevin mene nerem kamarol tehwaga tat kamaiwata ilar Iesu mene tan ieremim min, mero in ka ilar rapus, an kamairoupen in.
16An nerem kamatikun taha Farisi min netakaihm mama in ramaugan ilar nerem kamarol tehwaga tat mene nerem kamaros atin nar, netakani to tan ieremim min, In rakamaugan mamamnum ilar nerem kamaros atin nar mene nerem kamarol tehwaga tat.
17An Iesu netererou netereni to ilar, moma, Nerem kaisanen kasarolkeikeian iosmiuh, mero nerem kamaremis. Iemesuean moma tiakaunin neremim ut mero nerem kamarol tehwaga tat.
18An neremim te Jon mene Farisi min kamimek. An netakarua mamani ton, Retol neremim te Jon mene neremim te Farisi min kamaimek, mero neremim taham kasaimekan?
19An Iesu netereni to ilar, Remeruk to nerem kamaros niel to ieroe moma takaimek takama ieroe ramarik ilar min? Nian min ieroe ramarik to ilar riakis to ilar moma takaimek.
20Mero nian terepua ieroe taposita to ilar, an tepaimek le nian ka.
21Ieremim ker restilpenan nowanveri nar ituga vi le niuh oas; mero takama terol, nar kamtilpen terefhapu in, ierem vi terefhapu ierem oas, an terefhapu puk aken.
22An ieremim ker teresuipenan wain vi le nevigenar oas; mero takama terol, wain terefhapu nevigenar oas, an wain tepetaken mene nevigenar. Mero takaruipen wain vi le nevigenar vi.
23An nteramavan le nian ausim le neki korn, an tan ieremim min netakamahl akmakam nowa korn mamaruan.
24An Farisi min netakani ton, Ahm ru, retol kamarol le nian ausim nar resmatuan?
25An netereni to ilar, Nemesaihwinan le nawowa nar Devid ramol? Loanian remesosan nar mamemek, in mene nerem kamairoupen in?
26Mora ravan le nimwa te Wuhgin loanian ka Abaiathar reremera le nuhwasigenan, an neterkin bred te nehlauan ierem resmatuan to ieremim moma terkin, mero ilar am nerem le nuhwasigenan, an neterofen kam nerem kamairoupen in.
27An netereni to ilar, Nian ausim kamol to ieremim, an resolan moma ieremim kamol to nian ausim.
28Rol mok lan Neri Ieremim reremera mun le nian ausim.
Currently Selected:
Mark 2: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
