Mark 4
4
1An netererwowun mun mametikun le nikali tehe. An nahuto puk aken netakarhwafugen ton, an netereukepen le bot, mamowata le tehe. An nahuto petum netakailil ibat le nikali tehe.
2An neterametikun ilar le nar min ribor le hnoa nakaran min, an netereni to ilar le netikunan tahan,
3Aiteleg in; Aihm ru, ierem ravusus rier to nususan.
4An le nususan nevin neteresas pen le nikali suatu, an nemenuk netakarua markinita.
5An nevin neteresas pen le nemapten kapiel ribor lan, iken resosan nemapten ribor iken. An ihwe am revia mero in ka resosan nemapten ipai iken.
6An mit neteret, an neterauke; an mero in ka nukin rika, reknimer.
7An nevin neteresas pen le neki nul kasik, an nul kasik neterevia muhwakamkamun, an resowean in nowan.
8An nevin neteresas pen le nemapten ut, neterowa in nowan, ramibor mamol nahuto, neterowa in nowa, ker 30 mene ker 60 mene ker 100.
9An netereni, Ierem ramos nepagtelegen moma tererou, pas rerou.
10An in ramarik pusen am, an nerem kamairoupen ilar nerem katilum katilum mekiu netakaihrapuk ton le hnoa nakaran.
11An netereni to ilar, Kenofena kam kamiar nowa iakis le niko te Wuhgin, mero nerem ilua naremnar kamol kam ilar le hnoa nakaran,
12Moma takaihm le nahman, mero tesaihman; an takairou le nerouan, mero tesarhinatinan, mama tesalelegan mun an kaposita tehwaga tat tenilar.
13An netereni to ilar, Nakasarhinatinan hnoa nakaran uk? An tenakaituarhinatin hnoa nakaran min?
14Ierem ravusus, in ravusus nakaran.
15An ilar uk nerem le nikali suatu, iken kavusus nakaran iken, an takama kenairou, ihwe am Setan rakava mosita nakaran kamusus le ilar.
16An rolmok lan ilar uk nerem kamusus le nemapten kapiel ribor lan nerem kairou nakaran, an ihwe am karos le nagienan.
17An kasarosan nukin le nekin ilar, mero kamairik tahman am, an takama nahmean terua wa niehma to nakaran ihwe am kamaipitetel.
18An nevin mun nerem kamusus le neki nul kasik, ilar uk nerem kamairou nakaran.
19An kagnagen te ten uk mene neiwean te nauta mene nolkeikeian nar pusen min nevin rua muhwakamkamun nakaran, an retiktik nowean.
20An ilar uk nerem kamusus le nemapten ut, nerem kamairou nakaran, an kamaros, an kamarowa in nowan ker 30, mene ker 60, mene ker 100.
21An netereni to ilar, moma, Lamp kenos kava moma takahlau lahau le nevigenar, wa lahau le tultul, resolan moma takahlau le neliki nisia?
22Mero in ka resolan moma nar ker kametkauigen mero moma taposiatou le hnakakan; an resolan moma nar ker kamol maniwan mero moma terua le hninatinan.
23Takama ieremim ker ramos nepagtelegen moma tererou, pas rerou.
24An netereni to ilar, Aihmena nar nakamairou; le nahmaukeran kamiar nakamaihmauker lan tepahmauker lan kam kamiar, an tapofena mun kam kamiar.
25Mero in ka ierem ramos nar, kapofen kam in; an ierem resosan, kaposita ton nar mun ramos.
26An netereni, Niko te Wuhgin rolkoma ierem ravusus nowa nik le nemapten.
27An rapul an mait lapin mene le nian, an nowanik terevia an mibor, in retiktik am moma retol.
28Nemapten ramowa atu in nowan, paupan rol numalin, an mopol nevilegen an neteraugin nisen ret le korn.
29An takama nowa nik termerua, ihwe am terhalipen nau iko, mero in ka nemeruean reknua.
30An netereni, Takani le niko te Wuhgin moma rolkoma neta? Wa takani le hnoa nakaran ierem petuan?
31In rolkoma kurkur i mastard, ierem kavusus le nemapten iresuas le wiker min kamusus le nemapten,
32Mero takama kenusus revia an repibor aken le nik wasuas min, an neterol nelimin min ribor, an nemenuk le neai takaiwatatigan ratipis to ilar.
33An le hnoa nakaran min ribor rol mok lan neterameni nakaran to ilar, kama ilar kaisanen to nerouan.
34An remesenian nar ker to ilar mero in am le hnoa nakaran, mero rameni nubalaki nakaran min to tan ieremim min ilar pusen am.
35An nian ka lehnaiu reknua netereni to ilar, Pas karuan le televinpen.
36An netakaipas nahuto, netakarhin am maka lan le bot, an bot nevin mun ilar min.
37An nemetag asul neterail, an peau remraker mua makavan le bot, an bot rakamet.
38An in atu ramakamel le haf mamapul mameluga; an netakasig in, mamani ton, Ietikun, ik neseniapkisan moma takaremis?
39An neterait, neterenhiau nemetag, netereni to tehe, Pas ra, maskiukiuan. An nemetag neteram, an neteremelinu aken.
40An netereni to ilar, Nakamarigen tona? Nemesarosan nuparhienan towe mene?
41An netakamarigen le naginan asul, an netakani to ilar min, Mero pehe uk moma memetag mene tehe kamiaol nowan?
Currently Selected:
Mark 4: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
