Mark 5
5
1An netakarua le neutai tehe le ten te nerem Kadara.
2An netereukatou le bot, an ihwe am ieremim ker nanumun tat ramarik lan neterier iken kamrenumar iken mamail tosig in.
3Ierem ramarik ena iken kamrenumar iken. An ieremim ker to reselisan mun, resolan moma le tshen.
4Mero in ka kamelis kisimatu kisimatu le airon mene tshen, an ramerakru tshen, muhwasesin airon, an ieremim ker to resenhiauan in.
5An le nian min lapin mene le nian mene iken kamrenumar iken mene le towar min ramamasak mamerai atu in le kapiel.
6An neterahm Iesu isou aken, neteraietkin mamohwak kam in.
7An neterasak le nakarapahman mameni, Netiakuatol ik, Iesu Neri Wuhgin iles aken? Tiakakeikei kam ik le netige Wuhgin moma tenesolan nahmean kam io.
8Mero in ka rameni ton, Ier le ieremim, ik nanumun tat.
9An netererhapuk ton, Pehe netigam? An netereni ton, Netigok ka Lijon, mero in ka kamar nahuto.
10Neteramakeikei hmahma kam in moma tereshaliatouan ilar le ten ka.
11An nahuto puk le nepukas kamemarugan iken le nikali towar.
12An netakamaikeikei kam in, mamani, Halipen kamar to nepukas moma tiakaruan le ilar.
13An neteruata le ilar. An nanumun tat min netakarier, netakaruan to nepukas, an numani nepukas netakari etuatu to nekilhi nar maruan le tehe, ilar 2,000, maimunum petum le tehe.
14An nerem kamemaiugen ilar netakaikam mamani lauanu mene le ten. An netakarua mama takaihm nar kenol.
15An netakarua to Iesu, netakaihm ieremim ramowata, ierem nanumun tat min kamemairik lan, rekneviu an nekin reknavit, ierem Lijon kamemairik lan, an netakamarigen.
16An nerem kamemaihm netakamani to ilar mama kenetol le ierem nanumun tat min kamemairik lan, mene le nepukas.
17An netakarwowun mamaikeikei kam in mama terier le nepagnemri ten tenilar.
18An neterakavan le bot, an ierem manumun tat ramemarik lan neteramakeikei kam in moma ilau min.
19An neterenhiau in mero netereni ton, Uan le taham nimwa mene to neramam, mamausito in kam ilar narepuk min Ieremera reknol kam ik, an moma ramasak in ik.
20An neteruan, an netererwowun mameni Dekapolis narepuk min Iesu ramol lan, an neremim petum nanumun ilar neterakamuka.
21Iesu neterasua meukafugen mun le bot le neutai tehe, an nahuto puk netakarhwafugen ilar min ton, an rememail le nikali tehe.
22An ieremera ker le nimwa ahwak neterua, netigen Jeras, an neterahm in neteram le nelikin,
23An neteramakeikei hmahma kam in, mameni moma, Neruk beresuas neteremis, tiakakeikei kam ik moma tenekua mehlaupen nelimam lan moma teremiuh mamarik.
24An neteruan ilau min. An nahuto puk netakairoupen in, an netakamarhiuatin in.
25An beravin nitan ramaih le nu katilum katilum mekiu,
26An ramamerou nahmean ribor le doktor nevin, an ramamaurai petum nauta tahan, an kasolutan, mero nemisan neteribor aken.
27An netererou nar le Iesu, neterua le nahuto oatisig neteriap nar rakava lan tahan.
28Mero in ka netereni, moma, To iepiap am nar rakava lan tapos miuh io.
29An ihwe am naian in nitan neteremet, an netererou le nubalakin moma kenol ut le netetan tahan.
30An ihwe am Iesu netererou le nekin moma nesanenan reknier lan. An neterhwin le nahuto mameni, Pehe remiap nar iakava lan?
31An tan ieremim min netakani ton, Ik nakamahm nahuto kamarhiu ik, an tenakani, Pehe remiap io?
32An neteramatikoatiko moma terahm ierem ramol nar uk.
33Mero beravin neteragen mametamnuman, mero in ka rhinatin nar kenol lan, an neterua mam le nemrin mameni nuparhienan petum ton.
34An netereni ton, Neruk, nuparhienan taham reknol ut ik, uan le nemelinuan, an pas tapol ut ik le netetan taham.
35An ramamakar ena, an netakasipen le nimwa te ieremera le nimwa ahwak, mamani, mama, Nerum reknemis, retol nakamol nalkutan mun kam Ieremera?
36Mero Iesu neteresetetelegan in nakaran kameni, netereni to ieremera le nimwa ahwak,
37Asaginan, ani am nuparhienan. An remespasen ker rameroupen ilau min, mero in am ka Piter mene Jems mene Jon, nohra Jems.
38An netakarua le nimwa te ieremera le nimwa ahwak, an neterahm nakarouloulan, mene nevin kamaisak an mamaisak apahm.
39An neteruan imwa mameni to ilar, Retol nakamaikar ouloul mamaisak? Kova resemisan mero ramapul.
40An netakamalhiapninepus in; mero in neterhaliatou petum ilar, neterir am remi kova mene inen mene ierem ihlel kahmairoupen in, an neteruan iken kova rakamel iken.
41An neteros nelimi beresuas, netereni ton, Talitha kumi, ierem takahlaupen le nakaran uk, Beresuas, tiakani tonik, armig.
42An ihwe am beresuas neterermig mamaliwak, mero in ka ramibor le nu katilum katilum mekiu. An ihwe am netakamaisak le nasakan asul.
43Netereni hmahma to ilar moma ieremim ker tereshinatinan nar uk, an netereni moma tokofen kam in nar ker rikin.
Currently Selected:
Mark 5: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
