Mark 1
1
1Nerwowunan te nakaran ut te Iesu Kristo Neri Wuhgin.
2Rolkoma kamrai le Aiseia profeta,
Ahm ru, tiakhalita tahak ieremim raupan lam le nemram, In terepol ut suatu taham;
3Noia ierem ramasak leluan,
Arol ut suatu taha Ieremera,
Arol etuatu suatu tahan.
4Jon rava ierem ramol nebaptisoan leluan, mameni apu nebaptisoan te nelelegan to nositean tehwaga tat.
5An netakarier maruan ton ilar petum nerem Judia, mene ilar petum nerem Jerusalem, an neteramol nebaptisoan le ilar le nu Jordan, an netakamani apu tehwaga tat tenilar.
6Jon kameviu le nemami kamel, mametout le nevigen, an neterakamkin piru mene hani lemehnamera.
7An neterametikun mameni moma, Ierem teroatisig in io in iresanen lak, io iesevitan moma tiakamelmel merisin nowanouka le nar le nelikin.
8Io iakamol nebaptisoan le kamiar le nu, mero in terepol nebaptisoan le kamiar le Nanumun Ausim.
9An loanian ka Iesu netersipe le Nasareth i Kalili mua mamos nebaptisoan to Jon le nu Jordan.
10An ihwe am neteret le nu neterahm neai khapu mene Nanumun Ausim ratite rolkoma menuk mua ton.
11An nakaran netersipe le neai, Ik Neruk keikei, nekiuk ragienipus tonik.
12An ihwe am Nanumum Ausim netersigipen in leluan.
13An neteramarik leluan nian 40, an Setan neteramofenofen kam in; an neteramarik was ilar nabakaru; an agelo min kamarol atkokun nar ton.
14An oatisig le nofenan Jon imwa Iesu neterua Kalili, mameni apu nakaran ut te Wuhgin.
15An netereni, moma, Nian reknua, Niko te Wuhgin reknua iwaket, aleleg mamani nuparhienan le narakan ut.
16An neteramaliwak le nikali tehe Kalili, neterahm Saimon mene Andru, nohra Saimon, kamuausum le tere, mero in ka wus mil kamiaos nam.
17An Iesu netereni to ilau, moma, Uaroupa io, an tiapol napiavis neremim.
18An ihwe am netukuopas nekupun tenilau, muaroupen in.
19An neteraliwak tahman mun, neterahm Jems neri Sebedi, mene Jon nohran, kamuatik le nekupun letui niko.
20An ihwe am neteraunin ilau; an netukuopas remin ilau Sebedi, ilar nolatkokun nar nevin letui niko, muaroupen in.
21An netakarua Kaperneam; an ihwe am le nian ausim neteruan le nimwa ahwak mametikun.
22Netakamaisak le netikunan tahan, mero in ka rametikun ilar kama irem ramos nesanenan, an resolan kama nerem kamatikun.
23An ihwe am ieremim ker le nimwa ahwak tenilar nanumun tat ramarik lan,
24An neteramasak, mameni, Neta to kamar mene tonik, Iesu le Nasareth? Neknua moma tenakataken kamar? Iakhinatin ik moma pehe, Ierem Ausim te Wuhgin.
25An Iesu neterenhiau in, mameni, Asakaran, mier lan.
26An nanumun tat neterhapu in, neterasak apahm mamier lan.
27An ilar muka nanumun ilar neterika, netakaihrapuk to ilar min, mama, Netok? Netikunvian! Le nesanenan rameni nowa to nanumun tat min, an ilar kaiteleg in.
28An ihwe am nausitoan in neterier iken min petum mene le ten min Kalili mene iken min.
29An ihwe am netakarier le nimwa ahwak, marua le nimwa taha Saimon mene Andru, ilar Jems mene Jon.
30An uhu Saimon rakamis le nakapanan, an ihwe am netakamani in ton.
31An neterua mos nelimin muit in, an nakapanan neterpas in, an neterol atkokun nar to ilar.
32An lehnaiu mit reknivuk netakarpuk etahun nerem kamaremis marua ton, mene nerem nanumun tat ramarik le ilar.
33An neremim min etahun le nauanu karhwafugen ilar min le nausilua.
34An neterol ut neremim rapus kamaremis le nemisan pusenpusen min, an neterhaliatou nanumun tat min nevin, an neterenhiau nanumun tat min moma tesaikaran, mero in ka karhinatin in mama in Kristo.
35An loaperimianan ruhu aken to hnakakan neterermig, neterier muan le nar leluan mamohwak iken.
36An Saimon mene nerem kamaivan ilar min netakaiuatisig lan.
37An netakaihm in netakani ton, mama, Neremim petum kamaitkoigen ik.
38An netereni to ilar, Pas karuan iken pusen ker to nauanu iwaket min moma tiakatikun iken mun, mero in ka iemier mua to nar uk.
39An neteruan le nimwa ahwak min tenilar le ten petum Kalili, mametikun, mahmaliatou nanumun tat min.
40An leper ker neterua ton mamakeikei kam in, merenum noulin ton, mameni, Takama nakolkeikei, nakasanen to nolutan io.
41An nekin netertat ton, neterhwatuin nelimin miap in, mameni ton, Iakolkeikei, pas tapol ut ik.
42An ihwe am leprosi neteruata lan, an kenol ut in.
43An neterhwag kumukum kam in, an ihwe am neterhaliatou in.
44An netereni ton, Ahmena moma tenesenian nar ker to ieremim ker, mero uan hmin nubalakam to ierem le nuhwasigenan, mamofen to nolutan ik nar Moses rameni, to nausitoan to ilar.
45An neterier, neterwowan, mamausito in ribor mameni apu nakaran ka iken min, moma riakis to Iesu moma teruan le nauanu le nemri neremim, mero ramarik ilua le nar leluan. An netakamasipe le nowanveri ten min marua ton.
Currently Selected:
Mark 1: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
