Mathiu 28
28
1An le naunin nian ausim an netererwowun mahmakak le paupan le nahwakan, an Meri Makdalini neterua mene Meri pusen ker muoma tukuahm nepag kapiel.
2An ahm ru, mig ribor aken mero in ka agelo te Ieremera ratite le neai neterua neterhwinita kapiel mamowata lan.
3An nakanemrin rolkoma nesiapumelan an nar rakava lan retuan kama sno.
4An le naginan ton nerem kamamarit netakamaisiouh an marol kama nerem kenaremis.
5An agelo ka neteraram menipen to beravin mll, Asuaginan kamilau, mero in ka iakhinatin moma nakamuatkoigen Iesu ierem kameruit.
6In rikok, mero in ka reknermig kama in ka in rameni. Iava muahm iken Ieremera rememel iken.
7An iavan hwaihwai muani to tan ieremim min muoma reknermig le neki nerem kamaremis, an ahm ru, teraupan le kamiar muna i Kalili, iken nepaihm in. Ahm ru, iakneni to kamiar.
8Netakarier ihwe am le nepag kapiel le naginan mene le nagienan asul, an muaetkin muoma tukuausito in to tan ieremim min.
9An ahm ru, Iesu neterail tosigin ilau, moma, Uagien! An netikiava an muehaipatin nelikin mamuohwak kam in.
10An Iesu netereni to Ilau, Asuaginan, iavan muani to piak min muoma takaruan i Kalili an tepaihm io iken.
11An ilau netikiavan, an nevin nerem kamaihmesas lan netakaruan le nauanu, netakani to neremera le nuhwasigenan nar min kamol.
12An netakarhwafugen ilar min ilar nerem asul min netakamekar lan, an netakarofen asul moni kam soldier min, mama,
13Ani, mama, Tan ieremim min kamarua lapin maikihla in an kamar iemamaipul.
14An takama ieremera rero nar uk kamar tiakaikar kam in an mamarol ut to kamiar.
15An ilar netakaros moni mamarol nar kameni to ilar. An nakaran uk kamausito in le Ju min loanian ka mene inuk towe mene.
16An tan ieremim min katilum katilum mekarena netakaruan i Kalili le touar ka Iesu rametikun in ilar.
17An netakaihm in netakamehwak, mero nevin netakani neiwean lan.
18An Iesu neterua mamakar kam ilar, moma, Nesanenan min petum kamofa kam io le neai mene le ten.
19Mero in ka aruan matikun neremim petum an marol nebaptisoan le ilar le netigen Remin mene Nerin mene Nanumun Ausim.
20Matikun ilar mama takarol naremnar min iemeni to kamiar. An ahm ru, io tiakarik to kamiar le nian min mene le nuhiefin ten.
Currently Selected:
Mathiu 28: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
