Mathiu 27
27
1An lakapnipin neterua an neremera le nuhwasigenan an nerem asul te neremim netakaru hnimilig mamekar to Iesu moma takarhwapnin in.
2An netakalis in marir maruan marofen kam Pailet ieremera.
3An Judas ierem ramaurai in neterahm moma netakanipen nemisan ton, an nekin neterakamleleg, neteros notakeri takeri 30 silver muan to neremera le nuhwasigenan mene nerem asul min, moma,
4Iamol tehwaga tat maurai nita ieremim ut. Mero netakani, Neta tiakarol le nar uk? It tenakahm.
5An neterelakpenin moni le nimwa ahwak neterier an neteruan an matil atu in.
6Mero neremera le nuhwasigenan netakaros moni ka netakani, Resmatuan takaihlaupen nar uk le nofenan te nimwa ahwak, mero in ka nemrin nita til.
7Netakamekar to netakaros nemrin ten te ierem ramol nevige nar lan, mama tukrenum nerapusen iken.
8Mero in ka ten ka kameni netigen, Ten te nita til, rolkoma in uk towe mene.
9Loanian ka reknet nakaran kameni le Jeramaia profeta, moma, An netakaros notakeri nemrin lan, ierem netakani nemrin lan to Nereri Israel:
10an netakaros lan nemri ten te ierem ramol nevige nar, iolkoma Ieremera rameni tonio.
11An Iesu neterail le nemri ieremera, an ieremera neterarhapuk ton, moma, Ik Ieremera te Ju min wa kapa? An Iesu netereni, Ik nekneni.
12An neremera le nuhwasigenan mene nerem asul netakameitat Iesu, mero resaraman nar ker.
13An Pailet netereni ton, Neseroan naremnar kuhu kamani tonik?
14An resaraman ton, resolan moma nakaran karena, an ieremera neterasakepuk ton.
15An le nauganan ka le nowa nu min ieremera rakamresin kam nahuto pehe ieremim karolkeikei le nimwa iakis.
16An loanian ka kamehlau ieremim asul ker le nimwa iakis netigen Barabas.
17An ilar netakarhwafugen, an Pailet netereni to ilar, Nakarolkeikei moma tiakresin pehe to kamiar, Barabas wa Iesu ierem netigen Kristo?
18Mero in ka rhinatin moma kamaiurai in to nereran.
19An neterowata le nar kamowata lan te nuhwapraian, an beravin tahan neterhalipen ieremim ker ton, moma, Asolan nar ker le ieremim ut un, mero in ka iamos nahmean ribor lan towek le nemelaitan.
20An neremera le nuhwasigenan mene nerem asul min netakani to nahuto moma takaihrapkinpen Barabas an marwapnin Iesu.
21Mero ieremera neteraram menipen to ilar, Ierem petuan le ilan nakarolkeikei moma tiakresin to kamiar? An netakani, mama, Barabas.
22Pailet netereni to ilar, Mero in ka tiakol neta to Iesu ierem netigen Kristo? Ilar petum netakani, moma, Takaruit.
23Mero netereni, Mero in ka netat tehwaga tat ramol? Mero netakamaisak apam, mama, Takaruit.
24An Pailet neterahm moma resausikausikan, mero nakaran reknakamibor, an neteros nu mametauilumin le nelimin le nemri nahuto, meni, Resolan moma nita ieremim ut uk lak; kamiar tenepaihm.
25An neremim min netakairam ton, mamani, Nitan terua le kamar mene nererimar min.
26An netereresin Barabas kam ilar, mero neterho Iesu mofen kam nerem takaruit in.
27An soldier min te ieremera netakarir Iesu maruan le nimwa asul, marhwafugen ton nahuto petum.
28Netakarosita nar rakava lan marviu in le nar reloulou.
29An netakailel nul kasik an malis tenkapa lan an netakaihlaupen nuig le nelimin matu, marenum noulin ilar ton, netakaiusan lan, mama, Agien, Ieremera te Ju min!
30An netakamaihg in, netakaros nuig mamahro tenkapa.
31An netakaiusan lan, an netakarosita nar kamarviu in ka, mamarviu in le tahanena, an netakarir iato in to neruitan.
32An netakarier netakaihm ierem Sairini ker netigen Saimon, netakamaikeikei kam in mama teros tahan nik aluauin.
33Netakaruan le ten netigen Kolkotha, kameni mok lan, ten in nevigkuhla, netakarofen kam in wain kamol pilpil le kal mama teramnum:
34An neterapaih am mesamnuman.
35An netakaruit in an maroti nar rakava lan, netakarol hninainan ton.
36An netakaimaiwata an mamaimrikam lan iken.
37An netakaihlaupen iken tenkapa rakavan iken nar kamrai lan, In uk Iesu, Ieremera te Ju min.
38An netakaruit ihlel iakihla kiu, ker le tan matu an ker le tan mul.
39An nerem karua mamaipita netakameitat in an mamarutin nemrin ilar kam in, mamani,
40Ik ierem nakamhwasesan nimwa ahwak makamol le nepenian kisil, os miuh tau ik. Takama ik Neri Wuhgin, atite le nik aluauin.
41Rol mok lan neremera le nuhwasigenan netakaiusan lan, ilar nerem kamaitikun mene nerem asul min, netakani, nerapusen, mero to resos miuh atu an in.
42Ramos miuh in Ieremera te nerem Israel, pas ratite towek le nik aluauin, an tiepani nuparhienan lan.
43Ramateta le Wuhgin, pas teros miuh in towek takama rolkeikei in. Mero in ka rameni, moma, Io Neri Wuhgin.
44An iakihla mil ierem mil kamaruit ilau ihlel Iesu netakamuokar tat kam n mamuani nar karena.
45An le aur katilum mekarena neterapinapasun petum ten meroatis aur katilum mekuer.
46An le aur katilum mekuer Iesu neterasak le nakarapahman, moma, Eloi, Eloi, lama sabaktani? Nar kameni mok lan, Tahak Wuhgin, Tahak Wuhgin, tona namapas io?
47An nevin kamamailil iken netakairo netakani, mama, Wus uk ramaunin Ilaija.
48An ihwe am ker le ilar neteraietkin mos spanj neteret le vinekar neterol pen le nuig mofen kam in moma teramnum.
49Mero nevin netakani, Pas ru kamaihma moma Ilaija terua mos miuh in wa kapa.
50An Iesu neterasak apam mun mauraipen nanumun.
51An ahm ru, napin le nimwa ahwak rahmapu iles mekiu mua le noukarin, an nemapten remkiukiu an kapiel rahmapu.
52An nepag kapiel kenatita an nubalakin min rapus te neremim us nerem kenaipul netakarmiuh mun.
53An loanian ka Iesu reknemiuh mun netakarier la nepag kapiel marua to nauanu ausim, an neremim ribor kamaihm ilar.
54An sentiurion mene nerem kamaimrikam le Iesu ilar min netakaihm mig mene nar min kamol netakamariginepus, mama, Nuparhien wus uk Neri Wuhgin.
55An neberavin nevin iken kamaimrikam lan isou, ilar kamamairoupen Iesu masipen i Kalili mamarol atkokun nar ton.
56Le nekin ilar Meri Makdalini mene Meri inen Jems mene Joses mene inen neri Zebedi mil.
57Au lehnaiu neterua an ieremim ker te Arimathia nauta tahan ribor neterua netigen Josef an in mun ieremim taha Iesu.
58Wus ka neteruan to Pailet mamehrapuk to nubalakin Iesu.
59An Pailet netereni moma tapofen. An Josef ramos nubalakin netereviu in le nar ituga irvi.
60An neterhlau in le nepag kapiel vi tahan in ramerai le kapiel, neterhwinpen kapiel hmarigpen in le nepag kapiel, an neteruan.
61An Meri Makdalini mene Meri pusen kamuowata iken le nausilua te nepag kapiel.
62An lauk in nian oatisig le nepinean neremera le nuhwasagenan mene Farisi min netakarhwafugen to Pailet, mama,
63Ieremera, nekimar rakahmo moma wus uk ierem rameiwa rameni loanian ramamemiuh, moma, Le nepenian kisil tiapemiuh mun.
64Ani moma nepag kapiel takahmesas lan meroatis nian kisil, mero in ka takamol tan ieremim min karua maikihla in an mani to neremim, Reknermig le neki nerem kamaremis, an neiwean oatisig repibor aken kama ierem iraupan.
65Pailet netereni to ilar, Aros soldier maruan an maihmesas lan rolkoma kamiar nakarhinatin.
66Netakaruan maihmesas le nepag kapiel an marol nimtatin le kapiel ilar soldier min.
Currently Selected:
Mathiu 27: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
