Nar 5
5
1Mero ieremim ker netigen Ananaias, ilau Safaira nuain, neteraurai nauta ker tahan,
2An ramehlau nemrin takerin, an nuain remhinatin, an neteros takerin ker mehlau le neliki apostelo min.
3Mero Piter netereni, Ananaias, retol Setan ret iau le nekim moma tenakeiwa to Nanumun Ausim, mehlau takerin nemri nemapten?
4Ramemarik resolan moma taham, an kenaurai resolan moma le nesanenan taham? Retol nekim rahmo nar uk? Ik nemeseiwean in neremim mero Wuhgin.
5An Ananaias netererou nakaran uk, neteram mamighau; an naginan ribor neteros nerem kamairou min.
6An netemalua netakairmig marvia in maros maruan marenum.
7An au kisil neterua muan, an nuain neterua metiktik am nar kenol.
8An Piter neteraram ton, Ani tonio moma nemuaurai ten nemrin etahun uk? Am netereni, Nuparhien, in etahun un.
9Mero Piter netereni ton, Retol nemiaol nekimilau karena to nofenofenan kam Nanumun te Ieremera? Ahm ru neliki nerem kamarenum nemiram le nausilua, an tepailis iatou ik.
10An ihwe am neteram le nelikin mamighau. An netemalua netakarua maihm in reknemis, an netakailis iatou marenum ilau nemirin.
11An naginan asul neteros nahwak min mene nerem kamairou nar min uk.
12An le nelimi apostelo min nimtatin mene narepuk ribor kamol le neki neremim. An ilar netakamairik le nekin ilar karena le nausilua te Solomon.
13Mero le nevin mun resolan moma ieremim ker remesaginan to napitipenan le ilar.
14Mero neremim netakamasiai ilar, an kenamehlau asul kam Ieremera nerem kamani nuparhienan lan, nahuto min le naman mene neberavin.
15An netakailis iatou le suatu min nerem kamaremis mameihlaupen le nihmawa mene nar kamemel lan, mama takama Piter terua nerkanipusan tahan rerkanipus pen le nevin le ilar.
16An nahuto mun le nauanu min iken min le Jerusalem netakarhwafugen, netakarpuk marua nerem kamaremis mene nerem kamaros nahwohwean to nanumun tat min; an netakol ut ilar min etahun.
17Mero ieremera le nuhwasigenan neterermig, in mene nerem kamaivan ilar min, ilar le nahuto taha Sadiusi min, an nekin ilar remet iau le nereran.
18An netakaihlau pen nelimin ilar le apostelo min marhepen ilar le nimwa iakis te neremim.
19Mero agelo te Ieremera neteretita nausilua le nimwa iakis lapin mir iatou ilar mameni,
20Aruan mamailil mamani to neremim le nimwa ahwak nakaran min te nemihwan uk.
21An netakairou netakaruan le nimwa ahwak le nowanpuspusan mamatikun. Mero ieremera le nuhwasigenan neterua, in mene nerem kamaivan ilar min, netakaiunin afugen neremera min mene nerem asul min le nereri Israel, netakahil ruan le nimwa iakis moma tikiripa ilar.
22An nolatkokun nar netakarua netesaihman ilar le nimwa iakis; netakaleleg pa mun mamaiusito in mama,
23Iemaihm nimwa iakis ruhum makimen petum mene nerem kamarit kamailil le nausilua min; mero iematita mesaihman nar ker imwa.
24An ieremera le nimwa ahwak mene neremera le nuhwasigenan netakairou nakaran min uk, netaktiktik am le ilar mama nar uk terua le neta.
25An ieremim ker neterua menipen to ilar moma, Aihm ru, nerem nemeihlau ilar le nimwa iakis kamailil le nimwa ahwak mamatikun neremim.
26An ieremera neteruan, in mene nolatkokun nar, mir ilar, mero kasarol hmahmean nar, mero in ka kamarignin neremim mama to karu ilar.
27An netakarir ilar maruh ilar le neki nerem asul min. An ieremera le nuhwasigenan netererhapuk to ilar mameni,
28Kamar iemeinhiau hmahma kamiar mama tenesatikunan le netig uk, an aihm ru, neknarol Jerusalem ret le netikunan temiar, an nakarolkeikei mama tenakaruipa nita ieremim uk le kamar.
29Mero Piter mene apostelo min netakairam mamani, Tiakaikeikei maros nowa Wuhgin maipas nowa neremim.
30Wuhgin te riputar min ramosit mun Iesu ierem kamiar nemarhwapnin mamaruit le nik.
31In uk Wuhgin ramosit le nelimin matu, mol in Ieremera mene Ios miuh moma terofen nelelegan kam Israel mene nositean tehwaga tat.
32An kamar nerem tiakani esas le nar min uk, mene Nanumun Ausim Ierem Wuhgin reknofen kam nerem kamarol nowan.
33Mero netakairou, an nekin ilar ramahma aken an netakama takarhwapnin ilar.
34An ieremim ker neterermig le neki nerem asul, Farisi ker netigen Kamaliel, ietikun ker le nowa asul ierem neremim petum kamasiai, an netereni moma tikir iatou tahman neremim ka.
35An netereni to ilar, Nerem Israel, amairou ena kamiar to nerem uk mama neta an nakama tenakarol.
36Mero in ka aupan le nian uk Theudas neterermig mameni atu moma in nar ker, ierem nahuto le neremim rolkoma 400 kamarpitipen lan; an netukhwapnin in, an nerem kamamarol nowan kamos arir ilar etahun an karua am le tanipen.
37Mun ka Judas ierem Kalili neterermig le nian te neraian netige neremim neteruipen neremim ton. An in mun ramemis, an nerem kamamarol nowan kamos arir ilar etahun.
38An towek tiakani to kamiar, ailil tata to neremim uk, maruata le ilar; mero in ka takama nowa uk wa nolan uk resipe le neremim tepetaken.
39Mero takama resipe le Wuhgin, kamiar nesaisanenan to netakenan ilar, moma tepesahman kamiar nakailuaken kam Wuhgin.
40An netakaros nowa tahan, netakaiunipun mun apostelo min, mahro ilar mameinhau ilar mama tesaikaran le netige Iesu, maruata le ilar.
41An netakarier le nemri nerem asul, mamaigien mero in ka kama karut to nerouan netetan to Netigen.
42An le nian min petum le nimwa ahwak mene le nimwa tenilar kamesaimigan le netikunan mene nausitoan in Iesu moma in Kristo.
Currently Selected:
Nar 5: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
