Nar 6
6
1An loanian min ka nahwak min reknol nahuto, an nerem Krik netakameitkauga kam nerem Hibru mero in ka kaisahmutan neberavin kamemis etag tenilar le nolatkokunan nar nian min.
2An nerem katilum katilum mekiu netakaiunipun nahuto le nahwak min mamani, Resevitan moma kama tiakaipas nakaran te Wuhgin marol atkokun nar to nauganan.
3Mero, piamar min, aihmpen le kamiar neremim katilum mekiu nausitoan tenilar ravit, nekin ilar ret le Nanumun mene nalbakauan, ierem min kamar tiapeihlau to nolan nar uk.
4Mero kamar tiapamairik hmahma le nahwakan mene nolatkokunan to nakaran.
5An nakaran ka ramamatu to nahuto etahun, an netakaihmpen Stifen, ieremim nekin ret le nuparhienan mene Nanumun Ausim, mene Filip, mene Prokoros mene Nikanor mene Taimon mene Parmenas mene Nikolaos ierem remsigavan Ju min Antiok.
6Netakarep ilar le nemri apostelo min, an netakaihwak ita netakaihlau nelemin ilar le ilar.
7An nakaran te Wuhgin neteramibor, an nahuto le nahwak min neteribor aken Jerusalem, an nahuto puk le nerem le nuhwasigenan netakaiteleg kam nuparhienan.
8An Stifen nekin ret le nevitan mene nesanenan neteramol narepuk mene nimtatin ribor le neki neremim.
9An neremim nevin le nerem kamasipe le nimwa ahwak ierem kameni moma taha Libertin mene nerem Sairini mene Aleksandria, mene nerem kamasipe Silisia mene Esia, netakailil mameitkauga kam Stifen.
10An kameseisanenan to naraman to nalbakauan mene Nanumun ierem ramakar lan.
11An netakaihlau kalin nakaran to neremim nevin takani mama,
12An netakaisulasul neremim mene nerem asul mene nerem kamatikun, netakarua ton marhiapatin marir maruan to nuhwafugenan te nerem asul.
13An netakarepiatou nerem kamaiusitoeiwa mamani, Ierem uk resamigan le nenian nakartetan le nimwa ausim uk mene nowa asul.
14Mero in ka iemairou in rameni moma, In uk Iesu le Nasareth terepetaken nimwa uk, an terepol pusen tehwaga Moses ramofa kam katar.
15An neremim petum kamaiwata le nuhwafugenan te nerem asul nakanemrin ilar neteramail lan, netakaihm nemrin rolkoma nemri agelo ker.
Currently Selected:
Nar 6: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
