Nar 4
4
1An ilar kamameikar ena kam neremim, an nerem le nuhwasigenan mene ieremera le nimwa ahwak mene Sadiusi min netakarua to ilar.
2An tipil ramakahmo ilar mero in ka kamatikun neremim mamaiusito in le Iesu nermigan mun le neki nerem kamaremis.
3An netakaihlaupen nelimin ilar le ilar meihlau ilar le nimwa iakis meroatis nian tolauk, mero in ka reknehnaiu.
4Mero nevin le ilar nerem kamairou nakaran netakani nuparhienan lan, an nahwinan naman rolkoma thausand katilum.
5A lauk in neremera tenilar mene nerem asul mene nerem kamatikun karhwafugen ilar min Jerusalem,
6Ilar Anas ieremera le nuhwasigenan mene Kaiafas mene Jon mene Aleksander mene neraman ieremera le nuhwasigenan etahun.
7An netakaruh ilau ilukan mameihrapuk, Le nesanenan te fe wa le netige fe nemiaol nar uk?
8An Piter nekin remet iau le Nanumun Ausim netereni to ilar Kamiar neremera te neremim mene nerem Asul,
9Takama kamehrapuk to kamlau towek to nar ut kenol le ierem ravava moma le fe kenol ut,
10Pas tapol hninatinan to kamiar mene to neremim petum Israel moma le netige Iesu Kristo le Nasareth, ierem kamiar nemaruit le nik aluauin, ierem Wuhgin ramosit mun le neki nerem kamaremis, le ieremim ka wus uk ramail le nemramiar meknavit.
11In uk kapiel kamiar nerem nemarol nimwa nemaipas, in uk kenol ieremera le kauga.
12An nemihwan resarikan le ierapusen, mero in ka resolan moma netig ker mun kamofa lahau le neai le neki neremim ierem takakeikei kos miuh katar lan.
13Mero ilar netakaihm netighean taha Piter mene Jon, marhinatin mama ilau wus mil kasatikunan ilau mene ieremim am mil, an nanumun ilar neterika, an netakarhinatin ilau mama kamahmaivan was ihlel Iesu.
14An netakaihm ierem kamol ut ramail ihlel min ilau, an nakaran remuka moma takani lan.
15Mero netakani to ilau mama tikiaier miava ilua le nuhwafugenan te nerum asul, an netakameikar kam ilar min mamani,
16Neta takarol to ieremim mil uk? Mero in ka reknemel atou am to neremim min petum kamairik Jerusalem moma nimtatin asul aken kenol le ilau, an riakis to katar to napninan.
17Mero moma teresavanavanan isou tahman to neremim pas kani hnoan ilau moma tesuakaran mun kam ieremim ker le netig uk.
18An netakaiunin ilau mamani hmahma mama tesuakarakenan mesuatikunan le netige Iesu.
19Mero Piter mene Jon netukuaram muanipen to ilar, Takama rematu le nemri Wuhgin takateleg kam kamiar kapas Wuhgin, arhwaprai ru.
20Mero in ka riakis to kamlau muoma tiesuanian nar min iemuahm mamuarou.
21An netakani mun hnoan ilau maruata le ilau, mero in ka kasaihman nar ker mama takahro ilau lan, mero in ka to neremim mero in ka neremim petum kenamani vivi Wuhgin to nar kenol.
22Mero in ka niboran tahan nu 40 mowau ierem nimtatin te nolutan kenol lan.
23An kenuata le ilau, an netakamiavan to ilau min nevin mamuausito in nar min neremera le nuhwasigenan mene nerem asul kamani.
24An ilar netakairou, an le nekin ilar karena netakaihwatin noian ilar to Wuhgin mamani, Ieremera, ik ierem namol neai mene nemapten mene naremnar min lan.
25Ierem nemameni le nanumun Ausim le hnuli ripumar Devid iolatkokun nar tahan,
Retol neihma rametik nerem Jentail,
An neremim nekin ilar rakamo nemagoago?
Neremera le ten uk kamailil,
26An neremera kamerhwafugen lam karena
To Ieremera mene Kristo taham.
27Mero in ka nuparhienan le nauanu uk Herod mene Pontias Pailet ilar nerem Jentail min mene nerem Israel karhwafugen to iolatkokun nar ierem ausim taham Iesu, ierem ik namol kaluk kam in,
28Mama takarol nar min nelimam mene nowam ramenita moma tapol.
29An towek, Ieremera, ahm ru nenian hnoan kamar tenilar, mamofa kam nolatkokun nar taham moma takani nakaran taham le netighean parhien.
30An hwatuin nelimam to nolutan, an moma nimtatin mene narepuk min tapol le netige Iolatkokun nar Ausim taham Iesu.
31An netakaihwakita, an iken kamerhwafugen iken neterasiouh, an nekin ilar min neteret iau le Nanumun Ausim, an netakani nakaran te Wuhgin le netighean.
32An nahuto le nerem kamani nuparhienan lan nekin ilar mene nanumun ilar karena, an ker remesenian le nar ker tahan moma tahan pusen am, mero naremnar min tenilar was am.
33An le nesanenan asul apostelo min kamaiusito in nermigan mun te Ieremera Iesu, an nevitan asul ramarik le ilar min.
34Mero in ka resolan moma ker ramavan am le ilar; mero in ka ierem min kamaros nemapten wa nimwa kamaiurai maros nemrin.
35Mameihlau le neliki apostelo min; an kenoti le ilar karena kiten rolkoma kasarosan.
36An Josef, ierem apostelo min kama netigen Barnabas, kani le nakaran uk, Neri netikunan, ierem Livai ker, ierem Saipras le neraman,
37Ramamos ten ker, neteraurai mos nemrin mehlau le neliki apostelo min.
Currently Selected:
Nar 4: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
