मरकुस 8

ईसू नें चार हजार लोगन कूं पेट भरौ

(मत्‍ती 15:32–39)

1बिन दिनान में जब एक बार फिर भौत भीड़ इकठ्‌ठी भई और बिनके जौरें कछु खायवे नांय हतो, तौ ईसू नें अपने चेलान कूं जौरें बुलायकै बिनते कही, 2“मोय इन लोगन पै दया आ रही है, चौंकि जि लोग पिछले तीन दिनान ते लगातार मेरे संग रह रये हैं, और इनके जौरें खायवे काजै कछु नांय। 3अगर मैं इन लोगन नैं भूखौं ही घर भेजूं तौ जि रस्ता में बेहोस है जावेगें। इनमें ते कछू लोग तौ भौत दूर ते आये हैं।”

4ईसू के चेलान नें बाकूं जबाब दियौ कै, “याँपै जा बेहड़ में इतनी रोटियां कोई कहाँ ते लावें? कै जे खायकें पेट भरैं।”

5ईसू नें बिनते पूछी, “तुम्हारे जौरें कितनीं रोटियां हैं?”

बिन्‍नें कही, “सात।”

6तब ईसू नें लोगन कूं धरती पै बैठवे को आग्‍या दियौ, और बानें बे सात रोटियां लीं, और परमेस्‍वर कूं धन्यबाद करकें तोड़ी और अपने चेलान कूं देतौ गयौ कै बे लोगन कूं परोसैं और चेलान नें ऐसौ ही करौ। 7बिनके जौरें कछु छोटी मछलियाऊँ हतीं और ईसू नें परमेस्‍वर कौ धन्यबाद करके मछलियौ को लोगन के आगे परोसवे को आग्‍या दियौ। 8लोगन नें पेट भरकै खायौ, और फिर चेलान नें बचे भये टुकड़न कूं इकठ्‌ठौ करिकै सात डलियां भरीं। 9खायबे बारे लोगन की संख्या लगभग चार हजार हती। ईसू नें लोगन कूं बिदा कर दियौ। 10और ईसू बाई समै अपने चेलान के संग नाव पै बैठिकै दलमनूता देस कूं चलौ गयौ।

फरीसियन नें ईसू ते सुरग के चमतकारी चिन्ह माँगे

(मत्‍ती 16:1–4)

11 # मत्‍ती 12:38; लूका 11:16 जब फरीसियों नें जि सुनी कै ईसू य्हांपै है तब बिनमें ते कछु फरीसी आयकें ईसू ते बहस करिवे लगे और ईसू कूं फसायवे के काजै बे सुरग की ओर ते कोई चमतकारी चिन्ह माँगते जाते जि साबित होबै कै जि बू परमेस्‍वर की ओर ते आयौ है। 12#मत्‍ती 12:39; लूका 11:29तब ईसू नें अपने दिल में गैहरी साँस लैत भये कही, “जा समै के लोग चिन्ह चौं माँगते हैं? मैं तुमते सच कहूं कै जा समै के लोगन कूं कोई चिन्ह नांय दयौ जाबैगौ।” 13और बू बिनैं छोड़िकें अपने चेलान के संग नाव पै बैठकै, झील के बा पार चल दियौ।

फरीसियौ और हेरोदेस के खमीर ते साबधान रहो

(मत्‍ती 16:5–12)

14ईसू के चेला खायवे कूं रोटियां लेबौ भूल गये हते, नाव में एक रोटी के सिबाय बिनके जौरें खायबे काजै और कछु नांय हतो। 15#लूका 12:1ईसू नें चेलान नैं चेतायकै कही, “फरीसियन और हेरोदेस के खमीर#8:15 खमीर मतलब आँटे को फुलायबे के काजै आँटे में मिलाबे बारी एक चीज जो खाने सोड़ा की तरैह ते काम करतें। और जयी तरैह फिरीसियन और हेरोदेस कै खमीर कौ मतलबए जो फरीसियन और हेरोदेस के रबैयाए दिखातै जो दूसरे लोगन कूं प्रभाबित करतो हतो। ते चौकस रहौ।”

16चेला आपस में बिचार करके कैहबे लगे, कै “हमारे जौरें रोटी नांय जामारै जि ऐसौ कह रयो है।”

17ईसू जि जानकै कै चेला का बिचार कर रहै हैं? बिनते कैहबे लगौ, “तुम चौं आपस में बिचार कर रये हो? कै हमारे जौरें रोटी नांय। का तुम अबई तक नांय जान पाये और नांय समझ पाये? 18#मर 4:12आँखन के होत भये तुम नांय देखतों और कानन के रहत भये सुनत नाँओं। का तुमकूं बू बातें याद नांय है? 19जब मैंनें बिन पाँच हजार लोगन के काजै पाँच रोटियन के टुकड़े करे हते और तुमने बिन लोगन के खायबे के बाद बिन बचे भये टुकड़न की कितनीं डलियां भरीं हती?”

चेलान नें बाते कही, “बारह डलियां।”

20फिर ईसू नें बिनते कही, “जब मैंनें चार हजार लोगन के काजै सात रोटियन के टुकड़ा करे हते, तौ तुमने बिन लोगन के खायबे के बाद बिन बचे भये टुकड़न की कितनीं डलियां भरीं हती?”

चेलान नें कही, “सात डलियां।”

21फिर ईसू नें बिनते कही, “तो फिर तुम अब तक चौं नांय समझे?”

ईसू नें बैतसेदा में आँधरे कूं ठीक करौ

22फिर ईसू और वाके चेला बैतसैदा में आये और कछू लोग एक आँधरे कूं ईसू के जौरें लै आये और ईसू ते बिनती करी कै बाये छूकै ठीक कर। 23ईसू बा आँधरे के हाते पकरिकें गांम के बाहर लै गयौ, और वाकी आँखन में थूकिकें बापै हात रखै, और बाते पूछी, “का तोए कछु दिखाई दै रयौ हैं?”

24बानें आँख खोलकै चारौ लंग देखिकें ईसू ते कही, “मैं आदमिन कूं देखतूं पर बे मोय चलते भये पेड़न के जैसे दिखाई दै रये हैं।”

25तब ईसू नें दुबारा ते आँधरे की आँखन पै हात रखे और बू अच्छी तरैह तै देखवे लगौ और दूर तक साफ-साफ देख सकत हतो। 26फिर ईसू नें मंई ते बाय जि कहते भये भेजौ कै “घर चलौ जा गांम में मत जईयो।”

पतरस नें मानों ईसू ही मसीह है

(मत्‍ती 16:13–20; लूका 9:18–21)

27जाके बाद ईसू अपने चेलान के संग केसरिया फिलिप्पी के गांमन में चलौ गयौ। और रस्ता में बानें अपने चेलान ते पूंछी, “कै लोग मोय का कहते हैं कै मैं कौन हूं?”

28 # मर 6:14,15; लूका 9:7,8 चेलान नें बाते कही, “कछु लोग तोय यूहन्‍ना बपतिस्मा दैबे बारौ, पर कछु एलियाह और कछु परमेस्‍वर की ओर ते बात बताबे बारेन में ते तू एक है, जेऊ कहतै।”

29 # यूह 6:68,69 ईसू नें बिनते पूँछी कै, “तुम मोय का कहतौ?”

पतरस नें बाय जबाब दियौ, “तू मसीह है।”

30तब बानें बिनै चितायके कही कै, “मेरे बारे में जि काऊ कूं मत बतईयों।”

ईसू कौ अपने मरवे के बारे में बताबौ

(मत्‍ती 16:21–28; लूका 9:22–27)

31बाई समै ते ईसू नें अपने चेलान कूं समझाबे सुरू करों मैं, “मनुस्‍य कौ बेटा” कूं भौत ते दुख सहने होंगे और बुजुर्ग और यहुदी पिरधान पुरोहितन और सास्त्रन कूं सिखाबे बारेन के द्वारा नकारों जावेगों और मार दियौ जावेगों और फिर तीसरे दिना मरे भयेन में ते जी उठेंगों। 32ईसू नें जि बात बिनते साफ-साफ कह दई जापै पतरस नें बाय अलग लै जायकै डांटकै कही, “पिरभू ऐसौ मत कहौ!” 33पर ईसू नें अपने चेलान की ओर मुड़ के देखौ और पतरस कूं फटकार के कही, “हे सैतान मेरे सामने ते दूर है जा चौंकि तू परमेस्‍वर की बातन कूं नांय पर आदमिन की बातन कूं सोचतै।”

34 # मत्‍ती 10:38; लूका 14:27 तब ईसू नें अपने चेलान के संग भीड़ कूं अपने जौरें बुलायौ और कही, “जो मेरे पीछे आयबो चाहबै बू खुद की इच्‍छा ते जीबौ छोड़ दैवे और मेरे पीछे चलवे काजै जा हद तक दुख उठावें कूं तईयार होबै कै अपने मरबे कीअऊ चिन्‍ता नांय करै। 35#मत्‍ती 10:39; लूका 17:33; यूह 12:25चौंकि जो अपने पिरान कूं बचाबैगौ बू बाय खो दैवेगों और जो कोई मेरे काजै और सुभ समाचार के काजै अपनों पिरान दैबेगौ बू बाय बचावेगों 36आदमीए जाते का लाभ, अगर बाय सबरौ संसार मिल जावें पर बू अपने पिरान कूं खो दैवे? हाँ बाय कछु लाभ नांय! 37चौंकि ऐसो कछु नांय जाय दैकै आदमी दुबारा अपनों पिरान पा सकै। 38और जो कोई परमेस्‍वर कूं नांय मानवे बारी जा व्यभिचारी और पापी पीढ़ी में मोते और मेरी सिछा ते लजावेगौं तौ मैं, ‘मनुस्‍य कौ बेटा’ जब पबित्र सुरग दूतन के संग अपने परम पिता की महिमा में दुबारा आऊंगौ तब बाते लजाऊंगो।”

Currently Selected:

मरकुस 8: BRAJ

Highlight

Copy