Chan 16
16
Chisʋs ʋt anonti nan im ai ithʋna ʋhleha ha̱ okla hʋt ilbʋshala chi̱ puta ka im anoli, 1: 7 mihmʋt nanuktalali, yʋmmʋt Shilombish Holitopa mak o̱ auet ima hi ʋt miha. 16 Falamʋt tani ha yʋt, ilapʋt i̱ nowʋt a̱ya pulla he im anoli; 23 ilap hohchifo pulla ho̱ Chihowa ha̱ nan isht im asilhha hokʋto im anumpa hʋt holitopa pulla hi a̱ miha.
1Ik hʋchi ibetʋblo ka he mak o̱, ilʋppa puta ka isht hʋchim anumpohonli li hoke.
2Sinakak puta ka okla a hʋchi kohchicha he; a̱hli, kʋna hosh hʋchibi hokmʋt, Chihowa ha̱ holitoblichi mak o̱ im ahoba he nitak ʋt mihinti hoke.
3Yohmi kʋt A̱ki, mikmʋt ʋno il ita‐tuklo ka ik pithano hatuk mak osh, ilʋppa puta ka hʋchi̱ yʋmihcha hi oke.
4Yohmi kia nitak yʋmmʋt ai ona hokma, yʋmmak oka hʋchim anoli li tok a̱ hʋsh ithana he mak o̱, ilʋppa puta ka hʋchim anoli li hoke. Yohmi kʋt ʋno ʋt hʋchi ta̱kla anta li hokʋt, nana ʋmmona hokʋno ilʋppa puta ka ak hʋchim acho ki tok oke.
5Yohmi tuk osh himonasi yokʋno auet sa kanchi tok mak o̱ falamʋt im ia la chi̱ hoke; yohmi na hʋsh kanima kia, Katima yo̱ ish ia chi̱ cho? achit hʋchik sa̱ ponakloshke.
6Amba ilʋppa puta ka hʋchim achi li kak o̱, nanu̱kha̱klo kʋt hʋchi chu̱kʋsh a̱ alotolishke.
7Yohmi kia a̱hli mak o̱ hʋch im anoli lishke. Ʋno ʋt ia li hok mak o̱ nan isht a hʋchim ʋlhpiesa chi̱ hoke; ʋno ʋt ia li keyu hokmʋno, nanuktalali ʋt hʋchim a̱ya he keyu: amba ia li hokmʋto, yʋmma auet hʋchi̱ kanchi la he mak oke.
8Yohmikma yʋmmak osh ʋlakmʋt, ai ashʋchika, micha nan ai ʋlhpiesa, mikmʋt nan‐ʋlhpisa aiena ka okla puta ka, anukfohkicha hi oke.
9Ʋno a̱ okla a̱ yimmi hatuk keyu hoka, nan im ai ashʋchi hatuk a̱ im otʋnihincha he;
10Ʋno ʋt A̱ki a̱ im ia li; yohmi na himmakma hʋch ik sa peso hatuk oka, nan ai ʋlhpiesa hatuk a̱ im otʋnihincha he:
11Yakni a̱ ai i̱ shahli hʋt nan im ʋlhpisa hatuk oka, nan‐ʋlhpisa ma im otʋnihincha hi oke.
12Na hʋchim achi la he yokʋto ʋm a̱sha moma akinli kia, himonasi okʋno yʋmmak oka hʋsh akostinincha he keyushke.
13Yohmi kia Shilombish a̱hli, yʋmmʋt ʋla hok mak osh, nan ai a̱hlika puta ma hʋch ithʋnancha hi oke; yʋmmak okʋt ilap nana aiahni hosh anumpula he keyu hokʋt; amba nana ho̱ haklo tuk mak osh mihi yo̱ anumpula hi oke; mikmʋt nana a kaniohma he puta ka hʋchim otʋnihincha hi oke.
14Yʋmmak okʋt ʋno ak o̱ ʋm ai ishi cha, hʋchim otʋnihincha hi okʋt, ʋno a̱ sa holitoblicha he mak oke.
15Nana moma A̱ki ʋt im a̱sha kʋt ʋmmi hoke; yohmi hatuk mak o̱, ʋno ak o̱ ʋm ai eshi cha hʋchim otʋnihincha he, hʋchim achi li tuk oke.
16Chekosikma hʋs sa pisa chi̱ keyushke; atukmʋt anonti A̱ki ak o̱ im ia li hatuk oka, chekosikma hʋs sa pisa hi oke, im achi tok.
17Yohmi ma nan im ai ithʋna ʋhleha kaniohmi kʋt, Chekosikma hʋs sa pisa chi̱ keyushke; anonti A̱ki a̱ im ia li hatuk oka, chekosikma hʋs sa pisa chi̱ hoka hʋpim achi ka, ilʋppak osh katiohmi hoh cho? ilap bi̱ka it im achit ma̱ya tok.
18Yohmi hatuk osh, Chekosikma, achi ilʋppʋt nanta hak oh cho? nana ho̱ miha ka kil im akostininchoshke, okla achi tok.
19Ilapa okla i̱ ponaklo bʋnna ka Chisʋs ʋt im ithana hatuk osh, Chekosikma hʋs sa pisa chi̱ keyushke: atuk osh anonti chekosikma hʋs sa pisa chi̱ oke, achi li tuk yʋmmak ash isht ai it im a ponaklot hʋsh ma̱ya cho?
20A̱hlishke, a̱hli mak o̱ hʋch im achi lishke; Hʋchishno yokʋto nishkin okchi mintit hʋsh yaha̱ya chi̱ hoke; yohmikma yakni ʋto na‐yukpa chi̱ hoke: mikma hʋchi nukha̱klo fehna he; yohmi kia na hʋchi nukha̱klo kash ot falamʋt isht a hʋchi yukpa hi oke.
21Ohoyo hʋt ʋlla in tonla chi̱kmʋt, hʋshi kanʋlli ʋlhpisa hʋt im ai ʋla hokʋt ilbʋsha hoke; yohmi tuk kia hatak osh tobʋt yakni a̱ ai ituyula ka, na yukpa kʋt, ʋlla yʋt in tola makinli hosh na palʋmmi tuk a̱ imi‐haksi hoke.
22Yohmi ka hʋchishno ʋt himonasi kʋno hʋch ilbʋshʋshke; yohmi kia himmakma hʋchi pisa la chi̱ akinli; yohmikma hʋchi chu̱kʋsh ʋt yukpa he, mikma na hʋchi yukpa ka hatak nana hosh ishit hʋchi̱ kancha wa.
23Mikma nitak yʋmma fehnakma nana kia hʋch ik sa̱ ponaklo ka hi oke. A̱hlishke, a̱hli mak o̱ hʋch im achi lishke, Ʋno a̱ hohchifo ho̱ nana ka A̱ki a̱ isht a hʋsh im asilhhakma, hʋch ima he mak oke.
24Ti̱kbʋt a mihinti hokʋno a̱ hohchifo ha̱ nana ka isht hʋch ik asilhho ke tuk; oh asilhhá; yohmikmʋt na hʋchi yukpʋt isht alotowa chi̱ ka, hʋsh habena he mak oke.
25Nana ilʋppa puta ka nan isht ʋlhpisa ho̱ isht hʋchim anumpuli lishke; yohmi kia himmakma nan isht ʋlhpisa ho̱ isht ak hʋchim anumpulo hosh, amba otʋninchi achukma hosh A̱ki a̱ isht a hʋchim anohonli la he nitak ʋt mihinti hoke.
26Nitak yʋmmak okʋno a̱ hohchifo ha̱ nan isht a hʋsh asilhha hi oke: yohmikma A̱ki a̱ hʋch isht im a ponaklo la hi oke; hʋchim achi li keyushke.
27Hʋchishno ʋt hʋs sa̱ hullo, mikmʋt Chihowa ak o̱ a kochʋt a̱ya li hatok a̱ hʋchi yimmi tuk: yohmi hatuk o̱ A̱ki ʋt ilapo akinli kʋt hʋchi̱ hullo hoka.
28A̱ki ak o̱ a kohchʋt a̱ya hosh yakni a̱ ʋla li tok osh; anonti yakni ash issʋt, A̱ki a̱ im ia li hoke, im achi tok.
29Nan im ai ithʋna ʋhleha hash ot, Inta! himak okʋno achukmalit isht pim anumpuli cha, nan‐isht ʋlhpisa ho̱ chik anumpuloshke.
30Nan oklu̱ha ka ish ithaiyana ka, hatak nana hosh nana ka a chim a ponakla hi o̱ keyu ka himak okʋno il akostininchishke; Chihowa ak o̱ a kohchʋt ish a̱ya tok pulla ka ilʋppak o̱ isht a pi yimmishke, okla im achi tok.
31Chisʋs ʋt afalaminchi mʋt, Himak ano okla hʋchi yimmi cho?
32Inta! hatak ʋt ilap in chuka aiyukali ka ai ita fimimpʋt ilap banochit hʋs sa̱ filʋmma chi̱ ka hʋshi kanʋlli ai ʋlhpisa kʋt mihinti tuk osh, anonti himak okʋno ai ona hoke; yohmi kia A̱ki ak osh si ahina hoka, ʋno ak illa he keyushke.
33Ʋno pulla ho̱ nana anuktanla ka hʋsh iesha he mak o̱, ilʋppa puta ka isht hʋchim anumpuli lishke. Yakni paknaka yokʋno na palʋmmi puta kʋt a hʋchim aiasha he; yohmi kia hʋchi nuktanla achukmashke; ʋno ʋt yakni a̱ imaiyachi li tuk oke, im achi tok.
Currently Selected:
Chan 16: CHH
Highlight
Share
Copy
Want to have your highlights saved across all your devices? Sign up or sign in
Published by the American Bible Society 1848-1886, reprinted 1913
