Chan 14
14
Chisʋs ʋt nan im ai ithʋna ʋhleha ha̱ pehlichit impʋt a̱sha moma hosh, api̱hʋt ʋba yakni a̱ ont okla a̱sha hi a̱, i̱ miha, 1; 13 micha ilap hohchifo hak o̱ nan isht asilhhʋt anumpuli hokʋno moma im aia̱hlicha hi ʋt miha. 15 Chisʋs ʋt nanuktalali inla auet ima hi ʋt miha.
1HĘ‹chi chu̱kĘ‹sh Ę‹t nana ik hĘ‹chi̱ kaniohmo kashke; Chihowa ha̱, oh i̱ yimmi cha, Ę‹no ma oh a̱ yimmĂ.
2A̱ki in chuka ya̱ aiasha yʋt laua hoke: ik yʋmohmo hatuk okma, hʋchim anoli la he tuk oke, aiasha ya̱ hʋchim apoksiachit atahli la chi̱ hosh ia li hoke.
3Yohmi kʋt ont apoksiachit hʋchim atahli li hokmʋt, anonti falamʋt ʋla lish, ʋno ʋt kanima yo̱ ai ahanta likma, hʋchishno mʋt yʋmmak o̱ hʋsh ai aha̱shwa hi a̱, ant hʋch ishit ai ʋtta li ka ona la hi oke.
4Yohmi hokʋt kanima yo̱ ia li hoka pit hʋsh ithana; mikmʋt hina ya̱ hʋsh ithanʋshke, im achi tok.
5Tamas ash osh, Chitokaka ma! kanima yo̱ ish ia hoka il ithana keyu: yohmi kʋt katiohmi hosh hina yano il ithana hinla cho? im achi tok.
6Mihma Chisʋs ash ot, Ʋno ak osh hina, micha ai a̱hlika, ai okcha̱ya aiena sia mak oke: ʋno ak o̱ keyukma hatak nana hosh A̱ki a̱ im ai ona he keyu hoke.
7Ʋno a̱ hʋs sʋthana hatuk okmʋt, A̱ki ma hʋsh ithana akinla he tuk oke: atuk kia hʋsh pi̱sa tuk okʋt himak ai ʋhlit ia hokʋno hʋsh ithaiyanʋshke.
8Filip ash osh, Chitokaka ma! Chi̱ki a̱ ish pi̱ haiakʋchashke, yohmikma pim ʋlhpesa hinla hoke, im achi tok.
9Mihma Chisʋs ʋt, Chi takla ahanta li̱ hopakit taiyaha ka, Filip ʋt chik sʋthano ki̱sha tuk oh cho? kʋna hosh ʋno a̱ sa pi̱sakmʋt, A̱ki a̱ pi̱sa hatuk; yohmi ka katiohmi ho̱, Chi̱ki a̱ ish pi̱ haiakʋchashke, ish achi cho?
10Ʋno ʋt A̱ki ibai acha̱fa likma, anonti A̱ki ʋt ʋno a̱ a sʋbai acha̱fa ka ik chi yimmo cho? anumpa hʋchim anumpohonli li kʋt ʋno akinli ʋm anukfila hosh anumpuli li keyushke; amba A̱ki sʋbai acha̱fa yʋmmak osh nana ka ai yʋmihchi hoke.
11Ʋno ʋt A̱ki a ibai acha̱fa likma, anonti A̱ki ʋt auet sʋbai acha̱fa ka hʋs sa̱ yimmashke; keyuk mak heto nana kʋt a kaniohmi tuk yʋmmak pulla kak o̱ isht ai hʋs sa̱ yimmashke.
12A̱hlishke, a̱hli mak o̱ hʋchim achi lishke, Kʋna hosh a̱ yimmikmʋt, ʋno nana ai yʋmihchi li tuk ash yʋmihchi akinla hi oke: yohmikmʋt ʋno ʋto A̱ki a̱ im ia li hatuk oka, nana kʋt a fehna ilʋppa puta ka i̱ shahli ho̱ yʋmihcha hi oke.
13Micha a̱ hohchifo pulla ho̱ nana ka isht hʋsh asilhha hokma, I̱ki ʋt Ushi a̱ ai isht a holitopa ai a̱hla hi a̱, mihi yo̱ yʋmihchi la hi oke.
14A̱ hohchifo pulla ho̱ nana ka isht hʋsh asilhha hokma, ai yʋmihchi la hi mak oke.
15Hʋs sa̱ hullo hokmʋt, ʋm anumpa ʋlhpisa puta ka hʋsh holitoblashke.
16Mikma A̱ki a̱ im asilhha likma, yʋmmʋt a hʋchi takla ahanta na bilia he mak o̱ hʋchi̱ nanuktalali inla ya̱ auet hʋch ima hi oke.
17Yʋmmʋt Shilombish ai a̱hli, yʋmmak oka yakni okʋto pi̱sa keyu, micha ithana keyu aiena hatuk osh, ahnincha he keyu mak oke; yohmi kia hʋchishno yokʋno hʋchi takla ahanta tuk osh, anonti hʋchi anukfoyuka chi̱ hoka hʋsh ithana hoke.
18Hʋchi ʋlhtakla ho̱ hʋch issʋt a̱ya la he keyu; hʋchim a̱ya la hi oke.
19Chekosikma yakni ʋt sa pisa chi̱ keyu hoke; amba hʋchishno ʋto hʋs sa pisa hi oke; yohmi ka sai okcha̱ya hoka, anonti hʋchi okcha̱ya he akinli hoke.
20Ʋno ʋt A̱ki a̱ ibai acha̱fa likma, anonti hʋchishno ʋt ʋno a̱ hʋs sʋbai acha̱fa na hʋchishno ma hʋch ibai acha̱fa li aiena ka, nitak yʋmma fehnakma hʋsh akostinincha hi oke.
21Kʋna hosh ʋm anumpa ʋlhpisa ʋt in tonla cha, holitobli hokmʋt, yʋmmak osh sa holitobli mak oke; micha kʋna hosh ʋno a̱ sa holitoblikmʋt, A̱ki ma i̱ holitopakma, ʋno mʋt holitoblit il im otʋninchi la hi oke.
22Chutas ʋt Iskaliot ak keyu hosh, Chitokaka ma! katiohmi ho̱ pishno ano ant ish pim ile haiakʋchi hokak osh, yakni ano chik im ile haiakʋcho ka chi̱ hoh cho? im achi tok.
23Chisʋs ʋt afalaminchi mʋt, Hatak ʋt a̱ hullo hokmʋt, ʋm anumpa ha̱ holitobla he; yohmikma A̱ki ʋt ilapo ma holitoblikma, il im a̱ya cha, il ibai ʋtta he mak oke.
24Ʋno a̱ a̱ hullo keyu hokʋto, ʋm anumpa ha̱ ik holitoblo hoke; micha anumpa ilʋppa hʋsh haiyaklo ka ʋm anumʋa keyu, amba auet sa kanchi tok A̱ki ak o̱ immi hoke.
25Hʋchi ta̱kla ahanta li ta̱kla hatuk mak osh ilʋppa puta ka isht hʋchim anumpohonli lishke.
26Yohmi kia nanuktalali, yʋmmʋt Shilombish Holitopa mak o̱ a̱ hohchifo pulla hatuk mak o̱ A̱ki ʋt auet kancha chi̱ hoka, yʋmmak osh nan oklu̱ha ka hʋch ithʋnanchit, nana ho̱ hʋchim ahanchi li tuk ma, moma falaminchit hʋchi anukfohka hi oke.
27Nanaiya ya̱ hʋchi̱ bohli lishke: a̱ nanaiya ya̱ hʋch ima lishke: yakni ʋt ima chatuk a̱ chohmi keyu ho̱ hʋch ima lishke. Hʋchi chu̱kʋsh ʋt ik kaniohmokmʋt, anonti ik nukshopo kashke.
28Ia li tukmʋt, anonti falamʋt hʋchim a̱ya la hi oke, hʋchim achi li ka hʋsh ha̱klo kʋno. Hʋs sa̱ hullo hatuk okmʋt, A̱ki ak o̱ im ia li hoke, achi li tuk a̱ na hʋchi yukpa he tuk; A̱ki ʋt ʋmaiya hatuk oka.
29Micha ont ai a̱hlikma, hʋsh i̱ yimma he mak o̱, himonasi ik ono ki̱sha ho̱ hʋchim anoli li tuk oke.
30Yakni ilʋppa ai i̱ shahli yatuk mʋt, nana ho̱ isht a si ahalaia keyu hosh minti hoka, himak a pilla mʋno hʋch it im anumpuli li fehna chi̱ keyu mak oke.
31Yohmi kia A̱ki a̱ holitobli li ka, yakni Ę‹t ithaiyana chi̱ ka, A̱ki Ę‹t nana ho̱ Ę‹m apihi̱sa tok a̱, mih mak o̱ yĘ‹mihchi li hoke. Ho wakayá, kiloh ilhkolĂ.
Currently Selected:
Chan 14: CHH
Highlight
Share
Copy
Want to have your highlights saved across all your devices? Sign up or sign in
Published by the American Bible Society 1848-1886, reprinted 1913
