Əgilye ƏTOŊ ADDƏVƏN
ƏTOŊ ADDƏVƏN
Iya Wəgilye tay va ənəh na, əmbata, ɗerewel van amsakək əboton wən an metiŋgin səddəv alabara net mə Israyelɗe aka zəga an dətoŋ məver wən nan addəv ɗereweləŋka, əmbat net mə Israyelɗe sə Eziptə təki məs assoŋ belemɗe. Ɗerewel vani awɗakək gəlan poɗo: (1) əppa net mə Yudeɗ səka balamə; (2) Ədaw malaka net hã gap aza gərəm na Sinay; (3) Wəsler na Maŋgəlva dit ɗiy nan aka gərəm na Sinay məs dəpsit maheŋziŋ nanziya də maɗɗula a walaŋ ziti gəm addəv əzba neti; (4) Wərəh təki də ərka gəla nakkam net mə Israyelɗe, gəm mahenziŋɗe dəwəl sit məsdəlveŋge gəm wəgagdakan Maŋgəlva.
Məday ki asna, ɗerewel van tay ərban an Maŋgəlva agəɗə, va abit ɗiy nan səka wəza na balam gəm aɗiy ka vanday məs dəsan də əɗɗum nawrah zəga abe.
Ɗəf məs dədəka naddəv ɗerewel van na Moyis iyi, ɗəf məs Maŋgəlva awel kawgilgit ɗiy nan sə Eziptə. An metiŋgin məsənən addəv ɗerewel van na ndəni mahenziŋɗe kəlawə (ƏGI 20:1-17).
Va muɗakani
Əgilye net mə Israyelɗe səka balam sə Eziptə (1:1—15:21)
a. Wəza na balam a Eziptə (1:1-22)
b. Uwa na Moyis gəm ətəŋ enziya (2:1—4:31)
d. May Moyis də Aron almaŋgək də Məlĩ na Eziptə (5:1—11:10)
e. Wəzləra na Pak gəm əmbat sə Eziptə (12:1—15:21)
Təŋ səza pehe net vəlarɗe hã aza mossorgo na Sinay (15:22—18:27)
Maheŋziŋ gəm əslere (19:1—24:18)
Gizlirke salala gəm ərba aka va adagagdakanən Maŋgəlva (25:1—31:18)
Israyel apələk wənmiyna də Maŋgəlva (32:1—40:38)
Currently Selected:
Əgilye ƏTOŊ ADDƏVƏN: GB
Highlight
Share
Copy
Want to have your highlights saved across all your devices? Sign up or sign in
All right reserved