Matí Injíl 24

XXIV. GÍSTCHAHÁRUMÍ BÁB.

1Yesu azẖ Huḏẖá‐log̱ẖá darkhapta, ráhá rawag̱ẖaṯẖ. Guḍá shágird áḵẖtag̱ẖant Huḏẖá‐log̱ẖ imárat pha shomdárag̱ẖá. 2Áṉhíá gwashta ki shá hawi thewag̱ẖe imárat na gindag̱ẖe? Ráste gálwar gushán ki roshe hacho bí, ki yak kohe koh chaka na koshti; thewag̱ẖe gardán bant.

3Yesu Haṯẖání Koh chaka nindag̱ẖaṯẖ, guḍá shágirdá chupkhuṯẖo áḵẖto gwashta ki Márá gwash, hawi hál kaḏẖeṉ bí? Nashk chih bí ki thau tharí khai? ki kiámat rosh nazík bí? 4Yesuá jawáv dáṯẖo gwashta ki shíwar bie, ki khase shuár ráh raḏẖ na khat: 5báze mard mai námá khánt, gushant ki Ma, Masíh án; bázánrá ráh raḏẖ khanant. 6Shuár hawi hál deant ki miránd bázant wa báz bant: hechi ma khane ki hawi hál mundo bí: dáíṉ kiámat niyáḵẖta: 7ki yak káme duhmí kám chaka lashkar zírt; yak tuman duhmí tuman chaka; handeá handeá kál de khafí, zamín de chandí. 8Hawi hál kishála shuru bí. Phaḏẖá shuár dukhi khanant, kushant. 9Mai nám sababá thewag̱ẖe tuman shai duzẖmanáí khanant. 10Guḍá báze mard be‐ímán bant; phawaṯẖáṉ dirog̱ẖ bandant, duzẖmanáí khanant. 11Báz dirog̱ẖe nabí de bant, báze mardár de ráh raḏẖ khanant. 12Hawi sángá de ki gunáh báz bí, báze mardání dil sárṯẖ bant. 13Marde ki mauṯẖ dáíṉ kábú bí, hawán bihishtá ro. 14Hawi whash hál thewag̱ẖe jiháná ashkhaní jí thewag̱ẖe tumanár sháhidí pha deag̱ẖá; guḍá kiámat khai.

15Phawakáṉ haḏẖeṉ ki ginde ki gandag̱ẖe makrúh (ki áṉhí hál Daniel nabíá dáṯẖa) pák handá kharo bíṯẖa (har khas ki parhí surphaḏẖ bí) 16guḍá mard ki Yahudíyá neáṉwáṉ bánt, áṉhán kohá gurkhant; 17mard ki márí chaka bí, án na írkhafí ki azẖ log̱ẖá chiye bárt: 18mard ki khishár neáṉwáṉ bí, án na thari ro ki phushti zírt. 19Zálání armáne hál bí ki dug̱ẖín bant, ki mishenoḵẖ bant. 20Shá duá loṭe ki na zawistáná, na sabt roshá, 21gurkhanag̱ẖ bí, ki hawán welá sakhia kishála bí, hawírge ki azẖ jahán paidaish roshá maroshí dáin mundo na bíṯẖa, wa mundo tharí na bí. 22Ar hawán rosh na ghaṭṯẖag̱ẖant, khase mard zindag̱ẖ na saráḵẖta; rástbáz mardom sángá ghaṭṯẖiá bant. 23Hawán waktá mard ki gushí ki hawoḏẖa Masíh asti, haweḏẖa Masíh asti, áṉhí gwashtí ma gire, 24ki dirog̱ẖe Masíh de dirog̱ẖe nabí de báz bant, mazáeṉ nashk de mujra de shomdeant, 25írge ki ar bioḵẖe hál bí, Huḏẖá álam ráh raḏẖ khanant. 26Shuár pheshá hál dáṯẖag̱ẖán. Phawakáṉ ar gushant ginde án barrá asti, ma darkhafe; ki ginde, án márí andará asti, gwashtí ma gire; 27cho ki giroḵẖ azẖ roshásáná khai, rosh‐írshafá dáín sahrá bí, írge de Ádam Bachh sahrá bí. 28Har handá ki mahar bí, hawoḏẖa dogaz much bant.

29Hawán rosh kishálá phaḏẖá yabará rosh tahár bí: shaf de mahḵẖán na bí, istar de azẖ ázmáná gardan bant, ázmáná kurzat loḍí. 30Guḍá Ádam Bachh nashk ázmáná sahrá bí, guḍá jihán thewag̱ẖe tuman armán bant, gindant ki Ádam Bachh ázmán jhurání chaka nishtiá, go shán wa shaukatá manág̱ẖe. 31Go turmá phajiá waṯẖí firishtag̱ẖán shashti; ki Huḏẖá álamar azẖ ázmán chahár chundá much khanant.

32Anjír drashk kissav bashkhane: haḏẖeṉ ki áṉhí shamb narm bí, wa táḵẖ darkhafí, surphaḏẖ bie ki ahár nazík biṯẖa; 33írge haḏẖeṉ ki hawi hál gire surphaḏẖ bie, ki án nazíkê, hau galoá nazíkê. 34Ráste gálwar gushán ki hawi álam, ki ní zindag̱ẖant, na mirant dánkho ki hawi hál phílav na bí. 35Ázmán de zamín de gár bant, mai gálwar mundo gár na bant. 36Thán welá, thán wajiá khai, Phiṯẖ sahíh asti; ṭhíh khasear kal nesti, na mardear, na firishtag̱ẖar. 37Cho ki Núh roshá bíṯẖa írge de tharí bí, waktá ki Ádam Bachh khai. 38Hawán roshá álam whard, whashí, sír, khanag̱ẖaṯẖant hawán rosh dáín, ki Núh jaház andará shuḏẖa; 39sahíh de na bíṯẖag̱ẖant dánkho ki tufáná áḵẖto buriṯẖaish: hacho bí waktá ki Ádam Bachh khai. 40Do mard khishárá nindant, ake girí jí, yake bilí jí. 41Do zál go jhatrá drushainant, yake girí jí, yake bilí jí. 42Hág̱ẖá bíe ki shá na záne ki Huḏẖáwand kaḏẖeṉ khai. 43Hawi gálwar shá záne ki ar log̱ẖ‐wázẖar kal bíṯẖa ki duz kaḏẖeṉ khai, an hág̱ẖá bíṯẖa, wa duz andará niyáḵẖta. 44Phawakáṉ shá de shíwar bíe ki waktá ki shá dihán na khane, Ádam Bachh khai. 45Hawán jawáeṉ siháral ṭhíh khaiê, ki áṉhí dastá wázẖáhá waṯẖí log̱ẖ bandbozẖ dáṯẖa ki thewag̱ẖe ṭhíhar nag̱ẖan dá? 46Mubárak ṭhíh haweshe ki áṉhiar log̱ẖ wázẖá, waktá ki khai, írge kár khanáná gindí. 47Ráste gálwar gushán waṯẖí thewag̱ẖe mál áṉhí dastá wázẖá dá. 48Sharí ṭhíh ki waṯẖí dilá gushí ki mai wázẖá der khat, ki waṯẖí sangati go laṭhá janag̱ẖá khafí, 49ki go gandag̱ẖe mardá whard khat, 50hawán ṭhih wázẖá khai rosheá ki ráh na gindí, waktá de ki na zání: 51wázẖá go laṭhá sakhia jat, go riyáí‐khanoḵẖá áṉhiar bahrá dá. Hawoḏẖa greant wa dathan drushainant.

Currently Selected:

Matí Injíl 24: BGPRMAT

Highlight

Copy