Matí Injíl 25

XXV. GÍSTPACHMÍ BÁB.

1Hawán roshá Huḏẖá ráj dah kaní wájá bi, ki áṉhání waṯẖí shaṉwál gipto sír‐wázẖá ráhá pha zindag̱ẖá darkhaptag̱ẖant. 2Pach kaní ganoḵẖaṯẖant, pach siháralaṯẖant. 3Áṉhání ki ganoḵẖaṯẖant waṯẖí shaṉwál gipto tel hachi goṉ na burṯẖa. 4Áṉhání ki siháralaṯẖant híran neáṉwáṉ go waṯẖí shaṉwálá tel burṯẖa. 5Sírwázẖáhá der khutha, guḍá whávo bíṯẖo waptag̱ẖant. 6Nem shafá gwánkh jaṯẖaish ki, sír wázẖá manág̱ẖe: beyáe ráhá pha gindag̱ẖá. 7Guḍá thewag̱ẖe kaníá hág̱ẖá bíṯẖo waṯẖí shaṉwál sambarain?-?thag̱ẖant. 8Ganoḵẖe kaníá siháral kaníár gwashta ki chiye tel márá de, ki mai shaṉwál thusag̱ẖant. 9Sihárale kaníá jawáv dáṯẖo gwashta ki nawáṉ mai sángá de shai sángá de gwas na bí: baroe azẖ bakhalá bhá gire. 10Pha girag̱ẖá shuḏẖag̱ẖant guḍá sír wázẖá áḵẖta. Áṉhání kaní ki sambaráí khuṯẖag̱ẖá go áṉhí phajiá sír‐whard sáṉgá márí andará shuḏẖag̱ẖant; wárdaf band bíṯẖa. 11Phaḏẖá thíh kaníá de áḵẖto gwashta ki yá Huḏẖáwand yá Huḏẖáwand mai sángá bozẖ. 12Jawáv dáṯẖo gwashtai, Ráste gálwar gushán ki shuár phaji niyárag̱ẖán; 13phawakáṉ hág̱ẖá bie ki shá na záne thán roshá, thán waktá khai.

14Írge marde thíh dehá rawag̱ẖaṯẖ, guḍá waṯẖí ṭhíhánrá gwánjtho áṉhání dastá waṯẖí mál dáṯẖai. 15Ya ṭhíhear pach hazár rupíá dáṯẖai, duhmiar do hazár dáṯẖai, seimiar yak hazár dáṯẖai, har khasear áṉhí taufíá dáṯẖai: guḍá waṯẖ shuḏẖa. 16Yabará mard, ki áṉhíá pach hazár rupía giptag̱ẖá, dáṯẖ gipt khanag̱ẖá shuḏẖa; guḍá thíh, pach hazár síṯẖ paidá bíṯẖa. 17Hacho de áṉhiar ki do hazár giptag̱ẖá, thíh do hazár síṯẖ paidá bíṯẖa. 18Mard, ki yak hazár giptag̱ẖá, kodiṯẖo waṯẖí wázẖá zar dig̱ẖárá gár khuṯẖa. 19Báze rosh phaḏẖá ṭhíhání wázẖá áḵẖto áṉhání lekhav khuṯẖa. 20Mardá ki pach hazár rupía giptag̱ẖá áḵẖto thíh pach hazár ártho gwashta ki, Wázẖá mani, thau mai dastá pach hazár rupía dáṯẖa, gind, thíh pach hazár síṯẖ giptag̱ẖán. 21Wázẖáhá gwashta ki Shábásh, thau jawáeṉ wa asíle ṭhíhê, kame chí lekhavá thau asíl bíṯẖag̱ẖai, ma báze chí thai dastá deán. 22Thau waṯẖí wázẖá whashí neáṉwán sharík bí. Guḍá mardá ki do hazár giptag̱ẖá áḵẖte gwashta ki, Wázẖá mani, thau mai dastá do hazár rupía dáṯẖa; gind, thíh do hazár síṯẖ giptag̱ẖán. 23Wázẖáhá gwashta ki, Shábásh thau jawáeṉ wa asíle ṭhíhê. Kame chí lekhavá thau asíl bíṯẖag̱ẖai, ma báze chí thai dastá deáṉ. Thau waṯẖí wázẖá whashí neáṉwáṉ sharík bí. 24Mardá de ki yak hazár giptag̱ẖá áḵẖto gwashta ki, Wázẖá mani, ma zánṯẖa ki thau múzíe marde, thau roni hawán handá ki thau bij na khishta; 25thau much khanai hawán handá ki na rekhta; hawi sángá ma tursiṯẖa, thai zar dig̱ẖárá khuṯẖag̱ẖán. Gind, thai zar haweshê. 26Wázẖáhá jawáv dáṯẖo gwashta, thau gandag̱ẖe wa lag̱ẖore ṭhíh, thau zánṯẖa ki ma ronán hawán handá ki na khishtag̱ẖán, much khanán hawán handá ki na reḵẖtag̱ẖáṉ. 27Phawakáṉ thará hachoê kár khanag̱ẖí bíṯẖa ki mai zar sarráf dastá deai, ki ma khán waṯẖí zar go síṯẖá girán. 28Phawakáṉ hazár rupiá bare, áṉhiar de ki gwar áṉhí dah hazárant, 29ki mardear ki gwar áṉhí chiye asti, dá jí; gwar áṉhí báz bí: mardear ki gwar áṉhí hechi nesti, har chi ki bí, barí jí. 30Gandag̱ẖe ṭhíh tahárá dará khashe: hawoḏẖa greant wa dathan drushainant.

31Waktá ki Ádam Bachh khai, go firishtag̱ẖáná phajiá, guḍá waṯẖí shán o shaukatá taḵẖt chaka nindí, 32áṉhí dem̱vá thewag̱ẖe tuman much bant; áṉháṉrá khard khat hawírge ki pahnwál mesh azẖ buzá khard khat. 33Mesh ráste dastá niyáḏẖí, buz chappe dastá. 34Guḍá bádsháh gushí áṉháṉrá ki áṉhí ráste dastá koshtant, beyáe mai Phiṯẖ mubárak álam, bádsháhat gire ki áṉhiar shai sáṉgá azẖ jihán paidaish roshá Huḏẖá sambarainṯẖa, 35ki ma shuḏẖíg̱ẖatháṉ, shá maná nag̱ẖan dáṯẖa; thuníg̱ẖaṯẖáṉ shá maná áf dáṯẖa; hamsayag̱ẖaṯẖáṉ shá maná waṯẖí log̱ẖá ártha: 36kíndaraṯẖáṉ mai jindar jar dáṯẖa, náduráh bíṯẖag̱ẖán, shai gálí bíṯẖa, kaizi bíṯẖag̱ẖáṉ, gwar má áḵẖtag̱ẖe. 37Guḍá rástbáze mard jawáv deant wázẖá, má kaḏẖeṉ thará shuḏẖí díṯẖo, nag̱ẖan dáṯẖa? 38kaḏẖeṉ thuní díṯẖo áf dáṯẖa? kaḏẖeṉ thará hamsayag̱ẖ díṯẖo waṯẖí log̱ẖá árthag̱ẖún? kíndar, thai jindá jar dáṯẖag̱ẖún? 39Kaḏẖeṉ thara náduráh, kaizi díṯẖo thai gurá áḵẖtag̱ẖún. 40Bádsháh jawáv dá ki, shuár ráste gálwar gushán, pachi ki shá yak bráṯẖ sángá hacho khuṯẖa, mai sángá khuṯẖa. 41Guḍá gushí áṉhánrá ki chappe dastá koshtant azẖ má dír baroe, yá gandag̱ẖe mard, hawán jamárá ás neáṉwáṉ ki shaitán wá áṉhí firishtag̱ẖání sángá sambaraintha: 42ki ma shuḏẖíg̱ẖaṯẖáṉ, shá maná nag̱ẖan na dáṯẖa; thunig̱ẖaṯẖáṉ, áf na dáṯẖa; 43hamsayag̱ẖaṯẖáṉ, log̱ẖá niyártha, kíndar, mai jindá jar na dáṯẖa, náduráh wa kaizi bíṯẖag̱ẖáṉ, gálí na bíṯẖa. 44Jawáv deanti ki, wázẖá, kaḏẖeṉ má thará shuḏẖí, thuni, hamsayag̱ẖ, kíndar, náduráh, kaizi díṯẖo thai khizmat na khuṯẖag̱ẖúṉ? 45Jawáv dá, ráste gálwar gusháṉ, pachi ki shá yak bráṯẖ sángá hacho na kuṯẖa, ki áṉ azẖ thewag̱ẖe kastarê, mai sángá na khuṯẖag̱ẖe. 46Hawi mard jamárá shazá zírant; rástbáz mard jamárá zindag̱ẖ bant.

Currently Selected:

Matí Injíl 25: BGPRMAT

Highlight

Copy