Matí Injíl 23

XXIII. GÍSTSEIMÍ BÁB.

1Guḍá Yesuá ummatar de waṯẖí shágirdar de gwashta, ki shara‐likhoḵẖ de Farísí de Músá handá nindant. 2-3Hawi sángá har chi ki gushant, shá gwashtí gire, hacho khane: áṉhání kár wájá kár ma khane, ki gálwar khanant, kár na khanant. 4Hau: sakhia giráne bár ki áṉhánrá zírag̱ẖ mushkile, mardání khofag̱ẖ chaka írkhanant, go waṯẖí murdánag̱ẖá na zírant. 5Waṯẖí thewag̱ẖe kár khanant, ki mardom dem̱vá soád bí: waṯẖí táwíz phráh khanant, waṯẖí jar kinárá drázẖ khanant. 6Whard warag̱ẖ welá jawáen hand loṭant, 7nawásh‐log̱ẖá pheshí kursí, bázárá salám, hawi gálwar de pholkhanant ki mardom áṉhánrá Rabbi gushant. 8Shuár Rabbi khase na khat ki shai Hádí asti: shá de thewag̱ẖe bráṯẖant. 9Hawi jiháná de khase mardar waṯẖí phiṯẖ ma khane ki shai Phiṯẖ yak asti ki bihishtá asti. 10Shuár khase wázẖá na khat ki shai Wázẖá yak asti, Masíh. 11Marde ki shai neáṉwáṉ azẖ thewag̱ẖe mardá mazan bí, án shai ambráh bí. 12Har khas ki waṯẖar mazan khat, kisán bí: har khas ki waṯẖar kisán khat, mazan bí.

13Shuár armáne hál bí, yá shara‐likhoḵẖ wa Farísí, riyáí khanoḵẖ, ki mardom dem̱vá shá bihisht band khane: 14shá waṯẖ andará na rawe, marde ki andará rawant, áṉhánrá bile na de.

15Shuár armáne hál bí, yá shara‐likhoḵẖ wa Farísí, riyáí khanoḵẖ, ki thewag̱ẖe jiháná shá íngo ángo rawe yak marde waṯẖí dín neáṉwáṉ pha árag̱ẖá: haḏẖeṉ ki káre, dozẖakk bachh azẖ shá whár bí.

16Shuár armáne hál bí, khore sohav, ki gushe mard ki Huḏẖá‐log̱ẖ saug̱ẖan zirt, áṉhí saug̱ẖan hechi na bí: mard ki Huḏẖá‐log̱ẖ tangav saug̱ẖan zirt hawán saug̱ẖan phílav khanag̱ẖ garz bí. 17Yá gandag̱ẖe wa khore mard, chih mastarê, tangav, ki Huḏẖá‐log̱ẖ, ki taugavar pák khat? 18Mard ki kurbánhand saug̱ẖan zirt, áṉhí saug̱ẖan hechi na bí: mard ki naḏẖar saug̱ẖan zirt ki áṉhí chaka chaṛhṯẖa, hawán saug̱ẖan phílav khanag̱ẖ garz bí. 19Yá khore mard chih mastarê, naḏẖar, ki kurbán‐hand ki naḏẖar pák khat? 20Phawakáṉ mard ki kurbán‐hand saug̱ẖan zirt, áṉhí de thewag̱ẖe chí de ki áṉhí chaka bant, saug̱ẖan zirt: 21mard ki Huḏẖá‐log̱ẖ saug̱ẖan zirt, áṉhí de áṉhí neáṉwáṉ nindoḵẖ de saug̱ẖan zirt. 22Mard ki ázmán saug̱ẖan zirt, Huḏẖá taḵẖt de áṉhí chaka nindoḵẖ de saug̱ẖan zirt.

23Shuár armáne hál bí, yá shara likhoḵẖ wa Farísí, riyáí khanoḵẖ, ki mál hairáṯẖ misála dáín de; shara mazan gálwar, insáf, rahm, ímán, shá ishto dáṯẖa: hawán kár khanag̱ẖ ta jáizê, hawi kár ilag̱ẖ deag̱ẖ jáiz na. 24Khore sohav, shá ki phurí pulaine, lerav lore.

25Shuár armáne hál bí, shara likhoḵẖ wa Farísí, riyáí khanoḵẖ, ki thálí wa híran dara suthri khane, andará azẖ júfá wa náhakká phurant. 26Ya khore Farísí, pheshá thálí wa híran andará suthri khane ki dará de suthri bant.

27Shuár armáne hál bí, shara‐likhoḵẖ wa Farísí, riyáí khanoḵẖ, ki shá saweṯẖe ziárat wájá aste, ki sahraiyá sharrant, andará azẖ murthag̱ẖání haḍḍá wa nápákíá phurant. 28Írge shá sahraiyá rástbáze, shai dil azẖ riyáíá de sharíá de phurant.

29Shuár armáne hál bí, shara‐likhoḵẖ wa Farísí, riyáí khanoḵẖ ki nabiání ziyárat shá jorene, rástbáz mardání gor sambaraine; 30gushe ki ar má waṯẖí phirokhání roshá bíṯẖag̱ẖún, nabíání hon neáṉwáṉ go áṉhání phajiá sharík na bíṯẖag̱ẖún. 31Phawakáṉ shá sháhid bíṯẖag̱ẖe ki má áṉhání bachhún ki áṉhání nabíáṉrá kushta. 32Waṯẖí phirukhání kach phílav khane. 33Yá már, yá márání bachh, cho azẖ dozẖakk shazá waṯẖí jindánrá darbare. 34Phawakáṉ ma shai nem̱g̱ẖá nabí wa dánáí‐mard wa shara likhoḵẖ shashtán; kharde shá khushe, súlí de; kharde go laṭhá jane waṯẖí nawásh‐log̱ẖá; 35shahr ba shahr kishálá khane ki shai chaka thewag̱ẖe hoṉ khai azẖ rástbáz Hábil waktá Zakariyáh, Barakiyáh bachh, dáín ki shá áṉhíar kushta Huḏẖá‐log̱ẖ wa kurbán‐hand neáṉwán. 36Ma shuár ráste gálwar gushán ki hawi thewag̱ẖe hál hawi rosh mardar bí.

37Yá Yarusalam, yá Yarusalam, thau ki nabíánrá kushí; mardar go kohá jani ki áṉhánrá Huḏẖá shashtáṯẖa; báz bároá mai marzí bíṯẖa, ki thai bachh much khanán cho ki kukkar waṯẖí bachh much khat waṯẖí pharání chíra; shá manzúr na khuṯẖa. 38Shai log̱ẖ shai sángá wírán ishto dáṯẖa. 39Ma gushán ki sheḏẖ‐phaḏẖá shá maná na ginde dánkho ki na gushe, Mubárak haweshê ki Huḏẖáwand námá manág̱ẖe.

Currently Selected:

Matí Injíl 23: BGPRMAT

Highlight

Copy