Matí Injíl 22
22
XXII. GÍSTDUHMÍ BÁB.
1-2Yesuá jawáv dáṯẖo kissav gálwar gwashta ki Huḏẖá ráj bádsháhe wájá asti, ki bachh sír welá whard khuṯẖo, waṯẖí ṭhíh shashtáṯẖa mard pha gwánjnag̱ẖá, 3ki áṉhánrá kándha dáṯẖa. 4Guḍá áṉhání marzí neaṯẖ ki má kháún. Thíhbare thíh ṭhíh shashtáṯẖo gwashtai, ki whard taiyár khuṯẖa; waṯẖí káhir de lándav mesh de kushainṯẖag̱ẖant; hamchí taiyár khuṯẖa; Sírá beyáe. 5Guḍá hawán mardá hawi gálwar hachi na khuṯẖa; har khasá waṯẖí kár khuṯẖa: 6khardeá khishár, khardeá sauḏẖágarí khuṯẖa; khardeá de áṉhí ṭhíh gipto badi khuṯẖo kushtag̱ẖant. 7Guḍá bádsháhá zahr gipto lashkar zurtho, áṉhání chaka shashtáṯẖa. Hawán hon‐khanoḵẖá kushto áṉhání shahr soḵẖtai. 8Guḍá waṯẖí ṭhíhánrá gwashtai ki sír ta taiyár asti, hawán mard sír wájá na bíṯẖag̱ẖant ki áṉhánrá kándho dáṯẖag̱ẖán. 9Phawakáṉ baroe saraká, ikkar mard ki ráhá tret khánt, áṉhánrá sír kándho de. 10Guḍá hawán ṭhíhá shuḏẖo saraká, thewag̱ẖe mard gandag̱ẖe de jawáeṉ de, ki ráhá tret áḵẖtag̱ẖant, much khuṯẖag̱ẖant, janj báz bíṯẖa. 11Bádsháhá áḵẖto janj pha gindag̱ẖá, díṯẖa ki yak marde asti ki waṯẖí jindar sír jar na khuṯẖa; 12gwashtai ki Yár mani, thau waṯẖí jindar sír jar na khuṯẖai pachi eḏẖa áḵẖtag̱ẖai? Mardá chup khuṯẖa. 13Mardá chup khuṯẖa. Guḍá bádsháhá waṯẖí ṭhíhánrá gwashta ki, áṉhí dastá de pháḏẖá de bande; dará tahár neáṉwáṉ phirení; hawoḏẖa greant wa dathan drushainant, ki báze mardánrá kándho bíṯẖa; 14Huḏẖá kame dost khuṯẖa.
15Guḍá Farísíá shuḏẖo saláh khuṯẖa ki áṉhíar chachho ráh raḏẖ khanún? 16Áṉhí gurá waṯẖí shágird go Herodíá phajiá shashtáṯẖag̱ẖant: guḍá gwashtaish ki, má zánún ki thau rástai, wa Huḏẖá ráh sohavai, wa khase mardear hechi na khanai, ki thau sahrá hál áb na khanai; 17márá gwash, thau dilá dihán chih khanai. Kaisarar mahsúl deag̱ẖ rawáe karên ki na? 18Yesuá áṉhání gandag̱ẖe dil surphaḏẖ bíṯẖo gwashta ki maná mahsúl zar shom de. 19Yak habásí arthaish. 20Áṉhánrá gwashtai ki hawi mohr wa rang khaig̱ẖe? 21Jawáv dáṯẖaish Kaisar mohre. Guḍá gwashtai ki har chi ki Kaisar mál bí, Kaisarar de; har chi ki Huḏẖáig̱ẖe, Huḏẖár de. 22Hawi gálwar ashkhuṯẖo hairán bíṯẖag̱ẖant, guḍá áṉhíar ishto dáṯẖo, shuḏẖag̱ẖant.
23Hawán roshá Sadúkí áṉhí gurá áḵẖtag̱ẖant, ki áṉhán gushant ki kiámat hechi na bí. 24Pholkhuṯẖo gwashtaish ki Wázẖá, Musá gwashta ki marde ki mirí wa áṉhí bachh khas na ví, guḍá áṉhí bráṯẖ, go áṉhí zálá sír khat, ki waṯẖí bráṯẖ sángá bachh paidá khat. 25Mai dehá hapt bráṯẖaṯẖant: pheshí bráṯẖ sir khuṯẖo murtho shuḏẖa: bachh khas paidá na bíṯẖa, hawi sángá waṯẖí zál waṯẖí bráṯẖ dastá dáṯẖa. 26Írge de duhmiá khuṯẖa, írge de seimiá khuṯẖa haptamí dáín. 27Phaḏẖá zál de murtho shuḏẖá. 28Kiámat roshá hawi zál thán mard zál bí, ki go áṉhí phajiá thewag̱ẖe haptá sír khuṯẖag̱ẖá. 29Yesuá áṉhánrá jawáv dáṯẖo gwashta ki shá raḏẖ khane pachi ki kitáv de Huḏẖá kurzat de surphaḏẖ na bíṯẖag̱ẖe. 30Kiámat rosh phaḏẖá sír na khanant; firishtag̱ẖání wájá bant, ki bihishtá astant. 31Shá kiámat gálwar niyashkhuṯẖa ki Huḏẖá gwashta, ki Ibrahím Huḏẖá, 32Ishák Huḏẖá, Yakúb Huḏẖá manán? Huḏẖá murthag̱ẖání Huḏẖá nesti; zindag̱ẖání Huḏẖá asti. 33Ummat ashkhuṯẖo, hawi gálwar sababá hairán bíṯẖag̱ẖant.
34Farísíá ashkhuṯẖa ki áṉhí gálwar sababá Sadúkí chup bíṯẖag̱ẖant, guḍá much bíṯẖag̱ẖant. 35Guḍá yak mardeá ki shara‐bur aṯẖ ázmainag̱ẖá pholkhuṯẖa, 36ki wázẖá, shara neáṉwáṉ azẖ thewag̱ẖe hukmá thán hukm mastarê? 37Gwashtai ki thau azẖ waṯẖí thewag̱ẖe dilá, azẖ waṯẖí thewag̱ẖe jáná, azẖ waṯẖí thewag̱ẖe aklá Huḏẖáwand waṯẖí Huḏẖár dost khan. 38Pheshí de mazan de hukm haweshê. 39Duhmí hukm hawi wájá de asti ki cho ki thau waṯẖí jindar dost khanai, írge de waṯẖí hamsáyag̱ẖar dost khan. 40Hawi do hukm chaka shara de nabí gálwar de maukúfant.
41Waktá ki Farísí much bíṯẖag̱ẖant Yesuá pholkhuṯẖa, ki Masíh sará shá chih dihán khane? 42Án khaí bachhe? Gwashtaish Dáúd bachhê. 43Gwashtai ki Guḍá Dáúd pachi Rúh madadá ánhiar Huḏẖáwand gwashta ki
44Huḏẖáwandá mai Huḏẖáwandar gwashta,
Thau mai ráste dastá nind,
Dánkho ki thai duzẖman thai pháḏẖ buná írkhanán?
45Dáúd áṉhiar Huḏẖáwand gwashta, guḍá chacho áṉhí bachh bí. 46Khaseá áṉhiar gálwar hechi khuṯẖa na khuṯẖa: sheḏẖ phaḏẖá khaseá hechi na pholkhuṯẖa.
Currently Selected:
Matí Injíl 22: BGPRMAT
Highlight
Share
Copy
Want to have your highlights saved across all your devices? Sign up or sign in
Published in 1884 for the Punjab Bible Society.
