Matí Injíl 21

XXI. GÍSTYAKUMÍ BÁB.

1Yerusalam nazík Baitfagá neáṉwáṉ Haṯẖání Kohá áḵẖtag̱ẖant; guḍá Yesuá do shágird shashtáṯẖo gwashta ki halká, 2ki shai dem̱vá asti, baroe, hawoḏẖa yak khare, ki go áṉhí phajiá khurag̱ẖe bí, bastiá shai dastá khai, bozẖish, eḏẖa mai sángá beyárish. 3Ar khase mard shuár gálwar khat, áṉhiar gushe ki Huḏẖáwand sángá pakarant: yabará shashti. 4Hacho bíṯẖa ki gálwar, ki nabiá gwashta, phílav bí ki

5Saihún jannikhar gushe,

Thai bádsháh thai gurá manág̱ẖe,

G̱ẖarív, khare chaka avzare,

Khar khurag̱ẖe chaka avzare.

6Shágirdá shuḏẖo cho ki Yesuá hukm dáṯẖa írge khuṯẖa. 7Khar de khar khurag̱ẖ de ártho áṉhání chaka waṯẖí jar irkhuṯẖa. 8Guḍá Yesu áṉhání chaka nishta. Báze ummatá waṯẖí jar ráh neáṉwán irkhuṯẖa 9Ummatá, ki dem̱vá phaḏẖá rawag̱ẖaṯẖant, gwánkh jaṯẖa ki Dáúd Bachhar Hoshanna; mard ki Huḏẖá námá manág̱ẖe, mubárak haweshê, áṉhiar ázmáná Hoshanna. 10Yerusalam neáṉwán áḵẖtag̱ẖe guḍá shahr thewag̱ẖe mardá hairán bíṯẖo gwashta ki Hawi mard khaie? 11Ummatá jawáv dáṯẖa ki Nabí haweshê ki azẖ Násaratá áḵẖta ki Jalíl dehá asti.

12Guḍá Yesu Huḏẖá‐log̱ẖ andará shuḏẖo thewag̱ẖe mard khashtag̱ẖant ki hawoḏẖa dáṯẖ gipt khanag̱ẖaṯẖant; sarrá?-?fání taḵẖt de sháṯẖlo shawashkoḵẖ kursí de gardan khu?-?ṯẖag̱ẖanti. 13Gwashtai ki kitává írge likhṯẖa, ki mai log̱ẖ nawásh log̱ẖ bí; shá áṉhiar duzání hand khuṯẖa. 14Guḍá khore mard de lang mard de Huḏẖá‐log̱ẖá áṉhí gurá áḵẖtag̱ẖant: áṉhánrá duráh khuṯẖai. 15Sardar káhiná de shará likhoḵẖá de díṯẖa ki mujra shomdáṯẖa, ki Huḏẖá‐log̱ẖá bulu gwánkh janag̱ẖaṯẖant, 16ki Dáúd Bachhar Hoshanna, guḍá sakhia zahr gipto gwashta ki thau ashkhan?-?ag̱ẖai chih gushag̱ẖant? Yesuá gwashta, hau, shá mundo na paṛhṯẖa ki chukh de gwar‐mishoḵẖ de jawánig̱ẖá galáant? 17Guḍá ishto dáṯẖaish. Azẖ shahrá darkhapto Bait?-?aniya neáṉwáṉ shuḏẖo, hawoḏẖa shafá nishta.

18-19Bánghá shahrá rawag̱ẖaṯẖe, guḍá shuḏẖí bíṯẖa. Ráh kandeá anjíre drashk díṯẖo áḵẖto tháḵẖ gipta, mewa hechi na. Drashkar gwashtai ki sheḏẖ phaḏẖá thau mewa mundo na beyár. Hawán drashk yabará hushk bíṯẖa. 20Shágirdá díṯẖo hairán bíṯẖo gwashta ki yabará anjír drashk chacho hushk bíṯẖa? 21Yesuá jawáv dáṯẖo gwashtai ki Shai ímán mazan bí wa dilá shakk ma khane, guḍá sirf hawi kár ki anjír drashk sará khuṯẖag̱ẖán, shá na khane; ziáḏẖag̱ẖ khane, ki hawi kohar gushe ki, baro dirrá neáṉwán gardan bí, hacho bí. 22Ímán dáre guḍá har chi ki duá neáṉwáṉ loṭe, shai dastá khai.

23Huḏẖá‐log̱ẖá áḵẖtag̱ẖe. Waktá ki sikhálag̱ẖaṯẖ, sardar káhiná de álam buzurgá de áṉhí gurá áḵẖto pholkhuṯẖa ki hawi kár khanag̱ẖ thai dastá chom̱ bíṯẖa? khaiá thai dastá dáṯẖa? 24Yesuá jawáv dáṯẖo gwashtai ki ma de azẖ shá chiye pholkhanán; aulá maná jawáv de, guḍá ma shuár gushán kháíá hawi kár mai dastá dáṯẖa. 25Yuhanná baptisma azẖ kho gipta? azẖ ázmáná, ki azẖ mardomá giptai? Phawaṯẖáṉ saláh khuṯẖa, ki ar má gushún azẖ ázmáná guḍá gushí shá pachi áṉhí gwashtí na gipta? 26Ar má gushún azẖ mardomá, guḍá azẖ ummatá tursún ki thewag̱ẖe álam Yuhannar nabí zánant. 27Yesuar jawáv dáṯẖa ki má sahíh neún. Áṉhiá de gwashta ki, írge ma shuár na gushán kháiá mai dastá hawi kár dáṯẖa. 28Shá dilá chih dihán khane? Yak marde do bachhaṯẖant: yak bachh nem̱g̱ẖá áḵẖto gwashtai ki Bachh mani, baro, maroshe mai angúristán neáṉwáṉ kár khan. 29Áṉhiá jawáv dáṯẖo gwashtai, ma na rawán. 30Phaḏẖá armán bíṯẖo shuḏẖa. Guḍá ipti bachh nem̱g̱ẖá áḵẖto hawírge gálwar khuṯẖai, Áṉhiá jawáv dáṯẖo gwashta, ma rawán, Abbá, guḍá na shuḏẖa. 31Har do bachh neáṉwáṉ kháiá waṯẖí phiṯẖ marzí phílav khuṯẖa? Álamá gwashta ki Pheshi bachh. Yesuá gwashta ki shai sará mahsúl‐giroḵẖ de kanjarí de bihisht andará rawant: 32ki Yuhanná jawáeṉ kár khanáná áḵẖta, shá ímán na khuṯẖa: mahsúl giroḵẖá de kanjaríá de ímán khuṯẖa: shá, haḏẖeṉ ki hacho díṯẖag̱ẖaṯẖe, tauvá na khuṯẖa ki áṉhí chaka ímán dáre.

33Thih kissave bashkhane: log̱ẖ‐wázẖáhe aṯẖ ki angúristán ruḏẖenṯẖa, har phalwá kande jorenṯẖa, áṉhí neáṉwáṉ de sharáb hand, wa thul jorenṯẖa. Guḍá ráhákánrá go bahrá dáṯẖo, díre dehá shuḏẖa. 34Mewa mausim nazík áḵẖta, guḍá ráhákání nem̱g̱ẖá waṯẖí ṭhíh shashtáṯẖag̱ẖanti ki mewa girant. 35Ráháká ṭhíh gipto, kharde go laṭhá jaṯẖag̱ẖant, kharde kushtag̱ẖant, kharde kohá jaṯẖag̱ẖant. 36Thíbare báz ṭhíh shashtáṯẖag̱ẖantí. Hawírge hál de áṉhánrá bíṯẖa. 37Phaḏẖá waṯẖí bachh shashtáṯẖo, gwashtai ki mai bachh áb khanant. 38Ráháká bachh díṯẖo, phawaṯẖáṉ saláh khuṯẖa ki wáris haweshe: beyáe, kushúní, mírás girún. 39Áṉhiar gipto azẖ angúristáná khashto kushta. 40Haḏẖeṉ ki angúristán wázẖá khai, hawán ráhákánrá chom bí? 41Álamá gwashta ki hawán gandag̱ẖe mardánrá kushí thíh ráhákánrá angúristáná go bahrá dá ki mewa mausimá mewa deant. 42Yesuá gwashta ki shá kitává mundo na paṛhṯẖa ki

Koh ki lohárar whash na bíṯẖa,

Hawán koh chund sará bíṯẖa,

Hawi kár Huḏẖá dastá bíṯẖa,

Áṉhi sababá má hairán bíṯẖag̱ẖún.

43Phawakáṉ shuár gushán ki Huḏẖá waṯẖí ráj azẖ shai dastá bárt, thíh siyálánrá dá ki áṉhí mewa deant. 44Mard ki hawi koh chaka khafí, phrushí: mard ki áṉhí chaka hawi koh khafí, áṉhiar háḵẖ wájá reshí. 45Sardar káhiná de Farísíá de hawi gálwar ashkhuṯẖa guḍá surphaḏẖ bíṯẖag̱ẖant ki mai sará hawi gálwar gwashtai. 46Áṉhání marzí bíṯẖa ki áṉhíar waṯẖí dastá girún; azẖ ummatá tursiṯẖag̱ẖant pachi ki áṉhiar nabí zánṯẖa.

Currently Selected:

Matí Injíl 21: BGPRMAT

Highlight

Copy