Matí Injíl 20

XX. GÍSTUMÍ BÁB.

1Huḏẖá ráj log̱ẖ‐wázẖá wájá asti ki roshtiká darkhapta waṯẖí angúristán sángá phoriátí pha gwánjnag̱ẖá. 2Go phoriátíá yak yak páe manzúr khuṯẖo waṯẖí angúristán neáṉwáṉ shashtáṯẖai. 3Phagená darkhapto, ganjá thíh mard bekár nishtiá díṯẖai. 4Áṉháṉrá gwashtai Shá de mai angúristán neáṉwáṉ baroe phoriá ki jawán bí shuár deáni. 5Guḍá shuḏẖag̱ẖant. Thíbare nermoshá de burzá peshíná de darkhapto hacho khuṯẖai. 6Jahl peshíná de darkhapto thíh mard bekár nishtiá díṯẖo gwashtai, ki pachi thewag̱ẖe roshá haweḏẖá bekár nindag̱ẖe? 7Gwashtaish pachi ki khaseá márá gwánkh na jaṯẖa: Gwashtai ki Shá de angúristán neáṉwaṉ baroe. 8Begáh bíṯẖa, guḍá angúristán?-?wázẖáhá waṯẖí munshíar gwashta ki phoriátiá gwánjh de; pheshá áṉháṉrá ki phaḏẖá áḵẖtag̱ẖant phoríá de, phaḏẖá áṉháṉrá ki pheshá áḵẖtag̱ẖant. 9Hawán mardá ki jahl peshíná wázẖáhá gwánjṯẖa áḵẖto yak yak páe gipta. 10Guḍá hawán mardá ki aulá gwánjṯẖai áḵẖtag̱ẖant, dihán khuṯẖaish, ki má ziáḏẖag̱ẖ girún. Guḍá áṉhání de hawírge yak yak páe gipta. 11Áṉhání gipto log̱ẖ‐wázẖáhar chug̱ẖal dáṯẖo gwashta ki, 12Hawi mardá ki phaḏẖá áḵẖtag̱ẖant kame kár khuṯẖa; thau áṉháṉrá baráware phorí dáṯẖa; má thewag̱ẖe roshá kár khuṯẖa. 13Yakear jawáv dáṯẖo gwashtai ki, dost maní, ma thai hakk na dárag̱ẖán; thau yak páe manzúr na khuṯẖa? waṯẖí hakk zír, baro. 14Mai marzí haweshe ki mard ki phaḏẖá áḵẖta, áṉhiar ikkar deán ki thará. 15Maná jáiz nê ki cho ki mai marzí bí írge go waṯẖí málá khanán? Hawi gálwar thará whár mánáḵẖta pachi ki ma nekán? 16Írge mard ki phaḏẖá bíṯẖag̱ẖant, pheshá khánt, mard ki pheshá bíṯẖag̱ẖant phaḏẖá khánt.

17Waktá ki Yesu Yarúsalam phalwá rawag̱ẖaṯẖ doázdah shágirdár khard khuṯẖo, 18gwashtai ki má Yerúsalam phalwá rawag̱ẖún: Ádam Bachh sardar káhin wa shara likhoḵẖ dastá khafí; hon khanag̱ẖá hukm deanti: 19thíh siyálání dastá deanti ki zá deant, go láṭhá janti, súlí deanti; seimí roshá tharí zindag̱ẖ bí.

20Guḍá Zabadí bachhání máṯẖá go waṯẖí bachhá áḵẖto sijda khuṯẖo chiye loṭṯẖa. 21Yesuá gwashta ki thau chíh loṭag̱ẖai. Jawáv dáṯẖai ki hukmá de ki thai ráj neáṉwáṉ mai do bachh go thau phajiá nindant, yake thai ráste dastá, yake thai chappe dastá. 22Yesuá Jawáv dáṯẖo gwashta ki shá na záne chíh loṭag̱ẖe Shá hawán sore áf wártha khane ki ma warán. Áṉhání gwashta ki má wártha khanán. 23Gwashtai ki hawán sore áf shá ware; mai ráste dastá de mai chappe dastá de nindag̱ẖ, mai dastá nesti; mard hawoḏẖa nindant ki áṉhání sángá mai Phiṯẖá sambarainṯẖa. 24Dah shágirdá hawi gálwar ashkhuṯẖo do brá?-?ṯẖání chaka zahr gipta. 25Yesuá áṉhánrá gwánjṯẖo gwashta ki thíh siyálání sardar áṉhání chaka ráj khanant, buzurg mard de áṉhánrá hukm deant. 26Írge shai neáṉwáṉ na bí; shai neáṉwáṉ har khas ki mazan biag̱ẖ loṭi, hawán mard shai ambráh bí, 27har khas ki sará biag̱ẖ loṭi hawán, mard shai ṭhíh bí. 28Hawírge Ádam‐Bachh khizmat khanag̱ẖá áḵẖta, waṯẖí jind o ján de báze mard sángá deg̱ẖá; niyáḵẖtag̱ẖe ki thíh mard áṉhí khizmat khanant.

29Waktá ki azẖ Yaríhúá dará rawag̱ẖaṯẖant báze ummat áṉhí phaḏẖá shuḏẖag̱ẖant. 30Guḍá do khore mardá ráh kandeá nishto ashkhuṯẖo ki Yesu guzag̱ẖe, gwánkh jaṯẖa ki Yá Huḏẖáwand, Dáúd Bachh, mai chaka rahm khan. 31Ummatá mana khuṯẖa ki chup khane: par thíbare gwánkh jaṯẖa ki Yá Huḏẖáwand, Dáúd Bachh, mai chaka rahm khan. 32Guḍá Yesuá oshtáṯẖo gwánjṯẖo gwashta ki, Shai marzí chihê? 33Shai sángá ma chih khanán? Áṉhání gwashta ki Yá Huḏẖáwand, mai chhamar duráh khan. 34Yesuá rahm khuṯẖo dast laiṯẖa; yabará áṉhání chham duráh bíṯẖag̱ẖant; guḍá áṉhí phaḏẖá shuḏẖag̱ẖant.

Currently Selected:

Matí Injíl 20: BGPRMAT

Highlight

Copy