1 Kurintus 2
2
Pontudukan suat so kinopotoyan ni Kristus so salib
1Oo su kosusulodan ku, iri kinologa'an ku togna nai so kou monuturan nu padu-padu nu Kinoringan nu dai po noilaan nu lobuw silaid,#2:1: monuturan nu abar suat so Kinoringan, iri dai po noilaan nu lobuw silaid, intawa, kointolangan suat so Kinoringan. okon-a ko maid nu totongaron orogon oorotian intawa maid nu koo'ilo nu lobuw. 2Laid ku po mido-ido so kou, nouyakin ku yo nu dai aku ya potuturan nu onu-onu sondiang ko suat so si Yisus Kristus, om makin po suat so kinopotoyan Niyo so salib. 3Laid ku po mido-ido so kou ri, okugui om mikip-kikip aku lumaa'.#P'rapan 18:9 4Abar nituturan ku so kou ri dai ku ya nituturan maid nu koo'ilo nu lobuw mutotongaron nu kolimuuk, nga nituturan ku iri pointolang nu kikuasa Atod nu Kinoringan. 5Winaal ku soko ono, tayon ku ong poimaid kou nu kuasa nu Kinoringan, om okon ko koo'ilo nu lobuw.
Musondiang koo'ilo nu Kinoringan
om lobuw
6Nga soko ono pona, montuduk aku ya suat nu koo'ilo so lobuw osukod-o koimaidan, nga koo'ilo oono okon-a ko koo'ilo nu lobuw-a intawa koo'ilo nu momogkuasa so wonuo tu, iri lumiong-a. 7Ono yo po koo'ilo nituduk ku no nga koo'ilo nu Kinoringan, iri dai po niintolang so lobuw silaid, nga notantu yo ono nu Kinoringan nu dai po nowangun wonuo tu ri nu waalon Niyo suat so koworongan toko. 8D'ado po ido wowaidon nu ono sono tu nokoilo nu koo'ilo Niyo oono, so' bang noilaan-o ono nosiro, tantu dai ya nisalib nosiro Tuhan obantug oono.
9Nga nokosurat-o ono so Buuk nu Kinoringan nu,
“Iri yo po dai insan osiou,
om orongou nu lobuw,
om dai insan
opikiran nu lobuw nu ourug,
ono yo su sinodia'
nu Kinoringan
itaak so lobuw osamod so Iyo no,”
koo ri.#Yis 64:4
10Nga nokointolang-o ono nu Kinoringan so toko, nu Atod Niyo su pointolang. Atod oono kosorisid koilo nu onu yo po, pudi pona noongotantu yo nu Kinoringan nu sobana ko osusut, 11so' koilo yo po nu pikiran so inawo nu ido soido nga atod-a niyo kondiri. Om soko ono ya pudi Kinoringan, ono ya Atod Niyo no su koilo nu pikiran so inawo Niyo. 12Pikiran toko lobuw poimaid okon ko soko pikiran nu lobuw dai poimaid, so' toko yo po kinuasa nu Atod nu Kinoringan, tayon ong oilaan toko onu yo po nitaak nu Kinoringan so toko.
13Ono yo ko', koduung potuduk kai yo suat so Kinoringan so lobuw kinuasa nu Atod nu Kinoringan,#2:13: so lobuw kinuasa nu Atod nu Kinoringan; intawa: nu totongaron nituduk nu Atod nu Kinoringan. dai kai potuduk nu ono maid nu koo'ilo ya nu lobuw, sondiang ko maid nu pontudukan nu Atod nu Kinoringan. 14Nga iri lobuw dai kinuasa nu Atod nu Kinoringan-i, dai koorati nu onu yo po niintolang nu Atod oono, so' ono yo po soko kolowong so nosiro. Dai koorati nosiro nu ono, so' d'ado ido ya koorati ong dai ya tobangon nu Atod nu Kinoringan. 15Lobuw kinuasa nu Atod nu Kinoringan koorati nu onu yo po, nga ado ido koponginsala' so iyo. 16Soko nokosurat-o so Buuk nu Kinoringan nu,
“D'ado ido
koilo nu pikiran nu TUHAN.
D'ado ido
kopontuduk so Iyo,”
koo ri. Nga suat so toko, iri kinuasa nu Atod nu Kinoringan, muinong pikiran toko nu pikiran ni Kristus.#Yis 40:13
Currently Selected:
1 Kurintus 2: TomPWPgLgPn
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
