Popular Bible Verses from 1 Kurintus 2

Share

Nga nokosurat-o ono so Buuk nu Kinoringan nu, “Iri yo po dai insan osiou, om orongou nu lobuw, om dai insan opikiran nu lobuw nu ourug, ono yo su sinodia' nu Kinoringan itaak so lobuw osamod so Iyo no,” koo ri.

Nga iri lobuw dai kinuasa nu Atod nu Kinoringan-i, dai koorati nu onu yo po niintolang nu Atod oono, so' ono yo po soko kolowong so nosiro. Dai koorati nosiro nu ono, so' d'ado ido ya koorati ong dai ya tobangon nu Atod nu Kinoringan.

Nga nokointolang-o ono nu Kinoringan so toko, nu Atod Niyo su pointolang. Atod oono kosorisid koilo nu onu yo po, pudi pona noongotantu yo nu Kinoringan nu sobana ko osusut

Pikiran toko lobuw poimaid okon ko soko pikiran nu lobuw dai poimaid, so' toko yo po kinuasa nu Atod nu Kinoringan, tayon ong oilaan toko onu yo po nitaak nu Kinoringan so toko.

Abar nituturan ku so kou ri dai ku ya nituturan maid nu koo'ilo nu lobuw mutotongaron nu kolimuuk, nga nituturan ku iri pointolang nu kikuasa Atod nu Kinoringan. Winaal ku soko ono, tayon ku ong poimaid kou nu kuasa nu Kinoringan, om okon ko koo'ilo nu lobuw.