1 Kurintus 13

Samod

1Insan koputangar aku ya nu kiawi' tangar so wonuo tu om so surga, nga bang dai ya su monamod nu lobuw, totongaron ku oono soko kai-kai ya kougangau, d'ado orati. 2Insan oilo aku ya polatas nu tinongaran nu Kinoringan, om koorati nu kiawi' orogon oorotian, om onu-onu nga oilaan, om sobana ko poimaid aku so Kinoringan sampai koponuu' popinda nu bulud, nga bang d'ado samod ku, d'ado ya muad kosudaan so aku.#Mat 17:20; 21:21; Mrk 11:23 3Insan nitaak ku ya so lobuw omiskin kiawi' songapan ku, om posimaidan ku alod-alod mongoompu' nu koyuwan ku tu,#13:3: Tinu-tinu solinan noporuang nu, su' kopongondos aku. nga bang dai aku ya monamod nu lobuw wokon, sobana ko d'ado ya kosudaan nu ono so aku.

4Bang monamod toko nu wokon, otaan inawo om otosu' toko, dai momoinga, dai musingkaaku-aku, dai musingkaayo-ayo, 5dai odouraka, dai odoot, dai obingungot, om dai sumona. 6Bang osamod toko nu wokon, dai toko osudu'an ong momaal lobuw nu koraayan, onu ko po osudu'an toko ong momaal lobuw nu owarong. 7Bang osamod toko nu wokon, olulut inawo toko, pokowarong toko nu lobuw, om dai oliongan nu orapan, pudi pona koirasa toko nu kosonangan intawa kosusaan.

8Kosiono tu kuwai lobuw oilo potuturan nu abar kiat so Kinoringan, nga koingkoyod-a iyo ong wagu potuturan nu abar oono. Kosiono tu kuwai oilo mutangar nu musosondiang totongaron, nga koingkoyod-a iyo ong wagu mutangar nu ono. Kosiono tu kuwai koorati nu osuang orogon oorotian, nga kiawi' nu ono olupaan-a. Nga suat so musosamod, d'ado kopupusan. 9So' dai po kokomuro oilaan toko nu ongo rorogon oorotian. Om koo'ilo toko polombus nu pontudukan nu Kinoringan so inawo toko nga dai po orunsum. 10Nga bang ologa' yo iya nu Kinoringan mongorunsum nu onu yo po, lumiong sono iri dai po orunsum-i.

11Soko itu poinongan ku, ono yo iya nu lolaing aku po, totongaron, kogoyaan om pomikiran ku nga lolaing po. Nga kosiono tu nosukod aku yo, om minintoron aku yo sono nu kogoyaan ku nu lolaing aku ri po. 12Kosiono tu orogon toko oorotian padu-padu nu Kinoringan, soko lulungung nai' kosiowan so soromin. Nga ong wagu, oorotian toko ya ono kiawi', soko osiowan toko nu koputingkuang. Kosiono tu dai ku po orunsum oilaan kiawi', nga orunsum ku ya oilaan kiawi' oono ong wagu, soko Kinoringan su koilo nu onu yo po suat so aku.

13Nadi, ono sono tu kuwai tolu patut waalon toko, ono yo poimaid, umarap om monamod. Nga iri yo su oogot sobana kiat so kitolu-tolu oono, monamod.

Currently Selected:

1 Kurintus 13: TomPWPgLgPn

Highlight

Copy