Popular Bible Verses from 1 Kurintus 13

Share

Bang monamod toko nu wokon, otaan inawo om otosu' toko, dai momoinga, dai musingkaaku-aku, dai musingkaayo-ayo, dai odouraka, dai odoot, dai obingungot, om dai sumona.

Bang osamod toko nu wokon, olulut inawo toko, pokowarong toko nu lobuw, om dai oliongan nu orapan, pudi pona koirasa toko nu kosonangan intawa kosusaan.

Bang osamod toko nu wokon, dai toko osudu'an ong momaal lobuw nu koraayan, onu ko po osudu'an toko ong momaal lobuw nu owarong.

Nadi, ono sono tu kuwai tolu patut waalon toko, ono yo poimaid, umarap om monamod. Nga iri yo su oogot sobana kiat so kitolu-tolu oono, monamod.

Kosiono tu kuwai lobuw oilo potuturan nu abar kiat so Kinoringan, nga koingkoyod-a iyo ong wagu potuturan nu abar oono. Kosiono tu kuwai oilo mutangar nu musosondiang totongaron, nga koingkoyod-a iyo ong wagu mutangar nu ono. Kosiono tu kuwai koorati nu osuang orogon oorotian, nga kiawi' nu ono olupaan-a. Nga suat so musosamod, d'ado kopupusan.

Insan koputangar aku ya nu kiawi' tangar so wonuo tu om so surga, nga bang dai ya su monamod nu lobuw, totongaron ku oono soko kai-kai ya kougangau, d'ado orati.

Insan oilo aku ya polatas nu tinongaran nu Kinoringan, om koorati nu kiawi' orogon oorotian, om onu-onu nga oilaan, om sobana ko poimaid aku so Kinoringan sampai koponuu' popinda nu bulud, nga bang d'ado samod ku, d'ado ya muad kosudaan so aku.

Insan nitaak ku ya so lobuw omiskin kiawi' songapan ku, om posimaidan ku alod-alod mongoompu' nu koyuwan ku tu, nga bang dai aku ya monamod nu lobuw wokon, sobana ko d'ado ya kosudaan nu ono so aku.

Soko itu poinongan ku, ono yo iya nu lolaing aku po, totongaron, kogoyaan om pomikiran ku nga lolaing po. Nga kosiono tu nosukod aku yo, om minintoron aku yo sono nu kogoyaan ku nu lolaing aku ri po.