Marko 16
16
1Na pala likalutili sabato, Maria Magdalene, nu Maria nyina wa Yakobo, na Salome, wakahemili fya kunungalila, nausi wafike ni kumbakasila. 2Na lukelakela waka ligono lya kutumbula lya juma, wahicha ku manyinja pa likapititi lijuwa. 3Ni wakayili mu kujowana yungi ni njini, Nani yatibilusile liganga kuliwusa pa ndyango wa manyinja? 4ni pa wakanyanyamwisi miho, wawona kukita liganga libilusiki: pakuya likayili likulungu nyamhope. 5Na kuyingila pa manyinja, wakaweni mpalo atemi pa kiwoko kya ndilo, afwikiki mwingila uwalafu; na wakakangichi nyahope. 6Leka awajowela, Mukotoke kukangacha: mundonda‐ndonda Yesu mNazareti, yula awambiki pa msalaba: asyukiki; ayilepe apa: lola, pandu apa wakambikiti. 7Koma mubitaye, muwatawalile wanafunsi wake nu Petro, kujowa, Awalongolela mwenga ku Galilaya: kukulakula yamwone, umu akawajowili mwenga. 8Na wakapititi, na wakakimbilili pa manyinja; pakuya kudigida na kukangacha nyamhope kukawagwilili: na wakajowiti lepa kindu kwa ayi yoha; ndawa wakayogwipi.
9Leka pala akasyukiti lukela waka ligono lya kutumbula lya juma, akambonakili Maria Magdalene pakutumbula, pa yula akatagiti kunja madaimon saba. 10Nuyombe akagenditi, na akawatawili wala wakayili pamonga nako, apa wakayili mu kukita malilo, ni kulila masoli. 11Na wawala‐wala, pala wakayufwini kukita alamiti, na kukita akaloliwi nuyombe, wakakeliti lepa.
12Leka panyuma pa findu ifi akawonakili pa kihwanakiso kingi kwa wawili wa wombe, wagendagenda mwanja ku migunda. 13Na wala wakabiti na wakatoliti ndumi kwa wala wakusigala: haka wawala wakakeliti lepa.
14Leka panyuma pake akawawonakili kumi nu yumonga wala apa wakatemi pa kyakulya; na akawalakalili ndawa ya pangali kukela kwawe nu kunonopa pa mwoyo, pakukita wakawakeliti lepa wala wakandolakisi yombe asyukiki. 15Na akajowiti kwa wombe, Mubitaye ku ndima woha, na muwandisaye evangel kwa mapangiko goha. 16Yula akela ni kubatasika yayokoleke; leka yula yuangali kukela yapisike mbifu. 17Leka fiwalalilo ifi yafikisane na wala wakela: pa lihina lyangu yawatage kunja madaimon; yawalongele ni njowelo sya hino; 18yawatole mayoka, haka apa wanywa kindu kya kufwisa, yakiwapoteke lepa; yawawike mawoko pa walegelefu, na yawatame wicho.
19Mumu Bambo Yesu, panyuma pa kulongela nawo, akatoliki kunani, nakatemi pa kiwoko kya ndilo kya Mulungu. 20Na wakapititi na wakawandisi pandu poha poha, Bambo kikitile lihengo pamonga nawo, ni kukangamasa lilowe ni fiwalalilo fila fikakisiti. Amen.
Currently Selected:
Marko 16: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
