DANIEL Kilethitsa
Kilethitsa
Daniel kaku ye Judahmi ashiaye kütau kükami no shikighime eno nedaqoda püzü ime ake ghuloki lono ye keu lakhi. Timi küxü ngo kungunhetsü peitha püzü kaku kiyeu no tipa ghuloki lo timiqo shikumto tsükeu, ti ye timi püqapunu kemi Alhou no sünheqhive püzü Alhouw timiqo pelo kalu penani kepi lajupu hipau pesü pitsüe.
Kaku ye akhotoshi aleqhi kini ani: (1) Daniel eno pa küsami haküghütsüve kemi küxü ghili, panoqo no Alhou lau aküpülü akeu eno Pa ghokulu shikeu vecheo panoqo ghümi shou tokulu shilu keu. Aküxü ghili hipaqo ye Babylon ngo Persia kükaqha do ghuloki lo süpüani. (2) Daniel no kungunhetsü apasüshi ithulu keu, tipaqo ye amichi peitha keu lono akükaqha lakhi shelo lakhi ikuve eno iqive keu pitsü, ti ye Babylon kükaqha lono huthu tüghü shi eno ayekümthami no nedaqoda chekeu ikiqive püzü Alhouw timiqo no tokulu shiveni keu asheazü tsa pitsü keu ani.
Kaku Kimji: Alhou no atsütsü eno ayeghi shou Ampeu, azü-amülhü küka shou kichekütsüu, shiyeqow lajupu eno Paw timi tucho chekeu.
Khuu no ye kea: Daniel.
Khuno lau ye kea: Babylon lo akughumi kütami lau eno Alhou timi kümtsü lau.
Kughono ye kea: B.C. 535.
Currently Selected:
DANIEL Kilethitsa: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More