EZEKIEL 48
48
1“Hipaqo no ashiayeqo je ke: Ahuu akütsüqa lono huthusü Hethlon la phivilo no Lebo-hamath eno Hazar-enam kutolo (ti ye ahuu Damascus lughi shou Hamath lo ani), eno kipelau no kulolau kuto, tino Dan ghenguno asaje lakhi. 2Dan yeghi kikime lo kipelau no kulolau kutolo Asher ghenguno asaje lakhi. 3Asher yeghi kikime lo kipelau no kulolau kutolo Naphtali ghenguno asaje lakhi. 4Naphtali yeghi kikime lo kipelau no kulolau kutolo Manasseh ghenguno asaje lakhi. 5Manasseh yeghi kikime lo kipelau no kulolau kutolo Ephraim ghenguno asaje lakhi. 6Ephraim yeghi kikime lo kipelau no kulolau kutolo Reuben ghenguno asaje lakhi. 7Reuben yeghi kikime lo kipelau no kulolau kutolo Judah ghenguno asaje lakhi.
8“Judah yeghi kikime lo kipelau no kulolau kutolo asaje lakhi pakütashi ikhithape qhini, akijelau kilometer 12, eno akushulau ye kipelau no kulolau kutolo ashiayeqo saje qhemi shini, tipau mta lo akimtheki anani. 9Asaje nongu no Ampeu ghenguno ikhithape qhini keu ye akushulau kilometer 12 shini eno akijelau kilometer 10 shini. 10Hipaqo no akimthe saje shini: achinemi ghenguno ahuu kilometer 12, kulolau no akijelau kilometer 5, kipelau no akijelau kilometer 5 eno apeu no akushulau kilometer 12 tsüni, eno Ampeu kimtheki no tipa mta lo anani. 11Hi ye kishekimtheve kemi chinemi, Zadok limi, khunoqo Israelmi ngo Levimi no lavela lo wuve keloghi panongu ye wumono I zakütsü pape cheni keno panoqo ghenguno ke. 12Hi ye panoqo ghenguno akimthe saje, shishe akimthe-a lono kütavi saje yeghi ke, ti ye Levimi ghüna kikime loke. 13Achinemi ghüna phivilo Levimi ye asaje lakhi akushulau kilometer 12 eno akijelau kilometer 5 qhilo. Ayeghi tipau kupuju ye akushulau kilometer 12 eno akijelau kilometer 10 shini. 14Panongu ye tipau jemo momu kili moni. Panongu ye ayeghi saje akighiche hipau kotha pühave monani, kughengu ti ye Ampeu zülo akimthe ke.
15“Akijelau kilometer kini tüxa eno akushulau kilometer 12 achili ye mishighüna ghenguno aqo no peithani, ti ye küghüna kepu ngo aluza ghenguno shini. Tipau mta lo mishighüna anani, 16eno akimghi ye hitoi shini: Ahuu, apeu, kipelau, eno kulolau ako kümtsü lo kilometer 2. 17Mishighüna lo aluza anani: ahuu, apeu, kipelau, eno kulolau ako kümtsü lo auxakuchho 125. 18Akimthe saje lo akushulau achili aghikeu ye kipelau kilometer 5 eno kulolau kilometer 5, akimthe saje kikime lo shini. Tipau lono tüxatini ipeghi keu ye mishighüna lo akümlami ghenguno ke. 19Mishighüna lo kümlami ye Israel shiaye kümtsü lono shini, panongu no tipau hokideni. 20Asaje kupuju nongu no ikhithape qhini keu ye kobidi shi kilometer 12 shini, ti ye mishighüna lo asaje akeu gholono akimthe saje ke.
21“Akimthe saje lo ako hula-hila kiu achili aghini keno ti ye kükapuu ghenguno shini. Akimthe saje lono kilometer 12 qhachhope kipelau ghuthu kuto, eno kilometer 12 kulolau ghuthu kuto, ashiayeqo saje mtsa lono kükapuu saje shini. Akimthe saje lo achineki ye tipau mta lo anani. 22Ti ye Levimi saje eno mishighüna saje lono paküta shini, ti ye kükapuu saje mta lo anani. Kükapuu saje ye Judah yeghi eno Benjamin yeghi dolo anani.
23“Ashiaye kütami ghenguno ishini: kipelau no kulolau kutolo Benjamin ghenguno asaje lakhi. 24Benjamin yeghi kikime lo kipelau no kulolau kutolo Simeon ghenguno asaje lakhi. 25Simeon yeghi kikime lo kipelau no kulolau kutolo Issachar ghenguno asaje lakhi. 26Issachar yeghi kikime lo kipelau no kulolau kutolo Zebulun ghenguno asaje lakhi. 27Zebulun yeghi kikime lo kipelau no kulolau kutolo Gad ghenguno asaje lakhi. 28Apeu Gad yeghi kikime lo Tamar lughi lono Meribah-kadesh züpuki kuto, tishino Egypt Ghokiti lono Azüghi Kije kuto. 29Israelmi dolo amheghi shi kijetsü nikeu yeghi ye hike, eno hipaqo no pano saje ipi Ampeu Alhou no sheshu.
Mishighüna Khaghoqo
30“Mishighüna lo ikipe laghi ye hipaqo no shini: Ahuu kimghi kilometer kini tüxa, 31tilehi khagho küthü, ti ye Reuben khagho, Judah khagho, eno Levi khagho shini, khaghoqo ye Israel shiaye kiqi lo aje kutsüe. 32Kipelau kilometer kini tüxa, tile khagho küthü, ti ye Joseph khagho, Benjamin khagho, eno Dan khagho. 33Apeu kimghi kilometer kini tüxa, tile khagho küthü, ti ye Simeon khagho, Issachar khagho, eno Zebulun khagho. 34Kulolau kimghi kilometer kini tüxa, tile khagho küthü anani, ti ye Gad khagho, Asher khagho, eno Naphtali khagho. 35Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”
Currently Selected:
EZEKIEL 48: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
