APOSTOLMI Kilekithitsa
Kilekithitsa
Kaku hipau ye Luke Atsakiviu shelo ishokibe yekeu xüghili ke. Hipau kimji akhotou ye Jisü khopemi atüghümi no Aghungu Kimthe no mije tsükeu lono Atsakiviu pesü “Jerusalem lo, Judea kümtsü eno Samaria ngo ayeghi shekha kutolo” (1:8) piwu keu ghili eno kishi Jewmi chineye launo kütüta shisü ipeghi püzü lotoshi “Khristomi” ipi kuve keno tipau xüghili ke. Akiyeu lokümsü ye paw kaku philukemi pelo Khristomi ye Rome kükaqha shikichi nikeu mqo kumo kepi ithithailu peniye, eno Khristomi no pülü chekeu ye Jewmi chine lo huqhe laju chekeu shikupuve tsükeu kepi yetsü ke. Itaghi akhotoshi ithulu akeu ye kishi Aghungu kimthe mijekütsü vecheo Atsakiviu pesü Jewmi gholono Jewkumomi lau piwove keno ti ithulu ani.
Apostolmi kaku ye amqo küthü shilu nani: ti ye Jisü ghili tsakiviu pesü aqha kümtsü lo sheshu eno akukuhou huthuphelu keu kiqi; (1) Jisü kunguu saikuve kethiu Jerusalem lo Khristomi itha ipeghi tüghüu; (2) Palestine qha kütau lo Atsakiviu veküphawo keu, eno (3) Mediteriya yeghiqha lo Rome kutolo alau veküphawo keu.
Apostolmi kaku lo akhotoshi ithulu akeu ye Aghungu Kimthe kümla; Jerusalem lo Pentecost tsalani no aküka kuloghi lono Aghungu Kimthe no küpülümi shou ighi, eno kaku lo pi püakeu kümtsü pa no akukuhou eno tipau lo sakiphemi sapiye eno shikumto ke. Inahuu Khristomi no pikülha chekeu tsape ye atsapi süpüakeqo lono ithulu ani, eno hipau lo kiu shikeu yepüani keno tipau ithulu kelo atsape tipaqo no küpülümi küxü lo eno akukuhou kuposhukulu lo aküka akeu pephepiye ke.
Kaku Kimji: Khristomi kukuho punuphelu keu eno thukuu ghili mtsümishei pitsü niye ke.
Khuu no ye kea: Luke.
Khileno ye kea: Rome lono.
Khuno lau ye kea: Theophilus eno Alhou kimiye chekemi kümtsü lau.
Kughono ye kea: A.D. 62-64 qhauno.
Currently Selected:
APOSTOLMI Kilekithitsa: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More