ÂTHAONA 33

Zakaw nata Esaw amâ paryh

1Zakaw cha mohmia pasaih ta, Esaw cha chyhsa za palih chhaota â vypa hmô ta. A sawzy cha Liah, Râkheli nata seichanô panozy hnohta rai ta. 2Seichanôzy nata ama sawzy hmia pasah ta, Liah nata a sawzy ta pazi ei ta, Râkheli nata Zawsi cha a hnôh chai ta pasiesa ta. 3Ano cha ama hmia lâta sie ta, a uhta kiapâh a tlôna taihta ei sari tlai alei lâ a bôhpa ta a naoh ta.

4Esaw cha Zakaw a tyh awpa ta a râ ta, a pyh ta, a ku ta rao liata a pyh ta, a pahnâ ta, ama pano ta cha ei ta. 5Esaw cha kaw ua ta, chanôzy nata hawtizy hmô ta, “Na hnohta a ypazy he ahyzy ma ama châ?” tah ta. Zakaw ta, “Khazohpa ta a ngiachhiena vâta châ chakaotuhpa hnohta a piepa hawtizy ama châ,” tah ta. 6Seichanôzy nata ama sawzy a vaw hnia ei ta, a bôhpa ta a naoh ei ta. 7Cha hawhna chata Liah nata a sawzy a vaw hnia ei ta, a bôhpa ta a naoh ei ta. A chhâna ta Zawsi nata Râkheli a vaw hnia ei ta, a bôhpa ta a naoh hra ei ta. 8Esaw ta, “Sahroh hri ei vaw tyhpa zydua kha, khâpa ma a yzie?” tah ta. Zakaw ta, “Ei zibeipa hmiakô liata ngiachhiena ei hmô thei nawpa ta ei taopa a châ,” tah ta. 9Esaw ta, “Ei nawhta y, kei chhao a hluhpi ei hnei. Na hneipa zydua nâma eih châ khai mawh sy,” tah ta. 10Zakaw ta, “Châ vei, na ngiachhiena ei hmô khiahta la, ngiachhiepa ta ei kuhriazy he ei ku tawhta nâ hlâ mah y. Na hmia ei vaw hmô thlâhpa cha, Khazohpa hmia a hmôpa hawhta châ na ta, nâ chhao ta nâ pyh chi ta. 11Byhnâ ei topa na hnohta ama vaw cheipazy kha, ngiachhiepa ta a pyh mah y. Khazohpa ta na ngiachhie ta, ei hneina ta â daihpa vâta kuhria ei cha piepa a châ,” tah ta. Thata â hawpa vâta a la ha ta.

12Esaw ta, “Sie ei suh u, kei hmia ei sah aw,” tah ta. 13Zakaw ta a hnohta, “Hawtizy panyu kaw chy ei ta, mietaku zaw nata viahchao hri ama taw sâhpi a pazy haipazy he ei mohôh awpa ei a byuhzie ei zibeipa ta na pahno. Noh kha chhao ama rie eima patheisa tu khiahta cha, sahroh zydua ama thi khai aw. 14Chavâta ei zibeipa y, ngiachhiepa ta, nâ cha châ chakaotuhpa hmia lâta sie mah y. Kei deikua cha ei hmia lâta sahroh a siepazy ama sie theina rakha lymâ hawhta nata hawtizy sie theina rakha lymâ hawhta, ei zibeipa yna Seirâ ei vaw tlôna taihta dusawta ta ei vaw sie aw,” tah ta.

15Esaw ta, “Cha khiahta la, ei hnohta a ypa chyhsa thokha he ei cha siesaipa sy,” tah ta. Zakaw ta, “A byuh hlei aw ma? Ei zibeipa ngiachhiena tlao na patosa hri mah y,” tah ta. 16Esaw cha, cha noh lilaw ta Seirâ lâ pangaipa ta a lie ha ta. 17Zakaw deikua cha Sukô lâta sie ta, ano châta o sa ta, a sahrohzy châta byureihzy tu ta. Chavâta cha su cha a moh Sukô#33.17 “Sukô” tahpa cha, “Abohna su” tahna a châ. bipa a châ.

18Zakaw cha Pâdâ Aramia tawhta Kâna râh liata Sekhe khihpi cha â bohpa ta tlô ta, khihpi tlô hlâta liata poh o rai ta. 19#Zsua 24.32; Zhn 4.5A poh o raina su cha, Sekhe paw, Hamô pathlazy tawhta tâkâ za kha ta a chaleipa a châ. 20Cha liata maisâh padua ta, a moh El-Elôhe-Izarei#33.20 “El-Elôhe-Izarei” tahpa cha, “Khazohpa, Izarei Khazohpa” tahna a châ. a bi.

Currently Selected:

ÂTHAONA 33: MARVBSI

Highlight

Copy