Matiyu 25

Bukwa fuga memaŋe

1Kanto maŋa kam ne, Wɛ telaao paare dem wó taa nye tento mo:

Bukwa fuga mo wora. Ba ma zaŋe ba vo se ba jeeri nɔɔno wodwoŋi na di kaane o jege o beena. Ba ma kwei ba min-zwonnu ba woli da ba ja vo. 2Bukwa bam banu maa ye jworru, ye banu bam de jege swa. 3Jworru tem maa wo ke nuga ba woli da se ba taa ke ba min-zwonnu tem ne. 4Ko daare swa tiina bam ma ke nuga wonnu wone ba zia. 5Kan-baro wom ma tiini o dáane ye o wo tu, pa se ba maama peini ba dɔ.

6Tega na tu ka kweere to, nɔɔna ma tɔɔle ba we, ‘Kan-baro wom maa beena! Zaŋe-na á nwoŋi á jeeri‑o.’ 7Bukwa bam ma zaŋe ba tɔre ba min-zwonnu tem. 8Jworru tenu tem min-zwonnu tem maa lage te dwei. Ba ma ta de ba dwonna swa tiina bam we, ba ke nuga ba pa-ba, se ba min-zwonnu tem lage te dwei. 9Swa tiina bam ma leiri ba we, ‘Nuga kam ba daga se ka yi debam maama. Konto ŋwaane, abam de véi-na nuga tiina tei á yeigi.’

10Ba laam ma kɛ se ba yeigi. Ba na kɛ ba daare to mo kan-baro wom yia. Badaara bam na maŋe ba ti ba yiga to ma tɔge de kan-baro wom ba vo ba zo kadiri dim sɔŋɔ kom. Ba ma pe manchwoŋo kom ni. 11Ko na ke fee to mo jworru tem laam tua, ye ba bwoŋi kan-baro wom ba we, ‘Debam tu, nam pore se dé zo!’ 12O ma leiri-ba o we, ‘Chega ŋwaane to, a nam yeiri abam kɔtaa.’

13Mo kokuri á jege se á ta‑á cho á tete, kolo ŋwaane á yeiri dɛ delo Nabiin-bu wom na wó jwoori o ba to, ye á ta yeiri dɛ dem wone maŋa kam o na wó yi to.

Tontoŋena batɔ memaŋe

Luka 19:11-27

14Ko woli da, Wɛ telaao paare dem wó taa nye de sɔŋɔ tu wodwoŋi na lage o nwoŋi o beeri. O ma bwoŋi o tontoŋena ye o pɔɔre o wonnu o pa-ba se ba taa nia. 15O ma pɔɔre sabu ywollu morro tenu (5,000) o pa ba dedoa, ye o daare o pa dedoa ywollu morro telei (2,000). O ma pa dedoa kam de ywollu moro dedoa (1,000). O nam pɛ-ba sabu kom se ko maŋe de ba boboŋa dam na mae tei to mo. O laam ma daare o viiri. 16Tontoŋeno wolo na jwoŋi ywollu morro tenu tem to ma kwei o sabu kom o ma ke o pipiu, ye o na ywollu morro tenu nyɔɔre o woli da. 17Ywollu morro telei tu wom de ma na ywollu morro telei nyɔɔre o woli da. 18Ko daare ywollu moro dedoa kam tu wom ma kwei sabu kolo o tu wom na pɛ‑o to o ko gwoŋo o suli da.

19Ko na dáane to, sɔŋɔ tu wom ma jwoori. O laam ma bwoŋi o tontoŋena bam se ba jeeli o sabu kom ba nii. 20Ywollu morro tenu tu wom ma ja ywollu morro tenu nyɔɔre dem o woli da o vo o pa‑o. O ma ta de o tu wom o we, ‘Amo tu, nii. Nmo pɛ-ne ywollu morro tenu mo ye a jege ywollu morro tenu se a woli da a pa‑m.’ 21O tu wom ma leiri‑o o we, ‘Nmo ke chega ye n ta jege jawala de nmo na ke a boboŋa na lage tei to. Nmo seene n tɔge chwoŋa de nmo na wae n nii amo wonnu fenfee baŋa ne tei to. Amo laam wó pa se n ta‑n nii amo wonnu dedɛ baŋa ne.#Luka 16:10 Nam pa se dé di ywoni daane.’

22Ywollu morro telei tu wom de ma vo o tei, ye o ta ded‑o o we, ‘Amo tu, nmo pɛ-ne ywollu morro telei mo, ye a na ywollu morro telei se a woli da a pa‑m.’ 23O tu wom ma leiri‑o o we, ‘Nmo ke chega ye n ta jege jawala de nmo na ke a boboŋa na lage tei to. Nmo seene n tɔge chwoŋa de nmo na wae n nii amo wonnu fenfee baŋa ne tei to. Amo laam wó pa se n ta‑n nii amo wonnu dedɛ baŋa ne. Nam pa se dé di ywoni daane.’

24Ywollu moro dedoa kam tu wom laam ma vo o ta de o tu wom o we, ‘Amo tu, amo yei we nmo ye keim-chɛ-nyeno mo. Nmo yeini n jwoŋi nyɔɔre wonnu telo nmo yera na wo chɛ te baŋa ne to, nenɛɛne nɔɔno na zage mena yalo o tete na wo dugi to. 25Mo kokuri a kɔre foone de nmo, ye a kwei nmo sabu kom a vo a suli tega ne. Nii-ko da n jwoŋi.’ 26O tu wom ma ta ded‑o o we, ‘Nmo ye tontoŋeno-balɔrɔ mo, ye n jege jawɔrɔ dedɛ. Nmo na boŋe we amo ye keim-chɛ-nyeno ye a lage nyɔɔre delo na dae a totoŋa nyem to, 27ko ya maŋe se n kwei a sabu kom mo n pa sabu jenna. Nmo ya ná ke konto, amo ya wó ba a jwoŋi-ko de nyɔɔre. 28Nam jwoŋi-na sabu ywollu moro dedoa kam o tei ne, se á daare á kwei-te á pa wolo na jege ywollu morro fuga kam to. 29Kokuri, nɔɔno ná maŋe o jege woŋo, o ta wó jwoŋi kodwoŋi o woli da se ko tiini ko gaale. Nɔɔno wolo nam na maŋe o ba jege kolokolo to laam wó ba o ga kolo fenfee o ya na jege to mo. 30Ko nam ná ye tontoŋeno-kayaa kanto, se á ja‑o á nwoŋi á de á yage lim jei ne, mɛ yaara na tiini ya wora pa se nɔɔna keeri ye ba done ba nwa to.’

Nabiin-bu wom wó ba o pɔɔre nɔɔna daane

31Nabiin-bu wom nam ná jwoori o ba de o dam-fɔrɔ kom, ye Wɛ malese sem maama tɔge se wora o tei ne, o laam wó ba o jeini o dam-fɔrɔ paare yituŋu kom baŋa ne.#Matiyu 16:27; 2 Korinti 5:10 32Logo baŋa dwi tiina maama maa wó la daane o yiga ne. O laam maa wó pɔɔre-ba kuni belei, ne nayero na pɔɔre o pei de o bone daane tei to. 33O wó pɔɔre pei sem mo pa se taa wo o jazem seeni, ye o daare o yage bone dem o jagwia seeni. 34Nabiin-bu wom na ye Pɛ konto to, o maa wó ta de balo na wo o jazem seeni to o we, ‘Abam balo amo Kwo Wɛ na swɛ á swolim to, á ba-na á tɔge á di paare delo o na maŋe o tiŋi o pa abam ko zege logo baŋa boboa ne to. 35Kolo ŋwaane, kana déem jaane amo ye á pa-ne wodiu ye a di. Na-nyɔm ma ja-ne ye á kwei na á teini-ne. Amo ma ba abam sam ye á ke-ne veiru lanyerane.#Izaya 58:7 36A maa ba jege gɔrɔ se a zo ye á pa-ne gɔrɔ. A maa ba jege yazura ye á nii amo baŋa ne. Ba ma ke-ne peena diga ne ye á ba á woli-ne.’ 37Wɛ nɔn-ŋona bam laam wó zaŋe ba bwei‑o ba we, ‘Dé Teiru, debam mo ke konto na? Maŋa kɔ mo debam nɛ kana jege nmo ye dé pa n di wodiu, naa na-nyɔm jege‑m ye dé pa‑m na? 38Maŋa kɔ mo dé ke nmo veiru konto, naa dé pa nmo gɔrɔ ye n zo, 39naa maŋa kɔ mo nmo ba jege yazura, naa n wo peena diga ne ye dé ba dé woli‑m konto?’ 40Pɛ wom laam maa wó leiri o ta-ba we, ‘A tɛ abam chega ŋwaane to, abam na ke konto dwoŋi á ma á woli amo nɔɔna bam to, ko ná maŋe ko ye wolo na tiini o muri ba maama wone to de, ko ye amo mo á ke konto.’

41O maa wó daare o ta de balo na wo o jagwia seeni to we, ‘Véi-na dáa a tei ne, se abam mo ye balo Wɛ sɔɔlem na wo á baŋa ne to. Kɛ-na á vo mini delo wo Wɛ na maŋe o tiŋi se o pa setaana pɛ de o kwaga tɔgena se ba zo ye de bá dwei maŋa de maŋa to. 42Kolo ŋwaane, kana déem jaane amo ye á wo pɛ-ne wodiu se a di. Na-nyɔm de ma ja-ne ye á wo pɛ-ne na se a nyɔ. 43A ma ba á sam ye á wo ke-ne veiru. A maa ba jege gɔrɔ ye á wo pɛ-ne kodwoŋi se a zo. A maa ba jege yazura ye ba ta ke-ne peena diga ne, ye á wo tu se á woli-ne.’ 44Ba maa wó leiri ba bwei‑o we, ‘Dé Teiru, maŋa kɔ mo debam ke nmo konto? Maŋa kɔ mo dé nɛ kana de na-nyɔm na jege nmo, naa n na ye veiru, naa n ba jege yazura, naa ba ke‑m peena diga ne, ye dé wo tu dé zeini‑m?’ 45O maa wó ta-ba o we, ‘A tɛ abam chega ŋwaane to, abam na ve se á woli amo nɔɔna bam, ko ná maŋe ko ye wolo na tiini o muri ba maama wone to de, ko ye amo mo á ve se á woli.’ 46Banto laam maa wó kɛ ba vo cham delo na bá fɔge de ti to wone. Ko daare Wɛ nɔn-ŋona bam maa wó zo o tei ba na ŋwea kalo na ba jege kweelim to.”

Currently Selected:

Matiyu 25: xsmKBG

Highlight

Copy