Hosea 8
8
Isarele tiina bam jwona kaanem
1“Wu-na jara nabwanno!
Maao mo jaane wɛyuu ne ko foore
se ko chaale amo Baŋa Wɛ nɔɔna bam.#Nia Gulim 28:49
Kokuri to, ba chɔge ni delo a na gwoni de-ba to.
Ba ta ma nwoŋi a bera yam kwaga ne.
2Isarele tiina bam mo lwoori-ne
ye ba tɛ ba we, ‘Nmo mo ye debam Wɛ,
ye dé me dede‑m.’
3Banto nɔɔ ta mo ve se ba taa tɔge chwo-laaro.
Mo kokuri ba dona wó pare-ba se ba ja.
4Ba tete ne mo, ba tiŋi ba pwa.
Ba wo ke amo ko wone.
Ba ta kuri yiga tiina
ye a wo pɛ-ba chwoŋa.
Ba kwei lu-nyenno de sabu-seŋa mo ba ma mɔ jwona.
Ko lage ko ja chɔgem mo ko ba ko pa ba tete.
5Ko ná ye Samaria tiina bam,
a chuli jwoni delo ba na mɔɔne
ye de jege na-mɔra nyenyego to.#1 Pwa 12:28
A ban-lom zaŋe ba baŋa ne!
Ba wó taa biini ba tete taa tento
se ba vo ba maŋe yei ne mo?
6Isarele teo tu gɔgɔ mo mɔɔne jwoni dem,
ko dae wɛ chekke.
Chega to, na-mɔra jwoni delo Samaria tiina na zuli to
lage de ba de chochoge mura-mura mo.
7Ba na dugi kolo to nye de vio mo.
Wodiu kolo ba na wó na ko baŋa ne to wó ji vo-dɛɔ.
Mena yalo na wó ke ba kare sem ne to
ye men-tintworru mo.
Ya bá wane ya ke muni.
Ba ya ná maŋe ba na wodiiru chekke,
sa-teena mo wó ba ba vere-te.
8Isarele teo kom wó ba ko ti.
Ko daa ba jege kuri dwi-gɛ tiina bam wone,
ne kam-boro tei.
9Isarele tiina bam jaane ba tete ba vo ba pa Asiria teo kom tiina mo,
ne kagoa wo bonaga na vei ka tete boboŋa veiŋa tei to.
Ko nye de Efrayim tiina bam kwei sabu mo
ba vo ba beeri bɔɔla tei.
10Ba ná maŋe ba vo ba beeri dwi-gɛ tiina bam wone
se ba na wolim ba tei ne,
amo ta lage a la-ba mo a ke daane se a waare-ba.
Pa-faro wom wó zaŋe ba baŋa ne
o pa se ko tiini ko zo ba yera.
11Efrayim dwi tiina bam lɔge kaanem bimbina dedɛ
ba wɛleera saarem ŋwaane.
Bimbina yam konto laam jigi jei selo
ba na yeini ba toŋe wɛleera da to mo.
12Amo popone a bera yam dedɛ a tiŋi
se ba wane ba lɔre ya maama.
Ba nam nii-ya pa ya ye wo-veiro mo ba tei ne.
13Ba maa yeini ba ja ba pɛɛra ba ba
ba ma ke kaanem ba pa-ne,
ye ba daare ba di ya nɔna yam.
Amo Baŋa Wɛ yi nam wo su de ba pɛɛra yam konto.
A laam wó guli ba na tusi tei to,
ye a daare a waare-ba ko ŋwaane.
A ta wó pa ba jwoori Ejipti teo kom.
14Kokuri to, Isarele tiina bam swei
amo wolo na ye ba Keiru wom to ni ne,
ye ba daare ba lɔ sɔ-fwaaro ba pa ba tete.
Judah dwi tiina bam de lɔge dam jei dedɛ mo
ba teene dem wone.
Amo nam wó pa se mini zwɛ ba teene dem,
de ba dam jei sem maama kula!”
Currently Selected:
Hosea 8: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
