Hosea 7
7
Amo nam ná lage se a zeini a nɔɔna bam
se ba jwoori ba taa jege yu-ywoŋo,
1ye a ná lage se a pa Isarele tiina bam na yazura,
a yeini a jwoori a na ba wɛleera yam mo.
Efrayim dwi tiina bam de Samaria tiina bam
lwarem kikia seene ya lɔre mo jaja.
Ba maa yeini ba gane ba dwonna.
Ba ma bwori nɔɔna sam ba zoore ba vere ba wonnu.
Venverena de ma zi nɔɔna teo kom pwooni yiga ne ba jwoŋi ba wonnu.
2Ba nam wo maane we amo wó guli ba lwarem kikia yam konto.
Ba totoŋ-balwaaro tem yɔɔre te ja-ba mo.
Te nae amo yiga ne maŋa maama.”
Ba na gane pɛ wom tei to
Baŋa Wɛ ta ma ta o we:
3“Nɔɔna yeini ba toŋe lwarem mo
ba ma pwoli pɛ wom wo.
Ba maa tɔge vwa baŋa ne
ba pwoli nakwa bam wo.
4Ba maama tɔge kabwoŋa kikia mo.
Ba maa tiini ba jege ban-lom,
ne jugu diga wo mini na guguli tei to.
5Pɛ wom na wora o di o kuri dem dɛ delo ne to,
ba pɛ se o nakwa bam nyɔ sana mo ba su,
pa ba yeiri ba tete jeiga.
Pɛ wom tete de tɔge de nɔn-jworru o kwɛɛre mo.
6Ba maa twɛ pɛ wom yera
ye ba boŋe se ba de‑o.
Tega ná yi, ba ban-zɔŋɔ kom guguli mo
ne mini na guguli tei to.
Tega daa ná poore, ko ma yɔɔre ko di,
ne min-vogo na jaane wɛyuu ne tei to.
7Ba bane ma tiini de fuli dedɛ
pa ba yɔɔre ba go ba yiga tiina bam.
Ba pwa bam maama da ma to tega ne,
ye ba wolowolo wo lwoori wolim amo tei ne.
Isarele dwi tiina de dwi-gɛ tiina taane
8Efrayim tiina bam gwaane ba tete de dwi-gɛ tiina bam mo.#Lei 106:35
Ba nye de maase delo ba na fɔge ba le
ye de wo bege de ti to mo.
9Sa-teena mo tu ba vere ba dam,
ye ba wo maane ko ni ne.
Ba yuu de laam peere
ye ba wo lɔre ko ni ne.
10Isarele tiina bam na bere ba tete kamunim tei to
bere we ba ba jege bora.
Ba nɛ kolo maama na yi-ba to,
ye ba ta ve se ba jwoori ba ba amo tei.
Amo mo ye ba Tu Baŋa Wɛ wom
ye ba ba lwoori wolim amo tei ne.
11Efrayim tiina bam ba jege swa.
Ba yeini ba ke ne kunkwoŋa na kare ka lɔgese teeni tei to mo.
Boboa to, ba vei Ejipti tiina bam tei mo,
se ba woli-ba,
ye ba daa lɛɛne ba duri ba vo Asiria tiina bam de tei.#2 Pwa 17:4
12Ba nam na maa vei to,
a lage a ma ŋwe-choa mo a che-ba a ja ne zuna tei.
A ta wó waare-ba,
lwarem dem ba na ke to ŋwaane.
13Lɛɛro wo ba yuu ne!
Kokuri to, ba pipiri ba viiri amo tei ne.
Cham wó yi-ba,
ba na lɔge amo kwaga ne to ŋwaane.
A ya lage a vere-ba mo a yage,
ba nam fɔge vwa ba pa-ne.
14Ba ba yeini ba lwoori-ne de ba wo maama.
Ba tigi ba gadworu baŋa ne
ye ba laam chwoosa.
Ba maa yeini ba bɛ ba yera ba wara wone#7:14 naa ba gilimi daane
se ba na wodiu de sana mo.
Ba nwoŋi amo kwaga ne mo konto.
15Amo mo korese-ba se a pa ba na dam.
De ko de, ba ta jege boboŋ-balwaaro de amo.
16Ba na beeri wolim to,
ba ba kwoni ba yum wɛɛne.#7:16 naa ba ba nii Yuu-tu Wɛ wom seeni
Ba nye de taŋa kalo na gugwoli to mo.
Ba nakwa bam wó to jara wone,
ba na bere ba tete kamunim to ŋwaane.
Mo kokuri Ejipti tiina bam wó taa jege-ba ba mɔna.”
Currently Selected:
Hosea 7: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
