Ezekeli 35

Edom teo taane

1 Baŋa Wɛ kwora daa ma yi amo we:

2“Nabiinu, pipiri n yibia n jeeri Seyira peo kom#35:2 Seyira peo kom wo Edom laŋa kam ne. se n pworisi n chɔge-ko 3n ta we, ‘Seyira peo, amo Yuu-tu Baŋa Wɛ dwoni dede‑m mo. A nam wó twe a jeŋa a jeeri‑m se n ji kagoa n ta‑n tiga. 4A lage a pa se nmo teene dem maama mo ji di-dwonnu de taa zega, se n laŋa kam ji kagoa. Nmo laam ma‑n wó lɔre we amo mo ye Baŋa Wɛ wom.

5Ko zege faŋa kam ne mo abam jege sebaŋa á ke de Isarele tiina bam. Á ma da ko ŋwaane á dole-ba á yage se ba te jara wone, maŋa kalo ne lɛɛro na tiini te yi-ba ye ba yɔɔre ba na waarem ba ti to. 6Konto ŋwaane, ne amo Yuu-tu Baŋa Wɛ na jege ŋwea tei to, ko ye chega mo we a lage a pa chwoŋa mo se nɔɔna yɔɔre ba go abam. Abam bá lu de á ŋwea, á na maŋe á swoi nɔn-gora kikia to ŋwaane. 7Amo wó pa Seyira peero jei sem ji kagoa ka taa tiga, ye a daare a go balo maama na tɔge jei sem konto ne ba kɛ to. 8Twa yerane mo lage ba faare abam peero tem yuu. Balo na tege jara wone to wó taa tigi a zwonnu baŋa ne, de á bwollu tem, de á gugworru tem tega ne. 9A lage a pa á teo kom ji kagoa mo se ko taa vei wuu. Nɔɔna daa bá taa zoore á teene dem wone. Abam laam maa wó lɔre we amo mo ye Baŋa Wɛ.

10Abam nam tage á tete ne we, “Debam mo wó jwoŋi Judah teo de Isarele teo, de ba tega kam maama dé taa tei.” Á tage konto dwoŋi ye amo Baŋa Wɛ nam wo ba tei ne. 11Konto ŋwaane, ne amo Yuu-tu Baŋa Wɛ na jege ŋwea tei to, ko ye chega mo we a lage a waare abam mo se ko maŋe de á na tiini á ke bane de puseŋa tei amo nɔɔna bam baŋa ne, ye á ta done-ba tei to. Amo laam maa wó veere a tete de-ba, ne a ná waare abam a ti. 12Abam de maa wó lɔre we amo Baŋa Wɛ nigi á ta-yɔɔro tem, de abam na yaale Isarele peero tem tei to. Abam maŋe á ta te taane we, “Jei sem konto jigi kagoa mo, pa se dé na chwoŋa se dé wane-ba dé di.” 13Á bere á tete kamunim mo amo yiga ne, ye á daare á ŋɔɔne ta-balwaaro dedɛ á ma á chɔge-ne. Amo nam nigi te maama. 14Yuu-tu Baŋa Wɛ nam na tage tei to mo tento: A lage a pa á teo kom maama chɔge mo, se logo baŋa nɔɔna maama taa chaka. 15Ne nmo de déem na chake maŋa kalo ne Isarele dwi tiina bam de ba tega kam maama na nɛ chɔgem to, konto mo amo de lage a ke abam. Seyira peero jei sem de Edom laŋa kam maama lage te chɔge te ji di-dwonnu yerane mo. Ba laam maa wó lɔre we amo mo ye Baŋa Wɛ.’ ”

Currently Selected:

Ezekeli 35: KBG

Highlight

Copy