Amosi 4
4
1Cheigi-na a taane dem, abam kaana balo na nwoŋi Samaria to. Á na nugi tei to nye de Basan naane dem mo. Abam yeini á daane nabwona, ye á bɛɛse yiniga tiina. Á ta daare á fe á banna se ba pa abam sana se á nyɔ á su.
2Yuu-tu Baŋa Wɛ na ye wose to nam dugi de o tete mo o we:
“Maŋa lage ka yi se nɔɔna zi abam ba vaŋe á momwa ba ja kɛ. Ba wó vaŋe á maama ba ja kɛ ne ba na mɛ gwoli ba ja ywona tei to. 3Ba wó le abam á sam dem ne ba ja tɔge kabiri sem na bwori mɛ to laŋa ne ba kɛ ba de abam ba yage Haremon seeni.”
Baŋa Wɛ mo tage konto.
Isarele tiina na yeini ba ve Wɛ ni dem tei to
4“Nam ta‑á tui-na Bɛtel se á ve Wɛ ni! Véi-na Giligal de, se á ve Wɛ ni á daŋe da-baŋa ne! Kwaane-na á ta‑á zuli Wɛ ne á na lage se á ke tei to. Á lage se á kwei á vara á ma á kaane á pa Wɛ zezeŋa maama. Á lage se á ja á Wɛ-teiri pɛɛra yam á ba á pa Wɛ da yatɔ maama. 5Kwei-na bworobworo á ja á ba se á pa Wɛ se ko taa ye abam lei keim. Ko daare á wo-ywoŋo pɛɛra yam, á jege se á mage á nyɔɔna ya ŋwaane se nɔɔna maama lɔre á na ke tei to. Wonnu telo abam Isarele tiina bam na lage se á ta‑á ke to mo konto.”
Yuu-tu Baŋa Wɛ mo tage konto.
6“Amo nam mo pɛ se kana zo á teene dem maama wone. De ko de, á ta ba sɛ se á jwoori amo tei.”
Baŋa Wɛ mo tage konto.
7“Chane setɔ ta na daare se á pe á wodiiru to, amo pɛ se doa wo nege ye á wodiiru chɔge. Amo pɛ doa ne teo dedoa ne ye ka wo nege kodwoŋi ne. Ka ta nege kara dedoa ne ye kadwoŋi mena kwaare kwaare. 8Nɔɔna ma nwoŋi ba teo wone ba kare teene dedwonna ba lage na se ba nyɔ, ye na bam wo yi ba nyɔɔm. Abam nam ta ba sɛ se á jwoori amo tei.”
Baŋa Wɛ mo tage konto.
9“Amo ta pɛ se jaweero ba te chɔge abam kare sem wodiiru. Kayere maa yeini se di á teeni maama, pa se á kaporro tem de á Olivi tio-bia de á Vini tio-bia bam maama chɔge. Abam nam ta ba sɛ se á jwoori amo tei.”
Baŋa Wɛ mo tage konto.
10“Amo pɛ jawe-chɛɛro ba abam baŋa, ne amo déem na ke tei a ma a chɔge Ejipti tiina bam faŋa faŋa to. Amo pɛ á nɔn-donno te jara wone, ye nɔɔna kale á sisein-nɔɔna bam maama ba ja ba viiri. Twa yera lwom ma zaŋe de su á na tigi mɛ maama to. Abam nam ta ba sɛ se á jwoori amo tei.”
Baŋa Wɛ mo tage konto.
11“Amo chɔge abam badwonna ne a na chɔge Sodom de Gomora tiina tei to.#Pulim 19:24-25 Abam balo na daare ye á wori to déem jwoŋi á ŋwea ne daa kalo na jaane mini ye ba le-ka de wone tei to. Abam nam ta ba sɛ se á jwoori amo tei.”
Baŋa Wɛ mo tage konto.
12“Isarele tiina bam, nam lɔre-na we amo lage a waare abam konto dwoŋi mo. Amo nam na lage a toŋe konto á yera ne to ŋwaane, ti-na á yiga se á ba á zege amo yiga ne.”
13Nii-na!
Baŋa Wɛ ye wolo na mɔɔne peero tem.
O ma daare o pa vio zaŋe ko dola.
O ma pɔɔre o boboŋa o pa nabiina lɔre ya na ye tei to.
O pae te-pora leiri ka jiri lim.
Wonto mo gwɛ peero baŋa ne
o vei o kare logo baŋa maama.
Ko nam ye Paŋwa Tu Baŋa Wɛ mo ke konto!
Currently Selected:
Amosi 4: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
