Amosi 3

Isarele tiina maŋe waarem

1Isarele dwi tiina bam, cheigi-na taane delo Baŋa Wɛ na jege se o ta to. Ko ye taane delo o na ŋɔɔne o pa abam dwi dem maama o na kale o ja nwoŋi Ejipti teo ne to mo. O maa we:

2“Amo kuri abam yerane mo a le dwi maama na wo logo baŋa ne to wone, ye a nii á baŋa ne. Konto ŋwaane mo amo jege se a waare abam á keim-lwanno tem ŋwaane.”

3Nɔɔna balei wó taa vei daane ye ba wo ŋɔɔne ba maŋe daane na?

4Nywoŋo ná wo zi woŋo, ko wó suuri gaao ne na?

Nywoŋo-balaŋa ná wo jaane woŋo, ko wó taa ŋuuri ko tiga jei ne na?

5Nɔɔno ná wo chege kalanchogo o tiŋi, ko wó wane zuŋa ko ja na?

Kalanchogo nam wae ko pɔpɔ ko faŋe wɛɛne ye kolokolo tera se ko ja na?

6Ba ná wugi tigura nabɔnɔ teo wone, foone bá ja nɔɔna bam na?

Baŋa Wɛ ná wo pɛ chwoŋa, chɔgem wó wane de ba teo wone na?

7Ko ye chega mo, Yuu-tu Baŋa Wɛ bá ke woŋo ye o wo le o boboŋe dem konto o bere o tontoŋena balo na ye o sampwori to.

8Nywoŋo nam seene ko suuri! Wɔ mo bá taa kɔre foone?

Yuu-tu Baŋa Wɛ nam ŋɔɔne ja! Wɔ mo wó ve se o tɔɔle o taane dem?#Jeelim 22:38

Samaria teo chɔgem

9Nam tɔɔle-na kwora se ka yi balo na zoore Ejipti de Asedodi sɔ-fwaaro tem wone to we, “Jeeri-na daane Samaria peero tem yuu ne se á nii á lɔre wo-yɔɔro de lwarem delo Isarele tiina bam na ke ba pa daane to.” 10Yuu-tu Baŋa Wɛ ma ta o we, “Nɔɔna banto yeiri chega chwoŋa tɔgem. Ba yeini ba vere nɔɔna wonnu de dam ba vei ba sui ba sɔ-fwaaro tem. 11Konto ŋwaane ba dona wó ba ba gilimi ba teo kom pa se ba chɔge ba dam jei sem ye ba vere ba jejegero ba sɔ-fwaaro tem wone.”

12 Baŋa Wɛ ni dem mo tento:

“Nywoŋo ná jaane pia se ko di, nayero wó kwaane se o jwoŋi pia kam ko ni ne, ko ná maŋe ko ye ka nɛ selei de ka zwa chichworo yerane de. Ko nam ye bedwe mo de Isarele tiina balo na zoore Samaria wone to. Ba ná maŋe ba na verem, ba jejegero fenfee yerane mo wó daare, nenɛɛne jangɔŋɔ naga chichworo naa pulu na zareme tei to.”#3:12 naa Ba wone balo na sage jangwaano de pullu ne ba di ywoni leile to fenfee yerane mo wó na ba verem.

13Paŋwa Tu Baŋa Wɛ maa we:

“Cheigi-na, se á kaane Jakob dwi tiina bam we: 14Dɛ dem amo na wó waare Isarele tiina bam ba wɛleera yam ŋwaane to, amo wó chɔge Bɛtel kaanem bimbina yam ye a pa se ya nyea yam maama bwori ya to tega ne.#2 Pwa 23:15 15Amo wó yɔɔre a chɔge ba sam dem maama. Ko ná ye sɔŋɔ kolo ba na lɔge teo kamunu wone naa teo balaŋa wone to, de kolo ba na kwei tuu yeila ba ma kwɛ to de, amo wó chochoge ba sɔ-fwaaro tem maama.”

Baŋa Wɛ mo tage konto.

Currently Selected:

Amosi 3: KBG

Highlight

Copy