GENESIS 36

1Ma si ade la ne ita mai atha Iso, na kera alaṉia thatana atha Idomo, nai nia. 2Tha Iso e tolea ai nia ki ana thari i Kenana ki; ni Eda, thari Hitaete eri na tha Ilono, ma ni Aolibama, thari ni Ana, thari Haefaete eri na tha Sibiono; 3Ma ni Basimata na thari tha Isimela, waiwaena tha Nebaioto. 4Ma ni Eda e tharea tha Elifasa ifatha Iso; ma ni Basimata e tharea tha Ruele; 5Ma ni Aolibama e tharea tha Jiusa, ma tha Jalama, ma tha Kora: kaluwane tha Iso ki neri, ne kwalafia i la fanua i Kenana. 6Ma tha Iso e talaia ai nia ki, ma kaluwane nia ki, ma thari nia ki, ma toa eki sui bana na i maafera nia, ma katele nia ki, ma aini do maruki nia ki ni sui bana, ma ogogonia nia sui boo ne todadaki la fanua i Kenana; ka lae uria ta fanua eeta faisia maana thasina na tha Jekofo. 7Uria na ni keroa kero rikiido, ma kesi talaana to ofu la; ma fanua eri na kero to ni laea iei e a’i si talaadaroa sulia katele keroa ki. 8Ma tha Iso e to bana i la gwa tolo i Sia: tha Idomo na tha Iso. 9Ma si ade la ne ita mai atha Iso ṉa maka Idomaete ki i la gwa tolo eri i Sia, nai nia: 10Thatana kaluwane tha Iso ki nai nida; tha Elifasa kaluwane ni Eda na kwaina tha Iso, tha Ruele kaluwane ni Basimata na kwaina tha Iso. 11Ma kaluwane tha Elifasa ki tha Timani, tha Oma, tha Sifo, ma tha Gatama, ma tha Kinasi. 12Ma ni Timina e ofu bia tha Elifasa kaluwane tha Iso; ma nia ka tharea tha Amaleke ifatha Elifasa: kwalafana ni Eda na kwaina tha Iso neri. 13Ma kaluwane tha Ruele ki nai nida; tha Nahata, ma tha Sira, tha Sama, ma tha Misa: kwalafana ni Basimata na kwaina tha Iso neri. 14Ma kaluwane kwaina tha Iso na ni Aolibama thari ni Ana thari tha Sibiono, nai nida: ma nia ka tharea tha Jiusa ifatha Iso, ma tha Jalama, ma tha Kora. 15Arai ki ana kwalafana tha Iso nai nida: kwalafana kaluwane ulunao tha Iso na tha Elifasa; arai eri na tha Timani, arai eri na tha Oma, arai eri na tha Sifo, arai eri na tha Kinasi. 16Arai eri na tha Kora, arai eri na tha Gatama, arai eri na tha Amaleke; arai eki neri na kera ita mai atha Elifasa i la fanua i Idomo; kwalafana ni Eda neri. 17Ma kaluwane tha Ruele na kaluwane tha Iso nai nida; arai eri na tha Nahata, arai eri na tha Sira, arai eri na tha Sama, arai eri na tha Misa: arai eki na kera ita mai atha Ruele i la fanua i Idomo neri, na kwalafana kwaina tha Iso na ni Basimata. 18Ma kaluwane kwaina tha Iso na ni Aolibama nai nida; arai eri na tha Jiusa, arai eri na tha Jalama, arai eri na tha Kora: arai eki neri na kera ita mai ana kwaina tha Iso na ni Aolibama na thari ni Ana. 19Kwalafana tha Iso, na kera alaṉia atha Idomo, ma arai kera ki neri.

20Kaluwane tha Sia na Horaete na kera to bada i fanua eri nai nida; tha Lotana, ma tha Sobali, ma tha Sibiono, ma tha Ana, 21Ma tha Disono, ma tha Isa, ma tha Disana: wane eki na ṉa arai Horaete ki, na kwalafana tha Sia i la fanua i Idomo. 22Ma ro kaluwane tha Lotana na tha Hori ma tha Himama; ma waiwaena tha Lotana na ni Timina. 23Ma kwalafana tha Sobali nai nida; tha Alafani ma tha Manatha, ma tha Ibali, tha Sifo, ma tha Onama. 24Ma ro kaluwane tha Sibiono nai nida, tha Aja ma tha Ana: Ana eri neri ne fulatoona ruka‐mauri eki ana kafo aako i la fanua kwasi si mana ba ne tharea ase ki maka nia na tha Sibiono. 25Ma kwalafana tha Ana nai nidaroa; tha Disono, ma ni Aolibama na thari ni Ana. 26Ma kwalafana tha Disono nai nida; tha Hemadana, ma tha Esebana, ma tha Irana, ma tha Serana. 27Kwalafana tha Isa nai nida; tha Bilana, ma tha Safana, ma tha Akana. 28Kwalafana tha Disana nai nidaroa; tha Asa, ma tha Arana. 29Arai eki na kera ita mai ana Horaete ki nai nida; arai eri na tha Lotana, arai eri na tha Sobali, arai eri na tha Sibiono, arai eri na tha Ana, 30Arai eri na tha Disono, arai eri na tha Isa, arai eri na tha Disana: arai eki neri na kera ita mai atha Hori imaalutana arai kera ki la fanua i Sia.

31Ma kiṉa ki nai nida na kera gwauwai i la fanua i Idomo, si maṉa ne a’i u ta kiṉa si gwauwai fafia kwalafaa tha Isirela ki. 32Ma tha Bila na kaluwane tha Bio e gwauwai i Idomo: ma thatana toaa susu nia i Dinaba. 33Ma tha Bila e mae, ma tha Jobaba, kaluwane tha Sira i Bosara, ka tae fuli ani nia. 34Ma tha Jobaba e mae, ma tha Husama i la fanua i Timani ka tae fuli ani nia. 35Ma tha Husama e mae, ma tha Hadada kulawane tha Bidada, ne kwaea toa i Midiana i la fanua i Moaba, ka tae fuli ani nia: ma thatana toaa susu nia i Afiti. 36Ma tha Hadada e mae, ma tha Sala i Masarika ka tae fuli ani nia. 37Ma tha Sala e mae, ma tha Solo, i Riobotho na ni karaṉia kafo baita eri, ka tae fuli ani nia. 38Ma tha Solo e mae, ma tha Bealana kaluwane tha Akabo ka tae fuli ani nia. 39Ma tha Bealana kaluwane tha Akabo e mae, ma tha Hada ka tae fuli ani nia: ma thatana toa susu nia i Bau; ma thatana kwaina na ni Metabelo, thari ni Matareta, thari tha Mesaba. 40Ma thatana arai eki na kera ita mai atha Iso, sulia ina lana toa kera ki, sulia fanua kera ki, ma sulia thatada, nai nida; arai eri na tha Timina, arai eri na tha Alafa, arai eri na tha Jeteta, 41Arai eri na tha Aolibama, arai eri na tha Ila, arai eri na tha Binono, 42Arai eri na tha Kinasi, arai eri na tha Timani, arai eri na tha Misa, 43Arai eri na tha Madiele, arai eri na tha Irama: arai i Idomo ki neri, sulia fanua na kera to mai iei ki la fanua kera u boo: tha Iso neri, maka totonao Idomaete ki.

Currently Selected:

GENESIS 36: MLU1949

Highlight

Copy